كاتبه Nihad
- من حسن الحظ أن هناك يوماً للقيامة نقف فيه أمام من هو بكل شيء عليم، وهناك سنفهم كل ما حدث.
- الأيّام كفيلة بأن توضّح لك مشاعر الآخرين تجاهك، ستعلم بأنّ ليس كل قريب يحبك، وليس كل كلمة جميلة تكون صادقة من القلب ، وليس كل ابتسامة تدل على نقاء.
ــ،
ليالي : اريد اروح للبنات
محسن : صبح روحيلهن
ليالي : لا اريد هسه اخاف عليهن وحدهن بالبيت ينامن
محسن : رحت شفتهن
وقفلت الباب حتا محد
يدخل عليهن وصبح وفتحه
ليالي : خوب مو سجن هوا هسهه اريد اشوفهن
محسن : استغفر الله ماكوو للصبح وروحي
ليالي
كعدت ابجي واصيح عليه وكام هوا
محسن : كومي يلا اوديج
مشه ومشيت ورا
محسن : خير أن شاء الله عباتج وين؟
ليالي : محد يشوف دنيا ليل والبيت يمنهه
محسن : تروحين تلبسينه لو ابطل
ليالي : صار يلا
رحت لبسته ورحتله
رحنه للبيت فتح الباب
هوا قافله طبعاً
دخلت لكيت البيت هندس
دخلت الغرفه غيم لكيته
نايمه ومخليه نجم بصفها
بس هنه ماينامن سوا
وكل وحده غرفتها الوحده لأن يتعاركن اوف اكيد نايمات سوا لأن يخافن
تقربت الهن بستهن وغطيتهن وطلعت
لكيت محسن بصاله واكف منتضرني
محسن : يلا مشينا
ليالي : عفيه محسن بس هلمرا خلي ابات يمهن اليوم
محسن : تحلمين امشي كدامي للبيت
ليالي
دمعت عيني لأن خليت بناتي وحدهن بالبيت
محسن : بس اليوم ينامن الوحدهن باجر اشوف نسرين
لو احد ينام بالبيت وياهن
ليالي : مليق شكد اكرهك لو الله ياخذك ويخلصني
اني شورطت روحي واجيت للبصره لو ضاله هناك
احسلي، احجي بگلبي وامشي ورا
محسن : شبيج دردمين
ليالي : مادردم
محسن : ها تغنين
ليالي : اي على حالتي اغني،
وصلنه للبيت ودخلت الغرفه شمرت عباتي هوا دخل
للحمام واني رحت تغطيت ونمت مادري بيه بعد
كعدت صبح لكيته نايم بعده شفت ساعه
اربعه كمت صليت
وهوا كعد راح سبح
وطلع واني هم رحت للمطبخ
سويت ريوك كعدو تريكو
جتني كوثر تكلي تعاي تريكي
بس استحيت اگابلهم واكل
مامتعوده عليهم كتلها لا مو جوعانه كالت براحتج وراحت واني رحت للبنات
غيم
كعدت صبح ساعه خمسه رحت رتبت البيت وسويت ريوك والحسره بگلبي كل يوم اصبح بوجه امي وهسه
هيه وي عمي اخخ متت اريد اكتل عمي وولده واخلص
، خلصت ريوك وكعدت نجم ضايجه لبست ملابسه وكعدنه نتريك ونجم كلشوي صافنه ومبينه ضايجه
غيم : هاا نجومه شعدج من صبح گالبه خلقتج
نجم : عاجبتج حالتنه هسه؟
غيم : كلش عادي نتعود على الوحده معليج، وبس
نخلص دراسه مانبقى هنا فهمتي؟
نجم : وين نروح يعني؟
غيم : نرجع البغداد
وندخل الكليه الي نريده هناك
ونخلص من هلعيشه الخايسه
نجم : وامي؟
غيم : افهمي نجم حاولي تستوعبين الي جاي يصير
امي عافتنه مثل ماعافونه احمد وابوي فهمتي
يعني ماكو سند النه غير أنفسنه
حاولي ماتتعلقين بأمي اكثر، لأن اثنينه نعرف
مارح نعيش واياها هوايه هسه هيه راحت
واكيد راح تجينه يوميه شوفنه فـ حاولي
ماتتعلقين كلش بيها فهمتي؟
YOU ARE READING
نيران الحب
Mystery / Thrillerفي روايَة اخَرى، غَالبَاً مَحبوبكَ القَديم يَتحدث عنكَ عند مَحبوبَه الجَديد ويُخبره كم كُنت سَيئاً مُقَارنَة به، والجَديد يَبتسم بَبلاهَه مُعتقداً أنه تَفوق عليكَ بهَذا الغَزل الرخَيص. اقتباس من روايتي 👆 "روايه عراقيه"
