نيران الحب

بارت 5

صعدنه نريد بي نخلص منه
ورحنه لـ ورد
غيم : دكينه الباب ودخلنا
ورد : هلا منجن من شيطان شعجب جايتني
نجم : والله ضوجه واجيناج
ورد : ههههه كعدن خلي اروح اجيبيلجن ضيافه شيء
غيم : لا تعبين روحج خيه اكعدي
ورد : لا شلقصه اي تعب هسه اجي
رحت وجبتلهن حبشكلان ناكلهن ونسولف
صعدت الهن
غيم : لجج والله ماكو داعي
ورد : لا اكو داعي يلا اكعدن ناكل
غيم : كعدنه ناكل ونسولف ومحسينه بلوقت وشفت ساعه3صيحت على نجم
لجج
نجم ساعه 3امي راح تكتلنه امشي بسرعه طلعنه ونريد نطلع وتلگانه سيف
سيف : امشن على كيف بويه لا طيحن
غيم : احسه مهتملي ضل يباوع عليه لحد ماطلعت من باب واجه سد الباب وراح
دخلنه البيتنه
ليالي : بعد وكت ليش لهسه يلا اجيتن
غيم : ماما والله اخذته سوالف ومحسينه بالوقت
ليالي : يلا صعدن اقرن بسرعهه
غيم : بسنه راسه وصعدنه لغرفنه وكل وحده كعدت تقرا لحد ماصار العشى  ونزلنه نساعد امي وفجاء دخل احمد اوف شكد مشتاقتله
احمد : سلام عليكم رحت بست امي وحضن نجم وغيم
اوف شكد احبهن خواتي هنه مصبراتني على عيشتي
غيم : مشتاقتلك يول
احمد : اني هم وعلي
غيم : تعال تعشى ويانه يلا كعدنه نتعشى واحمد يوكل بـ نجم يحبها هوا رباها بيده ويهتم بيه كلش لأنها صغيره
نجم : احمدد غصيتت
احمد : هاج ماي
شربتها ماي وكعدت اسويلها لفات صغار  واوكل بيها
نجم : ليش ماتاكل
احمد : هستوي ماكل برا
غيم : خلصت وكمت اقرا شويه
وراسي داخ وكمت انام
رحت نمت
_______________________

احمد : الو
بهر : هلا احمد
احمد : شلونك شخبارك
بهر : بخير انته شلونك بشغل لو بلبيت
احمد : لا والله بلبيت اي شوكت تجي لبغداد (ملاحظه بهر ضابط يشتغل بغداد وشيخ عشيره بلبصره)
بهر : والله عندي طلايب هنا فد يومين ثلاثه اروح
احمد : الله يساعدك
وبهر : أن شاء الله
احمد : يلا ولي ابو راس مربع
بهر : دكل خرا راسك چنه طاسه
احمد : اني راسي چنه طاسه دروح الله يبليك بوحده تشلع گلبك كون
بهر : اي فوك ماگلبي مشلوع هسه
احمد : هههههه يلا ولي نعست
بهر : مع السلامه يلا
سكرت الخط منه ورحت للبيت لأن جنت كاعد بلمضيف
رحت لكيت امي كاعده بصاله رحت بست راسه شلونج يمه
ام بهر : بخير يمه انته شلونك
بهر : أن شاء الله بخير
ام بهر : اكعد يمه اسولف وياك
بهر : كعدت ها يمه شعدج
ام بهر : يمه عمري راح يخلص واريد اشوف وليداتك
بهر : بعيد الشر عنج يمه أن شاء الله شوفيهم بس مو هسانه شايل فكره من راسي
ام بهر : انته تريدلك وحده بس كول والله ازوجك الها بس كلي شسمها
بهر : لا يمه ماحب بس اني ماريد النسوان كلهن
ام بهر : اوف يمه شلعت گلبي عمرك صار 33 وبعدك مامزوج
بهر : يمه لا ينشلع گلبج وتفكرين أن شاء الله بس الگه البنيه تنسابني اخذه
ام بهر : كوم يمه روح ارتاح بغرفتك
بهر : كايم يمه بس ابوي وين
ام بهر : نايم شتريد منه
بهر : لا بس هيج يلا اني رايح
انام كعديني من صبح اكو ناس راح يجونه عدنه طلابه
ام بهر : أن شاء الله يمه
بهر : رحت الغرفتي وسبحت ونمت
كعدتني صبح امي ورحت لبست دشداشه بيضه وشماغ ورحت للمضيف
احل طلايب ناس
_______________________

