نيران الحب

بارت 14

غيم

جدي شيخ عشيره واجه هوا وعمامي من مات ابوي شكثر رادو نعيش بلـبصره  وياهم بس احنه علمود شغل احمد وهمه هناك شيوخ والعيشه مقيده عدهم  عشنه بغداد

جد احمد  : لك احمد الولد مامات بس وضعه خطر واذا مات أن شاء الله اقنعهم ننطيهم فلوس وما يگتلونك احمد  : مايهمني اهم شي يموت
رضا (ابن عم احمد ): شلونن ولك مايهم اذا مارادو فلوس يكتلونك وهوا ابن شيوخ
احمد  : اي ابن شيوخ ويجي يتحرش بخلق الله ابن الكوادد
مر اليوم واحنه خايفين الولد يموت وياخذون احمد
واليوم ثاني وصارت الكعده بيت الولد بلبصره
رحنه كلنا لبيت جدي واستقبلتنا بيبي ونسوان عمي واحمد وجدي واعمامي راحو البيت الولد علمود الفصل

بهر :
من شفت اخوي حالته خطره وسبب بهذا صديقي وعزوتي احمد چان اكثر من صديق الي اعتبره اخ عايش ويا عشرت عمر
بس من شفت اخوي بهاي الحاله بسببه وبسبب عصبيته كرتهته كلش ومن اجه هوا وعمامه لو مو ابوي جا لزمته وكتلته
جد احمد : يابه ابنكم بعده عايش بس اطلبو الي تردونه ويصير
ابو بهر :  والله سالفه سواها ابنكم ماتنحجه خل ابني لا هو ميت ولا هو عدل حالته خطره كلش هسه بلمستشفى واذا صار ثق بالله ابنكم يموت

احمد : والله لسالفه سواها ابنك وشلون يتخرش بعراض ناس لو منك حتى ديوان مادخله
، كلت هيج واجه بهر بسرعه يريد يضربني وكضيته
بهر بهمس : سد حلكك  لا سده بنعال كدام زلم كلها وافشلك
احمد : ليش ضجت من كلت عن اخوك واحد متحرش وسكط؟
بهر :
شكد نرفزني حجيه وردت اكضه واموته مكانه
ابو بهر : نريد فصليه
بهر : بويه شتحجي انته
ابو بهر : خلي اكمل كلامي

الدكتور كال راح يبقى فاقد الوعي سنه مدري سنين او اشهر واحنه نريد فصليه واذا رجع ابني طبيعي بهذاك الوقت ارجعه الكم
جد احمد : صار
احمد : لو تموتون مانطيكم وشيصير خلي يصير
جد احمد : اسكت احمد ويلا امشي كدامي
بهر : هيج احسن حل حته احرك روح احمد
واعلمه اني اشوفه هواي يحب اخواته ويهتم بيهن اني اله اذا ماكسر ظهره بوحده منهن مثل ماكسر ظهري بأخوي

احمد : مشيت واني ميت حرگه منا صديقي واخوي صار يكرهني ومنا  جدي يمكن راح ينطي وحده من اخواتي فصليه بس اموت اني ولا وحده منهن تروح فصليه
_______________________

غيم

چنه كلنا كاعدين ومنتضرين يجون ونعرف نحلت سالفه لو لا
ودخلو احمد وعمامي وركضت امي
ليالي : ابني شصار فدوه احجي
جد احمد : يردون فصليه لحد مايشفى ابنهم
اني استغربت فصليه اكيد اني راح ينطوني فصليه؟
بهذيج لحضه ماكدرت اوصف مشاعر الحزن البداهلي والقهر وصديقتي ورد كله بسببه كرهته كرهه لو مو رايحه ذاك اليوم مصار الي صار

ليالي : لو اموت مانطي وحده منهن فصليه
امي كامت تلطم واني بس ساكته ماعرفت شسوي بهذاك الوقت واحمد طلع بسرعه منعرفه وين راح
ومارجع لحد ليل واجه لگاني كاعده وحدي بلحديقه
احمد : شلونها خيتي
غيم بدموع : احمد فدوه لا تخليهم ياخذوني حلها انته سوي شي بس لا تخليهم ياخذوني  راخ تخرب عيشتي
احمد : منو كلج راح انطيج لا تخافين  مانطيج انتب روحي بدنيا لو اعرف اموت ولا اخرب حياتج
يلا كومي نامي وصبح اني احلها
تطمنت على كلام احمد ورحت انام

