اسكريبتات روان أحمد ♥️

اسكريبت احببت ابن الوزير 1 ،2

#البارت_الاول.
#احببت_ابن_الوزير.

ـ اقف عندك ونزل البتاعه اللى انت ماسكها فى أيدك دى
وسيب البت تمشى .
ـ اتكلم باستهزاء :وانتى مش خايفه من البتاعه دى لتطلع منها طلقه تق.تلك ...
ـ هههه اتصدق انا خوفت دلوقت ، بقولك سيب البنت تمشى ونزل سلا.حك ....
ـ وان ما عملتش اللى انتى عايزاه ..؟
"بحركه سريعه منى طلعت مسدسى وضربت طلقتين كل طلقه فى رجل بس فى اماكن مش حيويه "اتوجع وساب البنت ووقع على الارض البنت جرت عليا طمنتها وروحت ليه بسرعه كلبشت أيده ورنيت على زمايلى علشان يجوا يودوه المستشفى وبعد كدا يحققوا معاه .
اخدت البنت وروحت القسم ودخلت على مكتبى وحكيتلى اللى حصل وطلع أنه كان بيحاول يخطفها ولما شافتنى فرحت لانها لقت امل ان حد ينجدها .
اهل البنت جم اخدوها وانا روحت بيتى ...فضل يدور فى دماغى انى لولا النهارده كان عندى عمليه وروحت متاخر كان ايه مصير البنت دى اخدت شاور ونمت ..
"انا يمنى عندى 27 سنه وضابط شرطة واوقات بيطلبونى فى مهمات مهمه عايشه لوحدى فى مدينه تانيه غير اللى اهلى عايشين فيها "

الساعه 3 الفجر تليفونى بيرن يختاااى هو انا لحقت انام
الو .
ايوا تعالى دلوقت فى المكان ....
ثوانى واكون عندك .
لبست ونزلت بسرعه روحت المكان ولقيت حاجه اللهم بارك قمر قدامى فركت عينى يمكن اكون بحلم معقول يكون فى بلدنا القمر دا فوقت بسرعه وقولت:معاك الضابط يمنى الخولى .
- الرائد محمود الجبالى .
ـ ممكن افهم طلبتنى ليه ..؟
ـ فى مهمه محتاجينك فيها لانك كوفٔ وذو خبره فى المهام اللى زى دى .
ـ تمام ممكن افهم نوع المهمه وهنفذ امتى .
ـ مش دلوقتى بكرا ان شاء الله فى المكان..... الساعه 2 بالليل باى .
قال باى واختفى يخربيت حلاوتك يشيخ بس الساعه ٢ بالليل لييبه يعنى ....
تانى يوم قاعده فى البيت بتفرج على التليفزيون بملل
"اصل لما بيكون عندى مهمه تلقائى باخد اجازه من الشغل."
قومت نمت علشان هصحى الساعه واحده ويعالم هنام تانى امتى ...
المنبه رن بيعلن قدوم المهمه قمت لبست لبس كاجوال وروحت المكان قبل ميعادى بربع ساعه مش عارفه ليه بس انا اتعودت على كدا ،المكان كان فى حته عامه كافيه فى ناس رايحه وجايه بصيت فى الساعه بملل لقيتها 2ودقيقه لا احنا كدا مش نافعين مع بعض دقيقه تاخير بحالها .
وفى الدقيقه التانيه لقيته جاى لا وكمان مبتسم متاخر ومبتسم برود ما بعده برود .
ـ اسف اتاخرت عليكى .
ـ بص من بدايتها كدا انا مش بحب التاخير علشان نبقى تيم كويس بلاش تاخير تانى .
ـ احم مش هتتكرر ماعنها يعنى دقيقتين بس تمام .
ـ تمام ،ممكن بقا تفاصيل العمليه وهنفذ امتى .
ـ هنروح ننقذ ابن الوزير اللى اخدوه رهينه فى عمليه الهجوم اللى فاتت .
ـ بصيت ليه باهتمام وقولت :ازاى ابن وزير متاخد رهينه وابوه ساكت لحد دلوقتى .
ـ ابوه ما اعلنتش ان ابنه متاخد رهينه علشان الدنيا ماتتقلبش والناس انتى عارفه ما بتصدق تمسك فى اى حاجه وهتعمل إشعات عليها كتير .
ـ طب مين اللى اخده وهو فين .
ـ اللى اخده مارك جوزيف وهو حالياً فى امريكا .
ـ تمام طب انا دورى ايه .؟
ـ اولا مارك عنده 35 سنه بيعشق حاجه اسمها بنت مصريه يعنى اول لما يعرف انك من مصر مش هتلاقى نفسك إلا وانتى فى قصره بس مش اللى حابس فيه الوزير قصر تانى
وانتى وشطارتك تعرفى تخليه يأمن ليكى ويسيبك عايشه فى قصره مده اطول .
#يتبع .
لـ روان احمد..

#البارت_الثانى.
#احببت_ابن_الوزير.

