اسكريبتات روان أحمد ♥️

اسكريبت 4

ـ الو .
ـ ايوا يا روان "البقاء لله".
ـ قلبى انقبض: مين اللى مات يا خالى  .
ـ "اختك جوزها قتل*ها " .
ـ جمله نزلت عليا زى السكينه البارده اللى بتقطع فيا ولحظه عدت كانها سنين ومش مستوعبه اختى اتق*تلت .
ـ  بصوت مهزوز وعلى امل انه يطلع هزار :يا خالو بالله مش وقت هزار .
=سمعت صوت عياطه وقال :ياريته كان هزار ياريته .
ـ انا انهارت ومش مستوعبه اى حاجه وبعد يومين امى ما استحملتش فراقها ماتت ودى كانت تانى اكبر صدمه ليا انا لحد دلوقت مش مصدقه اختى اللى لسه متعاركه معاها بهزار و اكلنا سوا ماتت كدا وامى امى مش هشوفها تانى خلاص كدا وابويا من الصدمه جاله جلطه ومات بعد اسبوع ماساه كبيره حلت عليا ، مره واحده كدا البيت بقى فاضى اختى وامى وابويا راحوااا وما فضلش غيرى وعياط بنت اختى اللى باين عليها حست ان امها مش موجوده وبتعيط وانا بعيط ومنهاره خلاص كدا من يوم وليله مابقتش عيلتى موجوده بقيت يتيمه الاب والام و خدديجه ذنبها ايه تـتيتم
وهى لسه مكملتش السبع شهور ، عدى عليا شهرين من اوحش واصعب لحظات عيشتها ومريت بيها ،حاولت ابقى كويسه لاجل خديجه واعرف اخد بالى منها علشان دى الحاجه الوحيده من ريحته اعز ما كنت املك ، كل يوم كنت ببكى مليون مره طلع الفراق دا اصعب شئ كنت دايما بدعى ربنا برحمتهم وان ربنا يصبرنى ويقوينى على فراقهم الصعب اوى عليا .

انهارده عرفت من المحامى انها جلسه الحكم على القاتل وهنعرف منه ليه قت*لها هى كانت اطيب وانظف واحده على وجه الارض وهو ك*لب ما كانش يستحقها دخلت المحكمه وحاولت ابين الشخصيه القويه لكن والله من جوايا اضعف واحده على الكون فى اللحظه دى قعدت وشويه لقيته داخل الغل والحقد ملئ قلبى و اتمالكتش نفسى وروحت عليه مسكته ضربته والعساكر بعدونى عنه ودخلوه القفص .......

قعدت مكانى تانى وببصله والغل والحقد فى قلبى من ناحيته  لحد ما جيه دوره يتكلم ويقول قات*لها ليه ........؟

ـ يوم الجريمه كنت وديتها عند امها وكنت عارف هروح اخدها امتى لكن خلفت الميعاد ولقيتها جات ولقت معايا واحده فى اوضه **النوم ... كانت لسه هتمشى ماحستش بنفسى غير وانا بالأباجوره ونازل بيها على دماغها علشان خوفت لانها مش هتسكت وهتفضحنى وسمعت عيلتى وراسهم هتبقا فى الطين وما فوقتش غير لما لقيت دم كتير نزل من دماغها .....
وبنتك كانت معاها ..؟
ـ لا كانت سايباها عند امها .
ـ انا مع كل كلمه اعتراف بيقولها وهو بيقت*لها كنت بعيط وكل كلمه عياطى بيزيد ذنبها إيه بس علشان تتقتل بالوحشيه دى .........
ـ حكمت المحكمه حضوريا على المتهم وائل حسين محمود شوقى بالاعدام شنقا. رفعت الجلسه ....
القاعه كلها سقفت وانا كنت ببكى وفرحانه ان حقك يا اختى ما راحش هدر وانتى فى مكان احسن من هنا بكتيير انتى وامى وابويا ...

"بعد عشر سنين قعدت على قبرهم وبقرأ قرأن وجنبى خديجه بتقرأ هى كمان وبدعى ليهم وانا ببكى وعمرى ما هيروحوا من بالى لحظه واحده ربنا يرحمكوا ونتقابل فى الجنه ان شاء الله ....
فوقت من عياطى ودعائى على صوت خديجه وهى بتقول
ـ  ماتزعليش يا ماما لان ماما وتاتا وجدو فى مكان احسن من هنا صح .
ـ  حضنتها ومسحت دموعى وقولت بابتسامه حزن :صح يا حبيبت ماما .

"اسرقينى أيتها المقابر فالحياه ماتت بداخلى ..💔🖤"

لـ روان احمد .
ـ رأيكم هيفرق بجـد....💔🥺