كعدت صبح على صياح امي ونزلت اركض وشفت احمد شانق نفسه وميت
ماكدرت اتحرك ولا اسوي شي
بس اسمع صياح امي ونجم ونسوان واني واكفه وافكر
غيم : هذا كله بسببي لو رايحه فصليه مو احسن واخوي عايش هسه راح حتا مايخذوني فصليه
بهذيج ساعه كمت اعيش واملخ روحي واصيح كله من وراي الحادث الي مريت بيه ماتمناه العدوي

_______________________

بهر
بس سمعت احمد انتحر حتا ماينطون وحده من اخواته  فصليه متت وردت لو ابوي مو طالب منهم  فصليه لحد مانشوف شراح يصير وي اخوي شهر شهرين على اقل بس شسوي نار وشابه بصدري اخخخ اخوي وصديقي راح مني 
مر شهر على موت صديقي وبهذا اليوم كعد حسين
كلش متت من شفت اخوي مابيه شي وهذاك كتل روحها حقدت على نفسي وشلون ردت احرك گلبه بأخته اخخ  لو يرجع زمن بيه ماريد منه شي بس يرجع

غيم :
ضلينه بس اسبوع بيت جدي بعدين رجعنه لبغداد واني منتهيه اخوي وسندي بلحياة الوحيد راح هسه ضليت بلا اب ولا ام امي تخربطت ودوم مريضه وصارلنه شهر بغداد بدون احمد واني ونجم عفنه مدرستنه لأن الحاله الي جنه بيها ماجنت تسمح النا ندرس قهر وضيم

ليالي : بناتي اريد ارجعجن للمدرسه
ترا يمكن اموت اني وراح ضلن بدون سند خلي شهادتجن سند الجن

،  رفضنه الفكره بس امي كامت تنصح بينا وقررنه نرجع اني ونجم اني هلسنه صرت سادس ونجم رابع

چان حلمي من واني صغيره اصير محاميه بس من صار حادث اخوي صار هدفي اصير محاميه حتا افتح قضيه اخوي واسجن حسين واخوه

باجر اداوم صار هوايه مامداومه

رحت انام وكلعاده ماكدرت بسبب تفكيري بـ احمد واكول لو منطيني فصليه مو احسن
صارت ساعه 3 واني منايمه
شويه تعبت وغفيت خمس دقايق وسمعت الاذان كمت صليت وضليت كاعده بعد ماكدر انام من موت اخوي واني صرت امشي بدون روح بي جسد يتحرك ماعرف شسوي وشلون اخذ حق اخوي

صار صبح وجهزت نفسي بس لبست ملابسي ماخليت شي على وجهي ونزلت اسوي ريوك ولكيت امي كاعده تسوي رحت كعدت نجم وجهزت نفسها واكلنا ومشينا
واجه الخط ياخذنه ورحنه
نجم : مدرستكم حلوا
غيم : مدرستنا اثنينه صارت
نجم : ههه مامتعوده شلون بيه هسه شسوي مالي خلك لا دراسه ولا شي
غيم : تلكين صديقاتج هسه اكيد برابع وياج روحي سولفي وياهن وغيري جو صارلج شهر مكابله اربع حيطان وكاعده
نجم : الله كريم

رحت لصفي جديد واني مالي خلك اجن البنات يسولفن وياي واني بالي مو يمهن سالفه ارد عليه وسالفه لا

غيم
رحت الصفي وشفت ريحانه ورد واني متت دمعه بطرف عيني بس سويت نفسي مابيه شي ومشيت كعدت صرت اكره كل البشر من بعد الحادث حتى ريحانه الي جانت الاقرب الي صرت ماهتمله
و ورد حاقده عليه وكارهته

_______________________

ورد
اشوف غيم شلون كارهتني ونظراته الي چنها تكلي كله بسببج اخوي مات ليش ماتفهم مالي ذنب والله مالي ذنب لو اعرف مطالعه من البيت بهذاك اليوم بس شسوي ماجذب حاولت انتحر من عرفت مات بس سيف نقذني واخذني للمستشفى دكتور كال لو واصله سچينه للشريان هسانه ميته، ورايحه ورا احمد ومخلصه من عيشتي بس الكاتبه الله يصير.

_______________________

سيف :

داومت غيم بس وجه ثكيل وبس عاكده وجها وحتا من اباوع عليها ماتهتملي
بس هيج هيه تحب اخوها صايره ضعيفه كلش وتحت عيونه كله سود  ومن اشرح عينها مو عليه على صبوره تحاول تتجنبني بعد ماجانت تركيزه كله عليه چان...