نيران الحب

بارت 19

And change everything I thought would not change.

اصَوات كُل الراحلين بقِت فِي داخلي

غيم
عفتهم ورحت اقرا لحد ماصار ليل نزلت
لكيت علي جاي وامي ونجم يسون عشه رحت ساعدتهم، وخلصنه عشه وصبينه وكعدنه كلنا ناكل بس
شلون بهلورطه ماشال عينه مني استحيت كمت مااكل
ام علي : غيومه ليش متاكلين
غيم : ها شبعت
ام علي : يا يمه شكلتي وشبعتي
ليالي : هيه هيج اكلها
غيم
كمت اكل بجذب وبعدين كمت رحت للمطبخ اريد اشرب ماي وماحس غير احد جرني من ايدي وخلاني على حايط وحصرني بيده
علي شبيك وخر؟
علي : استحيتي مني لأن اباوعلج وماكلتي
غيم : خير وانته شعليك وخر عني لاحد يشوفنه
علي : دخلتي گلبي
غيم : چنك مراهق
علي : من شفتج صرت مراهق يمكن
غيم
عفته ورحت الغرفتي
اوف شني هاي الورطه وشلون حبني بهل سهوله وغير متزوج شلون يباوعلي والله يالله احترت وي هاي الوام اني انام احسلي رحت قفلت الباب خاف يجيني هذاك
كعدت صبح على صوت الباب رحت فتحته طلعتلي نجم
عيني المن قافله الباب صارلي ساعه ادك الباب
غيم : والله ماسمعته
نجم : اي يلا انزلي تغدي
غيم : ليش صار الغدا
نجم : اوف ياربي اي ساعه 12ماشوفين
غيم : استغفر الله هاي اني شكثر نايمه
نجم : اصحاب الكهف يلا انزلي
غيم : ابدل واجي وراج
رحت غسلت ولبست بنطلون وتيشيرت ابيض ونزلت
ام علي : هلا بنتي
غيم : هلا بيج عمه والله ماحسيت بالوقت واني نايمه ليش ماكعدتوني
ليالي : باجر نروح للبصره وكلت خلي اخليج نايمه
غيم : ها باجر نروح
ليالي : اي يمه وعلي راح يجيب الوراق نقل مالتج ومالت نجم
غيم : تمام
_______________________

سيف
اجه رجال يريد ياخذ الوراق ينقل غيم ونجم
اني متت ردت اكوم اموته حتى ماينقله الي عرفته تريد تروح تعيش بلبصره
يعني ماراح اشوفه بعد؟
ماتعارك وياها؟
اوفف ياربي صبرني أن شاء الله تبطل وماتروح منين طلعتلي هاي سالفه هسه شلون اخليه تروح مني
ربي ساعدني بجاه الحسين ماتروح وتبطل
عفت دوام كله ورحت للبيت ورحت راسلتها
صدك راح تروحين؟
غيم : هه اعتقد ميخصك
سيف
عفته ماريد اهين نفسي اكثر اذا هيه ماترديني اني هم ماريده بس صعبب صعب اطلعها من گلبي ثلاث اسنين واني اريده تصير الي اخاف احد هناك ياخذه مني ياربي شسوي

بهر
عرفت راح يروحن للبصره شذ وي اعمامهن كلت يمكن أمن الهن هناك حتى بعد ماراقبهن ويضل گلبي مشلوع عليهن، بس شلون اذا هناك محد يريدهن
خفت من هاي ناحيه شويه وبعدين كلت جدهن مبين رجال زين معروف اكيد هوا يهتم بيهن.
رحت اشوف يقين متواعد وياها اشوفه بمطعم قريب على شقته رحت كعدت شويه واجت
يقين : هلوو
بهر : هلا شلونج شلون دوامج
يقين : تمام بخير هنا شغل اكثر من البصره فـ شويه تعب
بهر : اي ديري بالج على نفسج هناك مو مثل هنا
يقين : اي أن شاءلله وهسه اطلبلي شي اكله ترا ميته جوع
بهر : دللي يقوني
طلبتلها بيتزا وكعدت تاكل واني اباوع الها اني ماشتهي ف طلبت قهوه
يقين : هم تروح للبصره
بهر : فد يومين ثلاثه واروح على ماخلص شغلي الهنا
يقين : الله يساعدك والله وين ماتروح تشغتل
بهر : تعودت على شغلي
يقين : هاي امنه تتصل
الو
امنه : لجج ويننجج تعاي بسرعه
يقين : شكو شصاير
امنه صاير افنجار واكو مصابين هوايه وهسه اتصلو عليه يردونه نروح للمستشفى
يقين : تمام جايتج ونروح هسه
بهر : شصاير
يقين : صاير انفجار واكو مصابين هواي ولازم نروح اني وامنه للمستشفى
بهر : تعاي نروح نجيب صديقتج واخذجن
يقين : شكراً خاف نتعبك ويانه
بهر : ماكو تعب يلا امشي
يقين : وصلنه لـ امنه واخذناها ورحنه
لكينه هواي مرضه والمستشفى مگلوب گلاب ركضت بسرعه وشافنه راوث
راوث : امنه روحي الغرفه 3بطابق ثاني يقين تعاي وياي عدنه عمليه
يقين امنه : تمام
رحت وي راوث للغرفه وسوينه العمليه اشتغلنه عليها ساعتين ونص طلعت تعبانه كلش رحت كمت اجيك على وضع المرضه واشوفهم
وشفت امنه
ها امون شلونج
امنه : لجج تعبت واني ماشغلوني اله وي هذا الغثيث حمزه
يقين : اشش عيب لايسمعج احد انتم مالازم تشتغلون سوا اثنينكم لسانتكم اطوال
امنه : ولجج غثيث واذا مارديت على سوأله يگوم يعصب والله لو بيده يضربني
يقين : انتي لو بس تتجاهلينه جا كلشي صار بخير
امنه : ماكدر ولج والله ماكدر
يقين : اي مو المشكله بلسانج هيه
امنه : اي يلا هسه امشينه ميته جوع خوب انتي اكلتي وي اخوج ونسيتيني
يقين : جا ماطبخين وتاكلين منو لازمج يعني
امنه : مابيه حيل اطبخ تعرفيني ماكدر اطبخ لنفسي
يقين : ادري بيج طايح حظج يلا امشي نوكلج
امنه : يلا
_______________________

