"اسيرة_لعبة_الماضي "باللهجة الجزائرية

الفصل11

نرجعو عند ماهر اللي غير هبط من المنصة مشا راسو مش معاه عقلو مشوش وقلبو مضغوط حاس الدنيا تقلبت عليه تفكر آخر مرة شافها نظرة الانكسار اللي شافها فيها منساهاش ولكن بالقوة اللي شافها بيها اليوم تأكد انو صح كسرها ميي لازم يبعد عليها بش يضمن امانها ليوم هيا جات وولات شريكتو يعني يتلاقو كل يوم ويحكو كل يوم... قادر في اي وقت تشوفها...تعرفها...وتديهالي...تديها مني...تبعدها عليا....مستحيل نخليها... مستحيل نخليها تبعدها عليا وهيا الهوا اللي نتفسو محااال

بيسك كان ساهي مكانش يشوف وين راه ماشي حتى دخل فيه

مازن:اوو وشبيك داخل فيا بالشوي برك

فطن ورجع للواقع وينو خارج الاوتال

ماهر:مازن ليناار وينها ؟؟ويني؟؟(يخض فيه من كتافو ويحكي بصوت ملهوف )

هبط راسو حذا رجلو على يديها اللي يتلمسو فيه

لينار:بابي راني هنا شبيك علاه تحوس عليا (وعنيها مليانين حنية )

تساءل وسطو :هل رايحة تبقى هاذ الحنية وقت تعرف ...زعما تخيرها عليا تبعد عليا و تكرهني و تكره قربي( مجرد التخيل قتلو وسرقلو التنفس)

مستناش تلاح ديراكت هزها ومشا بلاما يزيد حرف

مازن بقا تابعو حتى وصل للطونوبيل

مازن:مااهر وين رايح

ماهر:مروح ونتا جيب معاك الباقي

مازن:ميي

ماهر:هدرت هدرة نفذ مكلااه تناقشني (يهدر بعياط واعصابو مشبوحة)

مازن عرفو بيه حاجة و واصل للطوب سكت وبعد مخليلو الطريق

ركب و ديمارا باقصى سرعة همو الوحيد يبعدها من ثم و ميخليهاش تشوفها والا رايحة تديها

لينار زعما حاولت تخفف عليه كي شافتو بالحالة هاذي

لينار:بابي نقص فيتاس خوفتني (تحكي والدموع فعينيها وصوتها مخلط بغنة بكاء)وشبيك وش مقلقك ؟

ماهر توله للحالة اللي كان بيها حاول يخفف على روحو شوي من برا برك نقص فيتاس ورخف ملامحو

ماهر:والو بنوتي بلا بكا ...هاا رانا وصلنا كمل سواقة داخل للفيلا غير gارا ونزل مشا جيهة الباب اللي بحذا الشيفور منين كانت قاعدة لقاها رقدت رقدت والدموع فعينيها خلا الباب مفتوح وبقا يدقق في تفاصيلها خاف يجي نهار ويشوف ذيك النظرة الباردة في عينيها وملي كانت سكينتو تولي كابوسو لا مستحيل لازم يحكي معاها ويفهم وش راه صاري

فطن من تخمامو على سيارة مازن اللي حبست قدامو ونزلو منها كامل (سليمة نسيمة ميرال)هزها وزاد بيها من غير ما يقول حتى كلمة والباقي حتى هوما كانو داخلين حتى حبسهم كلامها