نيران الحب

بارت 20

Witten by Nihad

لا مكانَ محددٌ للألمِ ،عندما تؤلمك روحُك.

غيم كعدت صبح ورحت بدلت وسويت ريوك وكعدنه ناكل
نجم : لحضه منو يدزنه للمدرسه
غيم : صدك ماما منو ياخذنه
ليالي : سايق يجي ياخذجن
غيم : ها تمام يلا نجم طلعنه واكفين بلباب منتضرين سايق ونقره واجه عمي كاضم
منو يوصلجن
اجت امي وكالتله سايق ياخذهن
كاضم : وانتي شلون تودين بناتج وي سايق
ليالي : سايق من جانن بيتهن ياخذهن وهوا رجال جبير وخوش زلمه
كاضم : حتلو لا تخلينهن يروحن ويا
ليالي : لعد
كاضم : تعالن اني اوصلج بعد واذا صارت عندي شغله واحد من ولد عمامجن يودينج
غيم : ماكو داعي عمي نتعبك
كاضم : اشش وامشن كدامي
غيم
وصلنه عمي للمدرسه واني رحت لصفي ونجم لصفها
جان صف كلهن بنات محجبات اله اني والكل يباوعلي
وصرت اروح ادرس وارجع بطريقي ماحاولت اكون صداقات وضليت مكتفيه ب ريحانه يوميه اخابره ونضل نسولف
واكفين باب المدرسه واجه ولد وكف يمنه
خليل : اصعدن عمي صارت عنده شغله وكلي اخذجن للبيت
غيم : لا بشرفك تضحك علينه واني مشايفتك عد اعمامي ومنو يكول ابنهم انته
نجم : صحح يمكن تريد تخطفنه
غيم : بعدين تعال شلون عرفت عمي ياخذنه
خليل : انتن نجم وغيم اني جنت ادوام وماشفتجن من اجيتن وعمي دزلي صورجن وكال هذني جيبهن من مدرسه
غيم : وتريد نصدكك هسه؟
خليل : اللهك طولج ياروح
نجم : اذا صدك خابر عمي خلي نشوف
خليل : صح
خابرت عمي كاضم وانطيته الغيم
ها صدكتي هسه؟
غيم : اوكي لو ماعمي كالن تعالن ويا ترا ماصعد وياك بس شسوي
خليل : ديلا صعدن أخرتني على شغلي
نجم : علكيفك عيني شبيك معصب
خليل : دسكتي لسانج اطول منج
نجم : غيم تقبلينه يحجي على اختج كدامج
غيم : لا والله انته مدري شسمك وصلنه للبيت وانته ساكت ماناقصني مطايه بهل ظهريه والحر
خليل : كالتلي هيج واني فار دمي ردت انزل واجنزه بس ماكدر تكول لجدي واعمامي وابوي مايرضون عليهن
وكفت سياره
انزلن
غيم : ليش؟
خليل : ماصعد مطايه بسيارتي ويلا برا
نجم : لااا اسفين نعتذررر والله مانعيده
غيم : خيرر ليش تعتذرين وعادي ننزل افتح الباب انته
نجم : لجج ثوله مانعرف طريق حتا نرجع بوحدنه اسكتي وخلي نوصل
غيم : سكتت
خليل : انسه غيم مناويه تعتذرين؟
غيم : لا
خليل : خوش
شغلت سياره ومشيت واني ميت منهاي غيم شخصيته قويه وترادد عكس اخته، وكفت سياره باب بيت جدي وهنه راحن لبيتهن
_______________________