غيم جهزت الغراض الي اخذه وياي، وخايفه خاف احد مايتقبلني هناك او مايريدني جهزنه الغراض الي ناخذه ويانه وعلي كال اخلي واحد من ولد يجي ياخذهن بسيارته واحنه باجر نروح وي علي وعمتي
صار صبح كعدت اوف يعني هسه راح نروح البيتنه الجديد ولازم باجر اداوم ماعرف شلون راح الحگ المهم طلعنه من البيت واني ضليت اباوع اله وافكر اذا ارجع اله او لا،
وصلنه البيت جدي وجان هواي ناس وخبصه واني كاضه ايد نجم  وافكر معقوله راح اعيش وي كل هاي ناس؟
بعدين استوعبت هذول مو كلهم عايشين نصهم اعمامي وعماتي ولدهم وبناتهم سلمنه عليهم وجدي والكل فرحان بجيتنه كعدنه نتغدا سوو ذبايح حسيت صدك عندي سند واهل چنت اعتبر نجم وامي اهلي بس،
بس شلون سالفه كل بنات متحجبات هناك بس اني والعيون كله عليه فد استحيتت ردت اروح للبيت واخلص ونوب ولد يدخلون ويطلعون الي عرفته ولد اعمامي هذول واني بس اريد اروح البيتنه الجديد
طبعاً هسه احنه بيت جدي هوا مكان جبير وبيه بيت جدي وداير مدايره بيوت اعمامي بس عمي محمد  صغير مامزوج  عايش وي جدي وبيبتي
خلصنه غدا ونجم ابد مافركت عماتي وبيبتي تسولف
وياهن عكسي جنت كاعده يم امي ساكته واذا حجو وياي بس اوزع ابتسامات
الجده : غيم اخذي نجم ومريم وسعاد وفرح ورتبن بيتجن
غيم : صار بيبي
رحنه انب والبنات ودخلت للبيت حلو ومرتب بيه طابقين ثلاث اغرف فوك والغرفه ومطبخ وصاله جوا
رتبناهن اني والبنات لكيت البيت نضيف مايحتاج غسل
البنات منضفاته قبل لا نجي خلصنه ترتيب وكعدنه شويه نسولف
غيم : نجم كومي قهوه للبنات
نجم : خيهه وليش ماتكومين انتي
غيم : صغير القوم خادهم روحي سوي
فرح : اني بعمر نجم يعني هم اروح وياها
غيم : لا ارتاحي مكافي تعبناج اليوم ويانه بلبيت
فرح : لا والله خيه شنو تعب اصلاً تونست وياجن يلا نجم كومي
غيم : براحتجن المطبخ بيه كلشي اي شي تردنه سون
نجم : تمام
رحنه اني وفرح تعرفت عليها اكثر بنيه حبابه كلش حبيته
فرح : يلا خلصنه خلي ناخذ القهوه 
نجم : يلا انطيني اني اشيله ماعوزي رزاله من غيم
فرح : ههه لا شدعوه
نجم : لا والله اذا شافتج شايلتهن بس نصير الوحدنه تعصب وتكلي مابيج فايده ومن هذا الحجي
فرح : هههه تحبج وتعلمج
نجم : هههه اي