ـ اكيد فى عداوه بين الوزير ومارك علشان ياخد ابنه .
ـ دى حاجه الوزير مش راضى يقولها لحد بس الظاهر عداوه قديمه .
ـ تمام هسافر امتى .
ـ بعد اسبوع بالكتير تكونى فى امريكا علشان تبدأئى.
ـ إيه دا انت مش هتسافر معايا !!.
ـ انا هسافر فى نفس اليوم بس ميعاد مختلف لان مارك مراقب الجو كويس وغير كدا انتى هتكونى لوحدك هناك انا هكون مراقبك بس علشان لو اتكشفتى او وقعتى فى خطر اعرف وانقذك ، بكرا هتروحى لعمر علشان فى شويه تعديلات وتدريبات هتتعمل ليكى علشان تبقى جاهزه للسفر وتاخدى اوراقك والباسبور .
ـ مفهوم حاجه تانيه .
ـ ربنا معاكى ويوفقك .
ـ ابتسمت ليه ومشيت الساعه بقت 4 الصبح يادوب الحق انام و اروح علشان استعد للمهمه .

بعد اسبوع من التدريبات الشاقه وغيروا شكلى للاحسن
بكرا ميعاد طيارتى الساعه 7 الصبح .
رنيت على اهلى اطمنهم عليا وعلشان اعرفهم ان التليفون هيتقفل لمده لايعلمها إلا الله ،حضرت شنطتى وحطيت مسدس كاتم للصوت علشان لو حصل اى خطر ،نمت وروحت ركبت طيارتى وعلى قد ما انا متحمسه على قد ما انا خايفه لفشل او يحصل حاجه بس سيبت كل حاجه على ربنا ..
وصلت وروحت البيت اللى هقعد فيه الفتره اللى هلعب بيها على مارك ..
نزلت وروحت نمت والساعه 12 بالليل صحيت لبست دريس حمالات وبعد الركبه وفردت شعرى والروچ الاحمر والميكب جريئ وروحت النايت كلاب حطيت عينى على الهدف و طلعت على الاستديدچ روحت لمنسق الاغانى طلبت اغنيه انتى بسكوتايه مقرمشه و اول لما اشتغلت الاغنيه لقيته انتبه نحيتى فضلت اتمايل على الاغنيه والاجانب اندمجت مع الجو وهو عينه متابعانى لحد ما الاغنيه خلصت وكله سقف بحماس روحت قعدت على البار بصيت نحيته لقيته بيبتسم ليا روحت ابتسمت وغمزلى ولقيته قام وجيه قعد جنبى ..
ـ مصريه ..؟
ـ عملت نفسى اتفجأت انه بيتكلم مصرى :اووو انت بتتكلم مصرى .
ـ انا من مصر بس عايش هنا بقالى 15 سنه .
ـ اه .
ـ بس رقصك حلو اوى يا
ـ مليكه .
ـ واسمك احلى يا مليكه .
ـ ابتسمت بخجل وقولت:وانت اسمك إيه.؟
ـ مارك جوزيف.
ـ بصيت للساعه وقولت بمياعه :انا هروح بقا هشوفك بكرا يا مارك .
ـ ابتسم وغمز ليا : اكيد يا مليكه تسمحليلى اوصل ملكه الجمال بنفسى .
ـ ابتسمت بخجل مصطنع وقولت بمياصه :ملكه جمال مره واحده .
ـ باس كف ايدى وقال :واجمل من ملكه الجمال كمان .
ـ ابتسمت وقولت بمياصه: طب ياله توصلنى يا كوكى .
ـ ياله يا قلب كوكى .
"وصلنى واول لما روحت اتكلمت وقولت جاتك القرف فيك وفى شكلك روحت اخدت شاور ونمت صحيت تانى يوم "وانا متاكده انى مارك عمل بحث شامل عنى واتاكد من ان مواطنه عاديه ولسه جايه لامريكا من شهر وان المعلومات اللى عايزين توصله وصلته .
روحت النايت كلاب بالليل ويوم فيوم بقيت اقرب منه اكتر وزى ما خططت صاحب البيت طردنى من الشقه وروحت النايت كلاب زعلانه شافنى وجيه عليا واول لما شفته .
ـ عيطت وحضنته وهو بقلق فى إيه اللى حصل، حد زعلك .
طلعت من حضنه وقولت بدموع : صاحب البيت طردنى انا كدا اتشردت ومبقاش عندى مكان اروح اقعد فيه .
ـ اتكلم بحنيه :ليه وانا بيتى راح فين انتى هتيجى تعيشى معايا .
ـ اتكلمت بخضه مصتنعه :مش هينفع وغير كدا هتقل عليك .
ـ ايه اللى هيقل نفعه تعالى معايا يالا .
ـ بدموع وهميه واستسلام هزيت راسى بقله حيله ومشيت معايا .
ـ و اول لما وصلت اتفجأت ...
#يتبع .
لـ روان احمد
ـ رأيكم ...💓