اسكريبتات روان أحمد ♥️

اسكريبت 3

ـ اموت انا فى القصيرين ...
بغمزه: "ماتدينى الامان ونجيب حنان"
ـ يعنى هو مفكر نفسه روش كدا يا نورا طب قسمابالله لمرمط بكرامته الارض ووطت جابت طوبه وحدفتها عليه ...
ـ اااااه يابنت المجنو..نه .
ـ يا رحاب استنى بس الله يخربيتك عملتى ايه .
ـ عملت اللى يستحقه انسان وقح ..
ـ يختااى اهو جايلك اهو .
روحت وطيت جبت طوبه كمان ولما قرب روحت حدفاها جت فى دماغه وقولت بصوت عالى:خد حنان كفايه حنان ولا عايز تانى انسان ز....باله .
مسك راسه بايده ولسه هيقرب ناحيتى كنت سحبت نورا الهبـ...له وجرينا "اصل الجرى نص الجدعنه"
سمعته بيزعق ومتعصب جامد ..هه حد قاله يعاكس رحاب والاجر على الله من البدايه لا وكمان بيتنمر على قصرى اسمالله عليه يعنى من طوله ابو طويله الاهـ...بل .

وصلت البيت اخدت دش على السريع وجريت على المطبخ هموت واكل وكالعاده امى محضره الاكل بتاعى وعند خالتى غرفت المكرونه والبانيه وروحت شغلت التليفزيون حبيب قلبى دا اللى اتبقا دقيقتين والمسلسل الكورى هيبدأ
،أكلت والمسلسل خلص مستنيا بكرا على ناار علشان اكمله ماعن معايا نت بس اتعلم الصبر ...
انشغلت بالمسلسل ونسيت اعرفكوا بنفسى "رحاب عندى 19 سنه بس مش باين عليا يمكن لانى قصيره حبه حبتين كدا بس انا ماشيه بالمبدأ اللى بيقول ^طويل واهبل وقصير اوزعه ^ اهو اوزعه احسن ما اكون هبـ..له .. بدرس فى كليه أدب وعايشه مع ماما وبابا وانا دلوعه ماما وبابا لان مفيش غيرى ".

