نيران الحب

بارت 18

ritten by Nihad

مأسَاة أن لا يَملُك المرء مَهرباً مِن كُل هِذا.

𖤤
حمزه
جريته ودخلته للمستشفى
امنه : لك عوفني
حمزه يلا عفتج
امنه
خليته ورحت افتر بلمستشفى ادور شي اسويه ضوجه
ومنا زعلانه على يقين افف
امشي واحد حضني من ورا التفت لكيته يقين
يقين : اسفه لأن عصبت عليج
امنه : امم
يقين : حبابه امون سامحيني
امنه : بشرط
يقين : دللي
امنه: تعزميني على مطعم راقي كون واكل كلشي اريده عحسابج
يقين : تم يلا امشي نكمل شغلنه
كضيت ايده ودخلنه للغرفه ولكيت الدكاتره اثنينهم موجودين و امنه تباوع على حمزه صفح وراحت كعدت كملنه شغلنه وطلعنه
يقين : هسه وين نلگه مطعم راقي اوامر الانسه امنه هاي
امنه : مشكلتج
يقين : باعي هذا المطعم شوفي جبير مبين حلو واكله حلو امشي ام بطن
امنه : يلا خيه
دخلنه على مطعم وماخليت شي ماطلبته بس اريد اخسر يقين
يقين : ربي دخذني الك امنه شعلت گلبي
امنه : هذا شرطي مشكلتج خيهه
يقين : يلا ماشبعتي اريد اولي انام شويه ارتاح
امنه : يلا شبعت وها كروه مال تكسي عليج
يقين : اي خيهه بس امشيي خلصينه
طلعنه واخذنه تكسي ورجعنه للشقه

واتصل عليه بهر
بهر : شلون شغله بلمستشفى عجبج
يقين : ماكو فرق هناك وهنا
بهر : شفتي بغداد حلوا
يقين : اي تخبل فرينه اني وامنه اليوم شوراع وتونسنه
بهر : اي بس انتبهي على نفسج
يقين : أن شاءلله يلا باي تعبانه اريد انام

بهر : يلا باي
سديته منه وشفت نزلن من تكسي كدام الباب ودخلن
عجيب؟ ليش مايشمن بلخط
الي عرفته عنهن بس غيم بـ سادس ونجم بـ رابع
ردت بس اطمئن عليهن لأن اخر فترا جاي اشوف احمد يجيني بلحلم ويكلي دير بالك على خواتي امانه عندك
واني اخاف يصير عليهن شي كمت اراقبهن
_______________________

غيم : باجر جمعه اخلصه نوم تعبانه من سادس حتى ماريد اكل بس انام تعبانه اخر فترا صايره مانام هواي بسبب تفكيري
رحت غسلت وبدلت لبست قميص اسود وبجامه سوده ورحت انام
ثاني يوم ساعه ثلاثه كعدت
اوف شكثر نايمه من الوحده الظهر للثلاثه صبح
كمت صليت وقريت قرأن ورحت سويت قهوه وشربت
كعدت امي ساعه 4تصلي
ماما اسويلج شي تاكلينه
ليالي : لا بنتي بس اريد جاي لو تسوينه من ايدج الحلوا
غيم : دللي امي
رحت خليت القوري على نار فار حطيته بگلاص ونطيته الها
ليالي : تسلمين مامي
غيم
ابستمت وماعندي شي اسويه ف بديت انضف البيت والغرف ورحت رتبت الحديقه وسكيته بصونده خلصت ساعه 9 كعدت نجم رحت سويت ريوك بيض وطماط وجبن وراحت نجم تجيب صمون واني سويت الجاي رتبت الاكل على طاوله واجت نجم وصحت امي وكعدنه ثلاثتنه ناكل
غيم : نجومه اذا خلصتي غسلي الماعين اني عندي دروس
نجم : تم
ليالي : لا روحي اني اغسلن مامسويه شي اليوم اريد احرك روحي
نجم : بكيفج
جبنه كتبنه اني وغيم للصاله كعدنه نقرا

