اسكريبتات روان أحمد ♥️

اسكريبت 13

#اسكريبت .

ـ يا مصررررررى .
ـ بتنادى عليا انا .
ـ هو فى غيرك مصرى هنا .
ـ عايزه إيه .
ـإيه عايزه إيه دى ،علفكره دى مش شهامه المصرين فى الغربه .
ـ لا ما انا بقالى 11 سنه هنا فنسيت العادات بقا وكدا .
ـ نينينينى بارد ،انا غلطانه انى ناديت عليك روح ياعم الله يصلح حالك .
ـ هو انا جاى اشحت منك .
ـ جايه ارد عليه سابنى ومشى ..
"انا ساره عندى 23 سنه عايشه فى باريس بلد الرومانسيه والشهاده لله من ساعه ماجيت المخروبه دى ماشوفتش بربع جنيه رومانسيه حتى ، اخويا قاعد هنا من زمان وهو باعتلى علشان اعيش معاه وانا اما صدقت قولت هعيش قصه حب فى المطار او وانا راكبه الطياره حتى لكن المنحوس منحوس "

لسه جديده فى البلد بقالى تقريبا ٣ شهور وكل يوم انزل اتفسح شويه لحد ما افتح مشروع احلامى وانى افتح محل لبيع الشوكلت وابقى مشهوره ، ولحد دلوقت بدور على محل فى مكان مناسب وان شاء الله هلاقى ..

وانا ماشيه كعادتى لقيت واحد بيتكلم فى الفون بلغتنا الله وحشتينا يا ام الدنيا والله ، جايه اروح اكلمه لقيته مشى فـ ناديت عليه ..
ـ يا مصررررى .
ـ بتنادى عليا انا.
ـ هو فى غيرك مصرى هنا.
ـ عايزه إيه.
ـ ايه عايزه ايه دى ،علفكره دى مش شهامه المصرين فى الغربه.
ـ لا ما انا بقالى 11 سنه هنا فنسيت العادات بقا وكدا.
ـ نينينينى بارد، انا غلطانه انى ناديت عليك روح ياعم الله يصلح حالك.
ـ هو انا جاي اشحت منك ، فـ راح سابنى ومشى هل انا غلطانه فى حاجه لو غلطانه قولوا ..؟

بعد شهر لقيت محل فى حته هايله اشتريته وعملت انواع شوكلتس كتير وبكل حـب بما ان كل اهلى فى مصر كانوا بيشكروا فى الشوكلاته بتاعتى ...
الحمد لله المحل اشتغل وبقا ليا زبائن خاصه ...
بعد فتره لقيت اللى دخل فقولت وانا مديه ظهرى للباب ...
Sorry, but the shop is closed now
ـ يعنى مش هينفع اشترى يا مصريه .
ـ ابتسمت والتفيت ليه وقولت تؤ للاسف مش هينفع يا مصرى.
ـ علفكره دى مش شهامه المصرين فى الغربه.
ـ ضحكت وقولت :انت لسه فاكر كلامى .
ـ اصل انا ذاكرتى قويه حبتين .
ـ يااارب بعض من عندكم .
ـ ضحك وقال اعتبر دا قر يعنى .
ـ ضحكت وانا بقول: تؤ تؤ اعتبره حسد .
ـ طب مش هينفع اشترى .
ـ بص لانى جدعه وبنت بلد هديك المره دى وهديه كمان منى ومن المحل .
ـ بمناسبه اى .
ـ من غير مناسبه بس اعتبرنى بجر رجلك علشان تشترى علطول من هنا هههه .
ـ ههههه طب ياستى لو الشوكلاته عجبتنى اعتبرينى زبونك .
ـ ماشى يا ..
ـ أنس
ـ اتشرفنا يا استاذ انس وأنا ساره .
ـ لفتله شوكلاته من اكتر نوع مفضل ليا وقولت :ياترى بمناسبه اى يا استاذ انس.
ـ دا يستى لخطيبتى وبلاش استاذ دى خليها انس علطول دا احنا ولاد بلد واحده .
ـ ابتسمت خلاص يا انس والمحل تحت امرك فى اى وقت.
ـ شكرا لذوقك وسابنى ومشى .
عدى على الموقف دا شهرين ياترى تكون الشوكلاته ما عجبتش خطيبته او ماعجبتهوش قفلت المحل واتمشيت شويه فى شوارع باريس بلا هدف او وجهه معينه وروحت قعدت على كافيه طلبت هوت شوكلت بما ان الجو برد وفضلت ابص على الحبيبه واللى باين عليهم جاين هنا فى شهر العسل واللى معاه اطفال مغلباه واللى بيتخنقوا سوا
وكل واحد فى العالم بتاعه لقيت بنت تقريبا فى سنى وقاعده شكلها معيطه روحتلها واتكلمت بهمس :طب اقولها اى دى انا مش بعرف اواسى الناس .
لقيتها ضحكت وقالت بس انا مش زعلانه .
ـ باستغراب :اومال مالك .
ـ ماتشغليش بالك انتى ،بس فرصه سعيده انى قابلت مصريه هنا .
ـ يختى والنبى انا اسعد انا اتخنقت من كتر الانجليزى دا .
ـ ضحكت وقالت شكلك عسل .
ـ حببتى انتى اعسل .
ـ ههههه انتى نكته والله .
ـ هههه انا مضطره امشى دلوقت علشان اتاخرت .
ـ تمام الا صحيح اسمك ايه .
ـ اسمى ساره وعندى محل شوكلت على اول الشارع دا .
ـ تمام وانا هند .
ـ فرصه سعيده يا هند ،سلاموز يا قمر .
ـ سلام يا عسسل .
روحت البيت وبكرا أجازتى يعنى راااحه بقااا .