تانى يوم روحت الكليه انا والبنت نورا حببتى وكان يوم استغفر الله يعنى روحت سمعت المسلسل ولقيت امى هزرنا وضحكنا وحكيتلها الموقف اللى حصل معايا وبقت مبسوطه بيا انى عرفت اتصرف صح "بينى وبينكوا أم مشجعه على الفساد 😂".
ـ الام :تعرفى يا رحُبه ان خطوبه سماح بعد بكرا .
ـ بغباء:سماح مين يا ماما ؟؟
ـ خبطتنى على دماغى وقالت :سماح بنت عمك محمد .
ـ اه سماح ومين بقا تعيس الحظ اقصد سعيد.
ـ ابن مصطفى بكر .
ـ قال يعنى كدا يا ماما انا عرفت ،هو انا اعرف غيرك انتى وعيلتنا بالعافيه .
ـ دا يبقا جارنا ساكن فى العماره اللى فى الشارع اللى ورانا .
ـ طيب اما اروح اباركلها واشوف هلبس ايه .
ـ روحى يا أول العنقود وأخره .
ـ ضحكت وبعتلها بوسه على الهواء ودخلت كلمت سماح ودورت فى الدولاب لقيت بنطلون وشميز لسه جداد "اتصدقوا طلعت خطوبه مرزقه اهو وطقم جديد "
وعدى يومين وطبعا عزمت البيست بتاعتى ولبست واتشيكت ولبست الكعب لابد منه يعنى وروحت الخطوبه انا ونورا اتصدمت لما لقيت العريس هو المتنمر دا اه بقا جاى تنتقم منى فى بنت عمى لقيته حاطت لزق طبى على قورته ضحكت ونورا كتمت الضحك بالعافيه
روحنا نسلم واجب يجماعه اومال .
ـ عروستنا القمر سلمت عليها وحضنتها وهو اتصدم لما شافنى وروحت عنده العريس ابو باطحه فى دماغه مبروك يااا عريس .
ومشيت انا ونورا هيصنا وبقيت اراقبه واتعهدت انى لازم افشل هذا الرابط السخيف نيهاهاهاها .
ـ روحت البيت وبالطريقه عرفت من امى هو ساكن فى انهى عماره بالضبط والدور الكام لزوم الخطه .
ـ والحمدلله طلع ساكن فى الدور التالت .
روحت انا ونورا لازم بردوا نشوف البيت من جوا عامل ازاى مش من ضمن الخطه بس فضول .
ـ طلعنا لطنط ام احمد وفتحت لينا وهى عرفتنا من ساعه الخطوبه .
ـ كنت قريبه من هنا قولت لازم اسلم على طنط منيره القمر .
ـ ضحكت وقالت :انتوا تنورا يا حبايبى ثانيه واحده والعصير يجى .
ـ انا ونورا :مالوش لزوم با طنط والله .
ـ لا ازااى ثانيه واحده بس .
|سابتنا ودخلت المطبخ وخليت نورا قاعده تراقب الجو وانا اتمشيت فى الشقه كانت جميله وبسيطه وفتحت اوضه لقيت برواز كبير فى احمد ومامته وباباه الله يرحمه وواحد مااعرفهوش .. لقيت نورا بتنادى عليا طلعت وعملت نفسى كنت بدور على الحمام .
ـ ولا يهمك الحمام على ايدك اليمين .
ـ واتكلمت بفضول :اسفه. لو كنت هتدخل فى خصوصيات بس وانا بدور على الحمام لقيت برواز فى صوركوا مين الشاب اللى فى الصوره دا .
ـ ابتسمت :طه ابنى مسافر برا بقاله 6 سنين وكل سنه او اتنين ينزل اجازه مره .
ـ ربنا يرجعهولك بالسلامه .
ـ اللهم آمين يا حببتى ،اشربوا العصير يا قمرات .
حقيقى ست لطيفه مش زى البا...رد ابنها روحت وحكيت لماما انى روحت فى زياره عاديه ولان عارفه انى منعزله عن الناس استغربت بس معلقتش على الموضوع.
"عدى فتره وعرفت ان ابن طنط منيره نزل من السفر انى عرفت فلازم تروح هى وبقيت العيله علشان يسلموا فانا رنيت على نورا علشان نروح سوا "نورا راشقه معايا حتى لو روحت فين كدا " روحت وقد ايه طلع طه دا انسان لطيف عكس اخوه الغلس وطلع هيتعين دكتور فى الكليه بتاعتنا وانا سمعت الخبر من هنا قولت باااس هينتقم فيا لاخوه وهتبدأ الرومانسيه بقا والعب ".
روحت واستعديت بقا للرومانسيه،ههههههه .
روحت انا ونورا للكليه ودخل عرف نفسه انتظرت يستقصدنى بقا او على اقل سبب يطردنى ويزعق فيا قدام المحاضره كلها وبعد كدا ويتأسف بقا ويبدأ يحبنى لكن مفيش عدى اسبوعين والراجل بيتعامل ولا اكنى موجوده ، وفى يوم لقيت رقم غريب بيرن استغربت بس رديت لقيته احمد وبيعتذر على اللى حصل منه فى اخر منه وانا اتقبلت اسفه وكمان الصراحه عفوت عن احمد لانه طلع بيحب سماح وسماح حبته فحرام اكون سبب فى تفريق قلبين 💞 ...

