Black Shadow season 2|| KSJ||

18th Episode

ගාඩ්න් එකේ තිබුන ගල් බංකුව උඩට වෙලා ඉඳගෙන ටේහියුන් හිටියෙ අහස දිහා බලාගෙන ලොකු කල්පනාවක.. පැය කීපයක ඉඳන් ටේහියුන් මේ විදියට කල්පනා කරන හැටි ජන්ග්කුක් ඈත තියා බලාගෙන හිටියා.. ටේහියුන්ගෙ සැරින් සැරේ මිට මෙලවෙන අත.. පිට වෙන බර හුස්මවල් දිහා ජන්ග්කුක් ඉතා හොඳින් බලාගෙන හිටියා.. තවත් බලාගෙන ඉන්න බැරි ම තැන ජන්ග්කුක් ටේහියුන් ලගට ගිහින් එයාගෙ එහා පැත්තෙන් වාඩි උනත් ටේහියුන්ට ඒ බවක් තේරුනේ නෑ..

"හ්යොන්ග්.."

"ඔහ් කුක්!"

"මොනවද ඔයා මෙච්චර කල්පනා කරන්නේ?"

"අහ් මුකුත් නෑ කුක්.."

"බොරු කියන්න එපා හ්යොන්ග් මං හොඳට ඔයා දිහා බලාගෙන හිටියෙ.. ඔයා මොකක්හරි ප්‍රශ්නෙක නේද ඉන්නේ?"

"අහ් ජන්ග්කුක් මං.."

ටේහියුන් ජන්ග්කුක්ගෙ පැත්තට හැරිලා එයාගෙ මූන දිහා බලනකොට ටේහියුන්ට මතක් උනේ ඊයෙ ජීමින් කියපු දේ..

Flashback

"ජීමිනා මොකද මේ?"

ශනායා ඉන්න තැනින් නැගිටලා ආපු ජීමින්ගෙ පස්සෙන් ටේහියුනුත් ගියේ ජීමින්ගෙ අමුතු හැසිරීමට හේතුව දැනගන්න.. ජීමින් තමන්ගේ කාමරේට යනකොට ඒ පස්සෙන් ම ගිය ටේහියුන් කාමරේ දොරත් වහගෙන ඇතුලට ගියා..

"ජීමිනා කතා කරපන්.. ඇයි උඹ ශනාට එහෙම කිව්වේ? අවුරුදු කීයකට පස්සේ ද ඒ කෙල්ල මෙහෙට ආවෙ? උඹ එකපාරට එහෙම කිව්වා ම ඒ කෙල්ලට පිස්සු-"

"කටවහපන් ටේහියුන්! උඹ මුකුත් නොදැන ඒ ගෑණිව සුද්ද කරන්න හදන්න එපා.."

"ජීමින්?"

"උඹ දන්නවද ශනායා කියන්නෙ කවුද කියලා? උඹ හිතන්නේ ඒකි අවුරුදු ගානක් කොහේ හරි ඉඳලා එක පාරට ම ආවා කියලා ද? නෑ බං නෑ.. අපි අවුරුදු ගානක් පිච්චි පිච්චි ඒකිව හොයනකොට ඒකි අපි එක්කමයි හිටියෙ.. ඒකි අපි ඒකිව හොයන හැටි බලාගෙන හිටියා ටේහියුන්.. අපේ වේදනාව අපේ හ්යොන්ගෙ වේදනාව ඒකිට විහිලුවක් උනා..!"

ටේහියුන්ගෙ උරහිසින් අල්ලගෙන ජීමින් කියවගෙන කියවගෙන යනකොට කිසි දෙයක් හිතාගන්න බැරි ටේහියුන් ඇස් දෙකත් ලොකු කරගෙන ජීමින් දිහා බලාගෙන හිටියා..