"اسيرة_لعبة_الماضي "باللهجة الجزائرية

الفصل57

كملو فرحتهم وقعدو فكراسي العرسان شوي حتى يفرزولهم لابيست باه يشطحو كانو قاعدين كل عريسين في كرسي والناس القراب تجي تمد كلمتها وتبارك

نور وجان كانو قاعدين حتى قربت بشرى لنور سلمت عليها وحظنتها:مبروك عليك ياحبي ربي يفرحك ويهنيك فحياتك كاملة ياروحي

نور:امين عشقي ولعقوبة ليك نشالله كي ليوم نفرح معاك

بشرى:هههههه امين ياربي

شافت فجان وتبسمتلو:مبروك عليك نسيبي لعقوبة للعرس نشالله وبلاما نوصيك هادي عين من عينيا تقلقها منتفاهموش ابدااا

جان:علابالك يا مخلوقة ربي نتي من ضك مش متفاهمة معايا ربي يستر برك عليا منا وجاي

بشرى:هههه اواه تتهلى فيها نتهلى فيك

جان شاف فنور بنظرة مش مفهومة وهو حاكم يديها ويشوف لعينيها:رايح نتهلى فيها بطريقتي الخاصة...متخمميش(تبسملها ودار لبشرى)لعقوبة ليك نشالله

بشرى:مرسي عيشك

بعدت عليه وقعدت قدام نور يتصورو وجان مش منتبه ليهم زعما عاطيهم الراحة هكا هبال البنات وين يدورو لازم يتصورو حتى وقف كي قرب ليه

دانييل:عشنا وشفناك عريس صاحبنا...كلشي مبرووك

جان حظنو حضن رجولي يطبطب على ظهرو:مرسي صحبي لعقوبة ليك نشالله مرسي كي لبيت الدعوة وجيت

دانييل:اول شيي اميين ياربي نتزوج قريبا الواحد حاب يزهى شوي..ثاني شوي نجي بلا مزيتي راني نتساءل لوكان مجيتش للبلاد ودرتهالك مفاجأة مكنتش عرضتني؟؟

جان:هههههه باينة مكنتش

بعدو على بعضاهم يضحكو ولبنات يشوفو فيهم

بشرى:اسمعي شكون الخرا هدا؟؟

نور تشوف لدانييل وجان:هداك دانييل شريك شركتنا الجديد جا من امريكا باه يخرج شركتنا من الأزمة وعلى حساب مسمعت من ايلين هوما صحاب من قبل

بشرى:يخخخخ خصارة الماريكان فيه عليها مديها فروحو..تاافه

نور دارت ليها:ومنين تعرفيه يا لالة حتى قررتي باللي تافه؟؟

بشرى:مش وقتو كي تفوت الخطبة نحكيلك يا عروس

نور:اوك نسايرك وش ندير

قدامهم كان الباروك ثاني قايم مازن ولينار مريحين ويتصورو يتبهللو بماهر وايلين كي عادتهم حتى سمعو ايلين تعيط بصوت واطي لسيليا اللي كانت فايتة عليهم

ايلين:سييلياا

سيليا حبست وشافت قدامها لقات ايلين تعيطلها مي مازن كان معاهم لمحت عينيه كي طاحو فعينيها مي ثم ثم هربهم وهي دارت نفس الشي وقربت لايلين

سيليا:واه عروستي ؟؟

ماهر:غالطة نسيبتي عروستي انا

سيليا:هاهاها متخافش منيش ماكلتها بيسك هي من بكري تاعي منتعاندش معاك عليها