"اسيرة_لعبة_الماضي "باللهجة الجزائرية

الفصل45

سيليا حمارت بكلها وتعقنت تقول ماهي سيليا اللي لسانها فيه 10ميترات

نوض لوطو ومشا جيهة ماهر وهوما للزوج ساكتين

فلوطو تاعو حابس على جيهة داير نواظرو ومهبط نص كارو يشوف فالدار يستنى الهدف تاعو يخرج شوي وقت وشافو خرج تبسم على جنب

جان:ههه بدا اللعب(ديمارا من موراه بالشوي حتى لقاه دخل للقهوة حبس على جنب يشوف فالقهوة)المرة الجاية نشربوها فدارك نشالله

ايلين فلوطو حاطة لينار فحجرها حتى حبست لوطو تاع مازن قدامهم ديراكت نلزو للزوج عندهم

ومام مازن وسيليا كانو نزلو

ايلين وبين يديها لينار ديراكت جرات لسيليا تعنق فيها:بببقرررة كيفاه تديري هكا قريب متت من خوفي عليكم

سيليا زيرت عليها:متخافيش مصرا والو الصح فيكم نتوما

ماهر جبد مازن ليه:قتلك عيط للابوليس مش تزدم نتا من نيتك ياخو تريسكي هكااك؟؟..وديجا منين جاك السلااح نتا وياها؟؟

مازن:مش وقتو ..شاف فلينار قرب لايلين:على سلامتكم ايلين

ايلين:مرسي ليكم نتوما

مازن تبسملها:بلا مزية(قرب للينار هزها)وااش عميييمو؟؟

لينار زيرت عليه:دوك كنت خاااايفة

مازن يمسح على ظهرها:خلاص بنتي حبيبتي فاتت (دار لماهر)ماهر دوك شوي يجيك صحبي روح معاه نتا وايلين باه تقدمو اقوالكم وفشكون شاكيين ولينار راهي معانا انا وسيليا

سيليا قربت لماهر:بلا ما نوصيك عليها

ماهر تبسم ودار يدو على راسها:متخافيش عليها نديرها فعينيا

مازن:احمممم ياااخوو خييير؟؟؟

شافو فيه كامل وولاو يضحكو ايلين قربت لسيليا:هممم يظهرلي كاين جديد مزال موصلنيش

سيليا:ههه راداار مشاء الله..مبعد نشالله

ايلين:نشالله نروح مع ماهر ضك ونتي سيتوبلي تهلي فلينار

سيليا:نديرها فعينيا ختيتو الزينة اجرييي عند الزوج الكريم

ايلين:هه احمشيي

بعدو وتفارقو ماهر وايلين جاهم جانير داهم لفرع تابع للمهمات الخاصة تصرا فيه التحقيقات اللي تكون سرية وتقريبا مخصص للقضايا اللي تصرا مع أفراد المركز ولا القراب ليهم برك

سيليا ومازن كانو كيف كيف ولينار فحجر سيليا

لينار تلعب بشعر سيليا:سيليوش علاه شعري مش زي شعرك

سيليا:هههه بيسك نتي مميزة بيبي وشعرك زي تاع أمك

لينار:ويي ونتي تاني زي ماماك؟؟