نجم : كعدت صبح وجهزت نفسي علمود اروح للمدرسه
ونزلت جوا
ليالي : بنتي نجم روحي كعدي غيم
نجم : يمه هلفاهيه ليش ماتكعدد من صبح يوميه مسويتنه مشكله من صباحيات
ليالي : اختج ميصير تحجين عليه هيج وهيه دبه مالت نوم شسويلها
نجم : خوش اروح اكعده
رحت اصيح عليها ولحد ماطلعت روحي يالله كعدت
غيم : شبيج صيحين من صباحيات
نجم : ولجج راح تتأخرين على مدرسه واني يوميه متأخره بسببج اكعد بيج وانتِ حضرت جنابج دوم نايمه
غيم : يلا امشي هسه ابدل وانزل وراج
راحت نجم واني بسرعه ابدلت وكعدت اريد اتريك وسمعت ابو الخط اجه رحت بسرعه
واني داطلع من البيت شفت استاذ سيف لابس ملابس رسميه ومخلي نظاره طالع يخبل باوع عليه شويه وراح صعد سيارته واني هم صعدت بلخط ومشيت لريحانه و ورد سلمت عليهن وكعدت اسولف وياهن لحد ماوصلنه للمدرسه نزلنه ورحنه على صف گبل وجان اول درس رياضيات جنت فرحانه لأن راح اشوفه استاذ سيف وجنت متوتره لأن اذا شفته اتوتر معرف ليش
سيف : رحت ومتحمس اشوفها وشلون تستحي ودنج من شوفني اباوع الها دخلت صف عيوني دورها وما شاء الله هيه كصيره متنشاف بين البنات وبعدين خليته تكعد كدام حت شوف وهيه وجه صار طماطه من كتلها قزمه انتي كعدي كدام
غيم : اجه الاستاذ ويباوع عليه واني مستحيه وفجاء كال كعدي كدام انتي قزمه سكد استحيت ورحت كعدت كدام وهذا كام يشرح ويباوع عليه كل شويه ونوب اجه كعد يمي على طاوله واني ميته كمت اعصر بيدي مستحيه وهوا يباوع عليه ويضحك على تصرفاتي واني ميته من خجل اريده بس يكوم وخلص درس وهوا كام راح المكتبه واني كعدن اخذت نفس وشويه وتجيني ورد
ورد : ها غيم مشكوك بيج انتي (واضحك واغمز الها)
غيم : خير خيه شبيج
ورد : اخوي يهتم بيج ومكعدج اول رحله وكعد يمج اكو وطوطه بلموضوع هههه
غيم : نجبي لج ماكو شيء رجعي لمكانج وسكتي وروحي لا  تجي المدرسه
ورد : وي فديت اليستحون اني
ورحت عنها لأن اعرف راح تنفجر ههه
رحت لغرفت اخوي وكعدت اسولف ويا شويه (طبعاً ماجيب سيره غيم  كدامه او اكله انته معجب بيها لأن يعصب عليه ف سكتت)
سيف : يلا كومي لصفج راح تجي المدرسه
ورد : صح نوب شيخلصني منها يلا باي وبرجعه عود امشي بلخط وي غيم وريحانه
سيف : لا تمشين وياي
ورد : حباب خلي اروح وياهن
سيف : كلت لا يعني لا
ورد : خليت ومشيت اعرفها اذا كال لا يعني لا
دخلت صف واجت المدرسه وضلت تشرح شويه وبعدين راحت
رحت لـ غيم
ورد : لججج غيمم
غيم : ها شصاير
ورد : سيف مايخليني امشي بلخط وياجن
غيم : كبر عبالي صاير شيء
ورد : اكلججج حبيبتي
غيم : بدت تتلوك خيرج شعدج من الاخير
ورد : روحي لـ سيف خليني ارجع وياج بلخط حبابه
غيم : لا والله ماكدر دوم
ورد : ضليت الحح عليها لحد ماقررت تورح واني اريدها بس كون تحجي وي سيف شويه
دخلنا وسيف ضل صافن بينا
غيم : اءء استاذ اريد شسمه ها اي اريد ورد ترجع ويانه بلخط
ورد : ضليت اباوع عليهم ومبتسمه
سيف : لا ترجع وياي
غيم : حباب استاذ اول واخر مرا اطلب منك طلب
سيف : شفتها شلون تتوسل بيها واني ماتحملت كتلها يلا خلي ترجع وياج وبينت الفرحه بوجها وكضت ايد ورد وطلعن
سيف : خرب حت ماكلتلي شكراً
خلصت شغلي ورجعت للبيت ولكيت ورد قبلي جايه
رحت غسلت ونزلت اتغدا وي امي
(طبعاً عايش وي امي وابوي مطلك امي من واني عمري 10 سنوات وامي ربتني لأن ابوي تزوج وماعرف وينه هسه)
_______________________

1020 كلمه
كافي باجر نكمل🦥