💎قلبيّ بنارِها مٌغرمٌ💎

💎 الفصل الثاني والأربعون 💎

بسم الله ولا حول ولاقوة الابالله
لا إله إلاّ أنت سبحانك إني كنت من الظالمين

💎الفصل الثاني والأربعون💎

#_قلبيّ_بنارِهاَ_مٌغرمٌ بقلمي روز آمين
هذه الروايه مسجلة حصرياً بإسمي روز آمين
وممنوع نقلها لأية مدونة أو موقع أو صفحات أخري ومن يفعل ذلك قد يعرض حالة للمسائلة القانونية
__________________________

صرخت أحلام وتحدثت بنبرة مُرتعبه:
_ أنا هقول علي كُل حاجة ياباشا، ما أنا مش هلبس الليلة لوحدي والقاتل الحقيقي يخرج منها زي الشعرة من العجين

سألها الضابط مُتعجبً بإستغراب :
_ هو أنتِ ليكِ شريك يا أحلام ؟!

أجابتهُ وهي تبكي بإنهيار:
_ يا بيه أنا بِت غلبانة، لا ليا في القتل ولا عُمري فكرت فيه، أنا أه مش هنكر إن كُنت بغير من ماجدة من بعد ما أتجوزت اللي إسمه قدري ده كمان ، وده لأنه كان معيشها في هّنا وستتها بعد الشقي والهم اللي شافته معايا، كان دايماً عيني علي الذهب والهدوم الغالية اللي بيجبها لها وكنت بتمناها لنفسي ، بس إني أفكر أقتـ.ـلها ورحمة أمي ما حصل

وأكملت بشرحٍ وافي :
_من فترة كده، ييجي من عشرين يوم مثلاً، جالي راجل وقال لي إنه عايزني في شغلانة هاكل من وراها الشهد، فرحت وقولت أخيراً الدنيا هتنصفني وهتديني حقي أنا كمان

وأكملت:
_ المهم لما سألته قالي إنه تبع راجل كبير أوي هنا في سوهاج، والراجل ده ليه تار عند عيلة قدري وعاوزين ياخدوه منهم بس مش عاوزين يظهروا في الصورة، وقالي إنهم لما دوروا ورا العيلة كلها ما لقوش ولا غلطة غير جواز قدري من ماجدة،

وأكملت بدموع ولهفة قائلة:
_ بس أنا وحياة النعمة ما كنت فاكرة إن الموضوع هيوصل للقـ.ـتل يا بيه ، المهم، الراجل ده إداني عشرين ألف جنية ربط كلام، وطلب مني أقرب أوي من ماجدة وأسألها دايماً عن قدري، وأبلغه بكل تحركاتها، من حوالي إسبوع ماجدة إتصلت بيا وكانت منهارة، وطلبت مني أجيب لها نجار وأخليه يشتري معاه كالون من الغالي للباب، لأنها إتخانقت مع قدري وخايفة منه وعاوزة تغير الكالون

ولما روحت لها لقيتها مرعوبة، المهم النجار غير لها الكالون ومشي، وهي قعدت معايا وحكت لي كُل اللي حصل بينها وبين قدري

وأسترسلت وهي تبكي :
_ مشيت من عندها وأنا الفرحة مش سيعاني لسببين، أولهم إن أخيراً قدري هيرميها رمية الكـ.ـلاب وهترجع تتمرمط في الشغل زيي من تاني، وتاني سبب إن الراجل كان واعدني إن كل خبر هقوله له هيديني عليه مبلغ مُعتبر،
كلمت الراجل ده وقابلته، إداني خمسين ألف جنية، ماصدقتش عنيا لما شفتهم في إديا ، وبعدها لقيته بيطلب مني إني ألبس نقاب وأروح لماجده شقتها