مازن:امم حشامة تاعي هههه..المهم دكتورة مراحش تخرجيها منا هكا لبسيها عاد أدوها لشومبر عادية كيما قلتي(دار لسيليا)ونتي اعصفورتي المغامرة راني لابس هكا باه جنود الخفاء تاعك ميوخذوكش فيا ههههههه
برا قاعدين كل واحد وتخمامو سمير على جيهة وعصماء معاه وجان واقف مكالي الحيط وماهر هبط لينار تاكل كاش حاجة هي صغيرة وجسمها يحتاج الطاقة وايلين بقات قاعدة وتستناهم يخرجو حتى جا جان زادم لعند الطبيبة وقفت زربت حكمتو
ايلين:وييين؟؟؟
جان:شوفيها طولو وغلقو منين نشوفوها وش راهم يديرو
ايلين بقات تشوف فيه وشمن سبة تعطيهالو ضك باه ميدخلش عند سلفها ويكسرو كيما تقول سيليا ايلين رادار وباينة عرفت عينين مازن كي دخل وش الحل؟؟....بردت روحها بشوي ونطقت:جان راهم يخدمو فخدمتهم مكلاه تزدم ضك تخرج وسقسيها
مكملوش هدرتهم خرجت الطبيبة ووراها الفرملي(مازن) مهبط راسو والكمامة على وجهو
ايلين:وش دكتورة وش راهي؟؟
طبيبة:ههه المريضة فاقت ضك ننقلوها لغرفة عادية
ايلين دمعو عينيها من الفرحة وجان مأمنش روحو ديراكت هز راسو لربي يشكرو اللي حفظهالو عصماء وسمير واقفين وراهم شابعين فرحة
جان قرب للطبيبة:ميرسي دكتورة بزاااف...وينتا نقدرو نشووفها
طبيبة:ضك يجيو الفراملة ينقلوها لغرفة عادية ووقتها شوفوها عادي مي متكثروش عليها
جان/ايلين:اوك متهنية
ريحو شوي وقت وجاو زوج فراملة طفل وطفلة واللي هوما مازن وفرملية تخدم لثم هزوها فالكاياص وخرجوها على عينيهم اللي ينطقو بالفرحة وسيليا كثر منهم سيليا تولهت لسمير كان يشوف فيها بغرابة وتردد شوي مي قالت سير زعفان كي درت هك مبعد نرونجيه
في دار نور قاعدين فالصالون مجيد وملاك يوتوتو ونور هداك وين دخلت كانت معاها بشرى جات عندها
نور:فوتي اخريوشة
بشرى:يطلع على وجهك وجه الهممم
جات فايتة طالعين فالدروج سمعت صوت أمها
ملاك:نووور
نور شافت فبشرى تاع وش تحوس ثاني وردت:وييي؟؟؟
ملاك:ارواحي عندنا معاك هدرة
نور:ماما جات بشرى راني مريحة معاها كي تروح نحكيو
مجيد:قتلك أروااحييي دقيقة وروحي
جات ترد نور حكمتها بشرى:خلاص روحي ضك نطلع لشومبرتك كي تخلصي ارواحي نشالله خير
نور:يظهرلي مش خير ومعرف ..المهم اجري ضك نلحقك
خلاتها طلعت ورجعت عندهم فاتت للصالون رمات صاكها باهمال على الفوتاي ورمات روحها قاعدة
YOU ARE READING
"اسيرة_لعبة_الماضي "باللهجة الجزائرية
Romantikaاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
