Black Shadow season 2|| KSJ||

08th Episode

ජින් හිටියෙ තමන්ගේ කැබින් එකට වෙලා ගැන්ග් එකේ ෆයිල්ස් වගයක් බල බල.. කවදාවත් ජින් ගැන්ග් එකේ විස්තර ඔෆිස් එකට ගෙනාවෙ නැතත් අද ජින් අරගෙන ආවේ මේ දවස්වල වැඩ ගොඩ ගැහිලා තිබුන නිසා.. වෙලාව හවස 03.00 විතර වෙලා ඇති.. කවුරුහරි කැබින් එකේ දොරට තට්ටු කරන සද්දයක් ඇහුන නිසා ජින් ෆයිල් එක වහලා ලොකර් එකට දාලා ලොක් කරා..

"කමින්.."

ඒත් එක්ක ම කැබින් එකේ දොර ඇරගෙන ඇතුලට ආවේ හැඩි දැඩි ශරීරයක් තිබුන පිරිමි කෙනෙක්.. එයා දිහා ඔලුවෙ ඉදන් දෙපතුල දක්වාම පරීක්ෂා කරපු ජින් එයාට වාඩි වෙන්න කියලා පුටුව පෙන්නුවා.. කිසි වෙනසක් නොපෙන්වා ඒ කෙනා ජින්ට යන්තම් හිනා වෙලා පුටුවෙන් වාඩි වුණා..

"මිස්ටර්?"

ජින් අහනකොට එයා සාක්කුවෙන් ගත්තු අයිඩී කාර්ඩ් එකක් ටේබල් එක උඩ තියලා ජින්ට පාස් කරා.. කාඩ් එක අතට අරගෙන ඒකේ නම බලපු ජින්ට කට කොනින් හිනාවක් ගියා..

"NIS officer Park Minho?"

එහෙම අහන ගමන් ජින් අයිඩී එක ආයෙත් එයාට ම පාස් කරේ මූණෙ තිබුණු හිනාව නැති කරගන්නෙ නැතිව..

"දේ මිස්ටර් බ්ලැක් වුල්ෆ්"

එයා එහෙම කියනකොට ජින්ගේ මූණෙ තිබුණු හිනාව නැති වෙලා ගිහින් රෞද්‍ර පෙනුමක් මූණට මතු උනා..

"මොකක්ද?"

"මිස්ටර් බ්ලැක් වුල්ෆ්"

ජින්ගෙ මූණෙ තිබුණු හිනාව නැති උනත් එයාගෙ මූණෙ තිබුණු හිනාව නම් නැති උනේ නෑ.. එයා කතා කලේ හරියට ජින් ගැන හැම දෙයක්ම කාලයක් තිස්සේ දන්න කෙනෙක් වගේ..

"මොනාද තමුන් කියවන්නෙ?"

"වේ මං වැරදි ද?"

"තමුන් කවුද?"

"මම ද? මම නම්...."

ඒ කෙනා කිසි කලබලයක් නැතිව කියනකොට ජින් නම් හිටියෙ ඉවසීමෙ සීමාවෙ උපරිම මට්ටමේ..

"තමුන් කවුද කියලා කියනව ද නැද්ද!?

ජින් ඇහුවෙ උපරිම ඉවසීමකින්..

"ඕකේ ඕකේ මිස්ටර් ජින්.. මම නං NIS එකේ වැඩ කරන පොඩි නිලධාරියෙක් හැබැයි තව ටිකකින් මෙතනට එන්නෙ නම් ලොක්කෙක්.."