اصحححححى بقا .
ـ إيه يا حماده عايز ايه على الصبح كدا .
ـ قومى ياله علشان هنروح رحله .
رحله رحله ايه ...؟
ـ هنتفسح انا وانتى وأروى والعيال .
ـ هييييه طب اخرج بقا علشان البس .
خرج وقومت طلعت فستان احمر وطرحه اوف وايت وانطلقت احنا وعيال اخويا وسيبت اخويا ومراته على راحتهم ورانا .
"اومال انتوا فاكرين واخدنى علشان جمال عيونى تؤ علشان اسرح بالعيال "
لقيت أنس واول لما شافنى ابتسم وجالى .
ـ يا محاسن الصدف والله اخبارك ايه.
ـ انا الحمد لله ،انتى اخبارك ايه..؟
ـ كويسه ،دا انا قولت ان الشوكلاته معجبتش خطيبتك علشان كدا ما جيتش تانى .
ـ لا والله ابدا بس انا نزلت مصر ورجعت تانى علشان والدتى كانت تعبانه شويه .
ـ الف سلامه عليها طب وهى عامله ايه.
جاى يتكلم قطع كلامنا اخويا مين الاستاذ. .
ـ دا استاذ انس من مصر وعايش هنا .
ـ مد ايده وسلم عليه اهلا بيك يا استاذ انس انا احمد اخوها .
ـ مد عليه وسلم اهلا بحضرتك يا استاذ احمد .
طب ايه مش ياله بينا .
ـ طب بعد اذنك يا انس والف سلامه مامتك .
تانى يوم لقيت هند دخلت المحل روحت سلمت عليها واتكلمنا سوا واخدنا ارقام بعض علشان نفضل على تواصل على طول والحقيقه هى جدعه وكويسه واهو بالمره نبقى نخرج سوااا .
وفى يوم وانا فى المحل لقيت انس دخل .
ـ ابتسمت نورت المحل والله .
ـ بنور اصحابه ،اخبارك ايه .
ـ الحمد لله وانت .
ـ بخير خلصتى شغل ولا لسه ؟
ـ خلصت وكنت هروح كمان نص ساعه كدا .
ـ طب ممكن تقفلى ونروح نقعد عند اى كافيه .
ـ تمام ادينى خمس دقايق هقفل بس .
ـ خدى راحتك .
روحنا قعدنا على كافيه سوا ...
وبعد صمت ...
اتكلمت :اخبار والدتك ايه ؟
ـ الحمد لله بخير .
رجعنا للصمت تانى ....
اتكلمت :هو فى حاجه يعنى ولا مفيش ..
ـ حمحم : انا سيبت لارا .
ـ بتساؤل مين لارا دى ...؟
ـ خطيبتى اقصد اللى كانت خطيبتى .
ـ فى نفسى "دا بيقولى ليه يعنى " قطع تفكيرى وهو بيقول الصراحه كدا يا ساره انا معجب بيكى وحبيتك ..
ـ فتحت بوقى ببلاهه :بتحبنى انا .
ـ مالك مستغربه كدا ليه واقفلى بوقك دا .
ـ اصل يعنى انت ماشوفتنيش غير مرتين بس .
ـ بس خدتى قلبى فيهم .
ـ يعنى اخيرااا يابشررر بعد 23 سنه سنجله هرتبط وكمان واحد شبه الاجانب لولولولولولى .
ـ هههههه يعنى افهم انك موافقه .
ـ موافقه بس نعيد المشهد دا بس عند برج ايفل تمام .
ـ بس كدا من عنيا وبالمره اكون جبت الخاتم .
ـ غمزت له وقولت بصوت واطى :بس مش عايزاه ألماس ..
ـ بنفس نبرتى: ليه يعنى ...؟
ـ بغمزه :اصل مش هينفع البس ألماس وانا معايا المنجم بحاله يا مصررى.

لـ روان أحمد ..♥️
سـيب كـومنت لـطيف زيـك يـا قمـر ......♥️