النهارده رايحه الكليه لوحدى لان نورا مسافره عند خالتها وسابتنى الواطيه ...
واحد فضل ماشى ورايا .
ـ الاه دا إيه اليوم اللى مش معدى دا 123 واتلفت ليه وقولت :جراا ايه يا خويا ماشى ورايا من الصبح ليه .
ـ هو انا جيت جنبك يا انسه .
ـ لا وانا هستنى لما تيجى جنبى يا خويا ما انت ماشى من الصبح وقولت يمكن طريقه نفس طريقى لكن بقالك ربع ساعه على الحال دا .
ـ انا اسف يا انسه بس انا عايز رقم الحاج .
ـ انت عارف لو الحاج عرف انك عايز رقمه منى وتطلب ايدى هيعمل فيك ايه .
ـ هيعمل ايه ؟؟
ـ هيعمل من فخادك شاورما وحل عنى اشكال تقرف على الصبح.
لقيت اللى وقف بالعربيه طلع طه نزل وقالى : الأستاذ دا مضايقك فى حاجه .؟؟
ـ ابتسمت وقولت لا دا سوء تفاهم بس يا طه .
حسيته اتصدم لما ناديته باسمه من غير دكتور بس انا مش بحب الالقاب بتعملى حساسيه .
عزم عليا يوصلنى وانا من اول مره ركبت الجو حار وانا بخاف اركب اى مواصله لوحدى من غير نورا .
ـ احم ،ماشيه لوحدك ليه انهارده .
ـ اصل نورا مسافره فرايحه الكليه لوحدى .
ـ طب مركبتيش ليه بدل البهدله دى والاستاذ دا كان مضايقك فى ايه.
ـ ولا حاجه كان ماشى ورايا وعايز رقم بابا .
لقيته وقف العربيه مره واحده وقال :ويطلب منك رقم الوالد ليه .
ـ هزيت كتفى بلا مبالاه :عادى عايز يطلب ايدى .
ـ يعنى واحد اول مره يشوفك فى الشارع ويقرر يتجوزك.
ـ حبيت استفزه :مش يمكن حب من اول نظره يا طه .
ـ شغل العربيه من غير ما يتكلم ،طب انا اول مره الاحظ الغمازه اللى فى خده اليمين حلوه اوى يارب العيال ياخدوا الغمازه دى منك ....
وصلنا وقالى استنى علشان اروحك معايا وانا راجع .
ـ طب والله وفرت عليا المشوار يابو طه .
ـ ابو طه ؟؟
ـ اه اصل احنا عندنا هنا اى اسم نحط ابو يعنى مثلا احمد يبقى ابو حماده ومصطفى يبقى ابو درش و
بس خلاص ابو طه ابو طه يالا على المحاضره .
ـ سلام يا ابو طه ..ههههه.
ـ خلصت روحت الكافتيريا جبت سندوتشات وكنز واستنيته قدام عربيته بدات اكل الساندوتش بتاعى واتبقى بتاعه اصل اتاخر وانا جوعت لقيته جاى وعلى وشه ابتسامه والغمازه القمر دى .
ـ اتاخرت عليكى .
ـ هزيت راسى بلا ...فتح العربيه وركبنا .
ـ اتفضل كل دا انا عامله حسابك معايا .
ـ لا شكرا بالهنا انتى .
ـ يعنى بذمتك فطرت من الصبح .
ـ الصراحه لا ... طب خد يا راجل ماتتكسفش دا احنا نسايب بردوا .
ضحك واخده ووقف العربيه على جنب واكلنا سوا فروحت سالته :انت ليه سنجل لحد دلوقتى .
ـ عادى ،طب وانتى ليه لسه سنجل يا رحاب .
ـ اصل بابا بيحبنى اوى فمش متخيل انى فى يوم اسيب البيت واروح لبيت جوزى فمتمسك بيا فحتى اى عريس يجى يطفشه يرضيك يا طه الكلام دا .
ـ والله والدك عنده حق اللى عنده بنوته زيك ما يجوزهاش بالساهل كدا .
ـ ببراءه :يعنى قصدك ان انا حلوه واستحق اعنس كرمال ابى .
ـ ضحك وقال :والله يا رحاب انتى مشكله ..شاركته الضحك ووصلنا البيت حكيت لامى كل حاجه اصل امى مخزن اسرارى كله ، وامى قالتى شكل الصناره غمزت .
ضحكت وسكتت لانها فعلا غمزت .
ـ روحت الكليه عادى وخلصت ومروحه لقيت طه بينادى .
التفت ليه وقولت :فى حاجه يا طه .
ـ يبنتى احنا فى الجامعة ياريت الالقاب .
ـ ما هى بتعملى حساسيه .
ـ بغباء :هى إيه دى ؟؟
ـ الالقاب يا طه فتح معايا .
ـ طب بمناسبه شيل الالقاب وكدا عايزين نشيل طه خالص ونحط حاجه تانيه بدالها .
ـ بتساؤل :الاه هى ايه الحاجه اللى نستغنى بيها عن اسمك؟
ـ رجع ايده فى شعره بتوتر وابتسم والغمازه بانت اه من غمازتك واتكلم :جوزى .
ـ ايه ؟؟
ـ ايه .
ـ انت قولت جوزى .
ـ بتوتر :لا لا انتى سمعت غلط .
ـ وحتى لو سمعت غلط نصححها وتبقى صح يا زوجى العزيز وغمزتله 😉.

"ابتسم فأنت قمر وهذا ليل مظلم 🌙🏵️"
لـ روان احمد.
ـ رأيكم يا أحباب ....🌺