ليالي : عمتجن خابرتني راح يجيبه ابنه وتجي شوفجن
نجم : اييي وكمت اركص
غيم : هلا بيها باوعت على نجم الفرحانه هيه تحب عمتي كلش واني هم احبها بس هيه تحب نجم تعتبرها بتها لأن ماعدها بنات
غيم : شكثر راح تبقى عدنه
ليالي : فد اسبوع ابنها عنده شغله بغداد
غيم : تمام
كمت رتبت صاله ورحت الغرفتي اقره ورا شويه سمعت باب البيت ندك نزلت لكيت عمتي جايه وياها ابنها علي
طبعاً ابنها متزوج ومشايفته هاي اول مرا اشوفه سلمت عليهم
ام علي : لج غيومه كبرانه صايره مرا
غيم : ههه لعد اني شنو قبل
ليالي : شلونك علي مرتك شلونه
علي : الحمدلله  كلنا بخير
ليالي : ماحلبت مرتك يمه
علي : لا والله
ليالي : شعجب صايرلكم ثلاث اسنين
علي : الارزاق بيد الله خاله
ليالي : ونعم بالله يمه
غيم
عفتهم ورحت سويتهم قهوه
خلصت واجيت انطيتهم وانطيت علي وضل يباوع
غيم : بهمس لو سمحت اخذ الكوب
علي : دللي
اخذته منه وهيه راحت كعدت واني ضليت صافن بيه
شكلها  كلش عجبني حيل حلوا طولها وشعره وعيونه الكبار
شويه وكمت
ليالي : يمه وين تريد
علي : عندي شغل هنا اخلصه واجي
ليالي : اخذ راحتك ابني
علي
خليتهم وطلعت اكمل شغلي بس والله عجبتني هاي الغيمه دخلت گلبي اخ لو تصير من نصيبي
_______________________

ام علي : تعالن بنات جبت الجن شغلات وياي من البصره
غيم : يا عمه ليش كلفتي على نفسج
ام علي : نجبي انتي
غيم : دللي عمه
نجم : اي عمه شنو جبتيلي
ام علي. : تعاي شوفي
غيم : انصدمت بعمتي جايبه ساعه ذهب النجم
ليالي : يا خيه كلفتي على نفسج
نجم : احح هاي الي اشكرج عمه تعاي ابوس راسج
ام علي : شكم نجم اني عندي هيه وحده وصراحه عندي فلوس وكلت ليش ماجيب للبنات وياي شي غالي
وجبت لغيم كلاده
غيم
جابتلي كلاده كلش حلوا عجبتني
عمه والله ميصير يعني اثنينه على اقل لو جايبه بس لنجم
ام علي : لا عمه عندي فلوس خير من الله وجبتلجن
وبعدين اني من زمام مشايفتجن لازم اجي واجيب شي وياي
نجم غيم : تسلمين عمه
نجم : وين اكو منج عمه تعاي ابوس راسج
ليالي : كامت تتلوگ نجم
ام علي : خليه تتلوگ على عمتها شعليج بيها
ليالي : سكتنه خيه
غيم
طبعاً ماتفاجئ من عمتي لأن كلش تحبنه اني ونجم تعتبرنه بناتها واكثر شي نجم تحبها من هيه وصغيره

امي. كالت لا سوين غدا هيه راح تروح تجيب من مطعم يمنا كباب راحت امي تجيب واني ونجم ضلينه كاعدين وي عمتي
ام علي : ماتجن تعيشن بلبصره وي عمامجن
غيم : عمه ودراستنه
ام علي : يا ولج اكو مدراس وكليات هناك كملن
غيم : ماعرف عمه والله ماعرف
ام علي : والله بنتي عمج فضل  وجدج وداني عليجن يكول هنه بنات وماعدهن احد  هنا بلبصره أمن الجن
غيم : رأي رأي امي
ام علي : تجي واشوف شتكول
غيم
صراحه ماحب العيشه هناك احسهم مقيدين ولازم البس حجاب والبنيه هناك مقيده بس من وجه نظر ثانيه
احنه كلنا نسوان ويعني كلشي يصير بينا اشوف امي من تجي شتكول
اجت امي وجهزنه الغدا واتصلو على علي وكال اتغدا برا، حجت عمتي الامي عن سالفه وامي وافقت
سكتت اني هم ماكلت شي ونجم فرحت راح تعيش يم عمتي واعمامي هناك 
_______________________

بيباي