نجم : ايي ترا زودتيه وياا شلون تكليله مطي
غيم : خيررر غير ادافعلج
نجم : حتلو اكو وحده تكول الابن عمها مطي ربيي اخذنيي
غيم : اي ديلا شكو بيها ولا دعين على نفسج
ليالي : شصاير
نجم : ماكو شي ماما سلامتج
ليالي : لعد والعياط هذا؟
غيم : ماما گلنه ماكو شي
ليالي : تعالن اكلن يلا
غيم : تمام
رحنه اني ونجم وكعدنه ناكل حچت امي
ليالي : اي حلوا مدرستج جديده؟
نجم : اي وتعرفت على بنات وياي حبابات
ليالي : وانتي غيم
غيم : شنو؟
ليالي : ماتعرفتي على بنات هناك
غيم : رايحه ادرس مو اصادق
ليالي : حتلو لازم تتعرفين على بنات وتتونسين وياهن
غيم : مو شرط
نجم :  عوفيها يمه لهاي المعقده
ليالي : نجم انتبهي على حجايه قبل ماتطلع ترا صرتي جبيره انتي قبل معذوره صغيره
نجم : دخيل الله اكلتيني بكشوري
غيم : ديلا سدو الموضوع خلي ناكل،
نجم : صار
غيم
كملنا اكل وشلت الماعين وجبت كتبي وضليت اقره بصاله اني ونجم
شويه وندك الباب
غيم : كومي فتحي الباب
نجم : وليش ماتكومين انتي
غيم : نجمم كوميي متسمعين الباب كومي لا اجي اكسرججج
نجم : اوفف كمتت
فتحت الباب لكيت نفس الولد الي جابنه
خليل : يا صلات محمد شعجب فتحتو الباب
نجم : كول شعدك راح اسده؟
خليل : كضي لسانج لا اجي اكضه الج
نجم : هسه غير يفضه ويحجي شرايد
خليل : كرا ثانيه اذا حجيت وياج احجي بأدب ثاني شي جدي يصحيلج انتي واختج
نجم : تمام هسه نجي
راح وسديت الباب ودخلت على غيم
غيم : ها منو على الباب
نجم : هذا المغثه
غيم : منو المغثه؟
نجم : ولج هذا عود ابن عمنه الي جابنه من مدرسه
غيم :  ايي اكلج شلون منعرف اسمه احنه
نجم : هوا مكايله
غيم : المهم شيريد
نجم :  ياا خربب لجج كال جدو يريدنه ونسيت امشي بسرعه
غيم : نروح بلبجايم امشي نغيرر ونروح
ليالي : خيرات وين تروحن
غيم : جدو يردنه
ليالي : روحن مو طولن علمود تقرن
نجم غيم : صار
رحنه بدلنه لبست قميص للربكه وبنطلون ولفيت شعري 
لفوك ونجم لبست ثوب طويل وخلت شعره مفتوح ورحنه
يلا ماما رايحين
دخلنه لكينه اعمامي ونسوانهم مجمعين سلمنه واني كعدت يم بيبتي
شلونج بيبي
الجده : شني بيبي كولي حبوبه
غيم : اوو عادي نفس المعنى
الجده : لسانج طويل انتي يرادله كص
غيم : مشايفه شي من لساني بيبي بهمس
الجده : والله وطالعه وراي گويه وصلبه تعاي ابوسج

تقربت منها وباستني
نجم : ها بيبي تبوسينه وماتبوسيني
غيم : تحبني ماتحبج عيناي
الجده : اشش لج  هاي صغيرونه شلون ماحبنها
تعاي ابوسج
غيم : بيبي انتي خاينه شلون تبوسيني وتبوسينه
الجده : ليش حبوبه اني رجلج
غيم : هههههه
نجم : حيلل ههههههه
كعدنه نسولف وياهم شويه
غيم : يلا احنه نروح كومي نجم
فاديه : بعد وكت هستوج اجيتي
غيم : والله عدنه دروس هواي وتعرفين اني سادس
فاديه : سوده عليه روحي عمه
غيم : يلا نجم دكومي فضينه
نجم : اههه روحي انتي اني اريد ابقى
غيم : مو بكيفج ديلا عندج دروس
الجد : خليها بعدين تلحكج
غيم : تمام شويه وطردوها عدها دروس هواي
الجده : امشي لجج محد يطرد نجومه
غيم
ضحكت وطلعت  واني امشي حسيت بشخص جرني من ايدي وخلاني على حايط وكف مقابلي عع عليي
علي : لج يروحلج فدوه علي وعشيرته
غيم : بابا روح انته مزوج شبيك وين ماروح حاصرني
بس ماحجيت وطكها بضحكه
ششبيكك
علي : حاصرني
وغمزلي
غيم : علي
علي : روح علي
غيم : راح اصيح واخليهم يجونك
علي : اسمي حلو بصوتج
كاله وخر عني ودار وجه
خليته وشردت للبيت دخلت الهث شافتني امي
ليالي : شبيج جايتني تركضين واختج وين
غيم : هاا يمه لا بس حبيت اسوي تمرين ونجم ضلت وي جدي ماقبلت تجي
ليالي : وتحاضير
غيم : شسويلها ماما عصبت عليها مافاد شويه وتجي
كعدت اقره فد ربع ساعه وكالت امي
ليالي : راح اروح اسحله واجيبه غير عده تحاضير وهيه حجه تريد بس تخلص من دراسه
غيم : ايي ماما سحليه وجيبه حتا بعد تتعلم تعوف دراسته
ليالي : لبست عباتي سلمت عليهم وشويه كعدت وياهم فشله
يلا نجم كومي
الجد : وينن
ليالي : والله عمو عده دروس ولازم تقرا

محسن

اني ابن شيخ فهد جبير وعندي ذياب وخليل ومرتي متوفيه تزوجته زواج تقليدي الي حبيته ماكدرت اتزوجه لأن اخوي حبها وتزوجها وهسه اخوي مات وهيه عده اثنين بنات تضاقيت من عرفت ليالي راح تجي تعيش يمنه لأن ماكدر اشوفه يوميه چانت روحي معلكه بيها هسه شلون اشوفنها..