"اسيرة_لعبة_الماضي "باللهجة الجزائرية

الفصل 21

سيليا باست يدها اللي كانت على راسها:مارسي يا روحي ربي يخليك مي ضك حابة نبقى وحدي وعييشك اعطيني الكاسات

ايلين تبسمتلها عارفة الكاسات هي اللي تهديها امها دارت حاجة مليحة وقت خلاتها, راحت جابتها هي وليكيتور وغطاتها و باستها :ربي يرحمها ....و تصبحي على خير

سيليا:آمين ونتي من اهلو ...وجان ثاني قليلو مارسي

طفات الضو وخرجت لقاتو واقف

ايلين:جاان راك غلبت ليوم روح ارقد هاي ليك الصالة ارقد فيها

جان:لالا ضك نروح لبيتي ميي سيليا ولات لباس؟؟

ايلين:ايه حابة تريح وحدها وتسمع صوت امها الله يرحمها

جان:الله يرحمها ....مي يا ايليين والله ما توقعت تكون عاشت كامل هاذ الشي يعني لو معرفتش عقليتها في هاذ ليامات اللي فاتو مستحيل كنت رايح نصدق بلي هاذ البنت اللي تظل تضحك عاشت هاذ الشي كامل

ايلين:جان هاذي هي الحكاية وهاذي هي وش عاشت سيليا والله عمو سمير هو اللي صح عاونا تخيل لو مكانش لثم وش صرا؟؟

جان:اييه كثر خيرو والله....بصح اللي مفهمتوش وش كان يدير لثم وعلاه كان متقصد ماافيا ؟

ايلين:وهاذي حكاية غير وش رايك نرقدو ووقت يجي الوقت المناسب نعرفوها ؟

جان :ايه مدام هي رقدت هيا نرقدو حنا ثاني جا خارج:تصبحي على خير

ايلين :ونتا من اهلو ليلة سعيدة

جان:وليلتك اسعد خرج وغلق الباب اللي كان مفتوح وقت دخلت سيليا متولهتش تغلقو كي لقاوها بهاذاك الترحيب الحاار

راح لبيتو ورقد ديراكت

وايلين بقات واقفة زمان تشوف فبيت سيليا اللي بابها كان مفتوح وتبان منو هي كيفاه راقدة متكعبرة فروحها وصوت شهقة خفييييف طالع عرفتها مش حابة تبين ضعفها سيليا هكا مخدومة متحبش تبان ضعيفة ومهدودة وايلين تفهمتها وراحت لبيتها رقدت حتى هي

صباح جديد طل على ابطالنا كي العادة ينوضو يفطرو ويروحو يخدمو برك ميرال ركبت معا مازن قدام لينار ومبعد كي قربو للشركة ركبت معا ماهر جنونها راكبينها على هاذ اللعب اللي راها فيه

ايلين ناضت ليوم على منامة مش مليحة تشوف في روحها تتفرج من بعيد على انسان يعنيلها يتأذا بالها راح طوول لسيليا ناضت لبست وغسلت بالخف وراحت لبيتها لقاتها مزال راقدة تنفست الصعداء وقت شافتها لباس وما بيها الو دخلت غير بالشوي قعدت عند راسها وباستها على شعرها تولهت لعينيها الحومر تفكرت ليلة لبارح وخافت صح عليها كن بيدها تخبيها في قلبها باه ما يلقاها حد

سيليا فاقت بلي قاعدة عند راسها حلت عينيها :صباااح الخير (قالتها ووجهها مالياتو ابتسامة اللي ميعرفهاش يقول بايتة تشطح من الفرحة )