(Unicode)
Z city သို့ လေယာဥ်ဖြင့်သွားရောက်ရပြီး အထူးတန်းမှ လိုက်ပါစီးနင်းရ၏။
အလုပ်လုပ်ဖို့အတွက် ဝန်ထမ်းတစ်ယောက်ကို လေယာဉ်အထူးတန်းမှစီးဖို့ အခွင့်အရေးပေးထားသည်ကိုတော့ ရိပေါ်လည်း အံ့သြမိသည်။
လာကြိုတုန်းကလည်း ကားအကောင်းစားကြီးနှင့်။
Z city နဲ့ Y city က တစ်နာရီခွဲခန့်ကြာအောင်စီးနင်းရမှာဖြစ်သည်။ ရိပေါ်မှာ ကိုယ့် luggage ကိုယ်တောင် ဆွဲစရာမလို ။ ကျန်းမင်နဲ့ အတူပါလာတဲ့ လူတစ်ယောက်က ရိပေါ်ရဲ့ အထုပ်တွေကိုသယ်ပေးသဖြင့် အားနာနေရသည်။
သူဌေးက ဝန်ထမ်းကိုပေးတဲ့ ဆားဗစ်က အကြမ်းကြီး။
ရိပေါ်အခုမှ စဥ်းစားမိသည်က သူက ဥက္ကဌရှောင်းကိုမမြင်ဖူးသေးပေ။
ရုပ်ကြမ်းကြီးနဲ့များ ကလေးစိတ်ပေါက်နေမလား။ ပုံစံကြီးက ကြောက်စရာကြီးလား။ ဥက္ကဋ္ဌဆိုတော့ ဘာအဝတ်အစားတွေဝတ်တာလဲ။ suit တွေဘာတွေဝတ်ပြီး သူငယ်ပြန်နေတာဆိုရင်ရော ?
စသဖြင့် အသေးစိတ်လိုက်တွေးတောနေမိသည်။ ဥက္ကဋ္ဌရှောင်းရဲ့ ပုံပန်းသွင်ပြင်ရယ် ပင်ကိုယ်စရိုက်နဲ့ ပက်သက်ပြီး သ်ိချင်တာလေးတွေရှိတာကြောင့် ကျန်းမင်ကိုမေးကြည့်ဖို့ စိတ်ကူးလိုက်သည်။
မနေ့က ဥက္ကဋ္ဌရှောင်းရဲ့ ကိုယ်ရေးအကျဥ်းက်ို သေချာဖတ်လိုက်ရရင်အကောင်းသား။
" အစ်ကိုကျန်းမင် "
ဘယ်လိုခေါ်ရမှန်းမသိတာကြောင့် လေးစားသမှုနဲ့ အစ်ကိုတပ်ခေါ်လိုက်၏။
" ဟုတ်ကဲ့ ဆရာဝမ် "
" ဥက္ကဋ္ဌရဲ့ ပုံစံက ဘယ်လိုရှိလဲဟင် "
" ဘောစ့်ရဲ့ ရုပ်ရည်ကိုပြောတာလား "
ရိပေါ်က ခေါင်းငြိမ့်ပြလ်ိုက်သည်။
" ကျွန်တော်တို့ ဘောစ့်က အရမ်းချောပါတယ်။ A list မင်းသားနဲ့ ယှဥ်နိုင်တဲ့ရုပ်ရည်ကိုပိုင်ဆိုင်ထားတယ်။ စည်းစိမ်ရော ပညာရော အရာအားလုံးပြီးပြည့်စုံတဲ့လူပါ "
" သြော် "
ရိပေါ်က ခေါင်းငြိမ့်လိုက်၏။
A list မင်းသားနဲ့ယှဥ်နိုင်တာတော့ နည်းနည်းပိုလွန်းသလားလို့။ သူဌေးတွေဆိုရင် သိတဲ့အတိုင်း ရုပ်ဆိုးဆိုး ဗိုက်ပူပူ အဘိုးကြီးတွေကများတယ်လေ။ နှိမ်တာတော့ မဟုတ်ပေမယ့် ရှစ်ဆယ်ရာခိုင်နှုန်းကတော့ အမှန်တရားပဲ။
YOU ARE READING
You-aholic
FanfictionALPHA × OMEGA This story is from my imagination . This is just a fan fiction that has nothing to do with reality.Please don't take this serious. This is a mpreg story. If you don't like this kind of story don't read this. Thanks!