لگينه الدنيا ما تنحب
حزن ودروب ما تنطب
درب مكتوب بي نبجي
ودرب مكتوب بي نتعب
**********************************
ابو سليم ـ لا سلامتك بويه ضروري هاي اليومين تجيبهه احنه راح نطلع من بغداد خلينه نودعهه اخر مره يجوز بعد ما نگدر نشوفهه
نائل ـ صار عمي باجر بعون الله يمكم
ابو سليم ـ بعد عمك اعتمد عليك
نائل ـ الاعتماد على الله يله عمي اودعناك
ابو سليم ـ بحفظ الله بويه عينك على بنيتي
نائل ـ ان شاء الله سديته منه وروحي راحت نزلت دمعتي
كلشي ولا عمتي من يدري ابوي ينجلط والله لو هاي فتون شلون اگللهه عمت على فراگج
يا ربي دخيلك بدلت بسرعه ونزلت اكلت شوي واترخصت گمت طلعت افتر بالشوارع امشي
اريد ابرد ماكو الجو بيه بروده بس ما يبرد روحي گلبي محترك
اااخ ولج عمه شلون بيه گوه لگيتج گوه والله وهسه تروحين مني مره ثانيه
وين بعد الگاج وين بعد اشوفج واشمج بيج كل المحنه اااخ بويه اااخ گلبي
امشي وابجي وصلت للنهر ضميت اغراضي بنص الشجر وذبيت روحي بنص المي
صرت اسبح گبل وصلت مسافه ورجعت گعدت صرت ارجف رجعت لبست ملابسي اخذت اغراضي اجرت تكسي ورجعت للبيت
فاتنه ـ تأخر نائل يله نزل اكل شوي وطلع وجهه مطعون وعيونه مخنزره
كله مطبوگات حواجبه طبگ خير يا رب تغدينه ولملمت كلشي وصعدت ماكو ما اجه
روحي رايحه احس اكو شي صاير شي والله من يوم اللي اجيت لهنا واحس اكو شي صاير بس شنو ما ادري
احلامي كلهه بيبي تبتعد عني واني اركض وراهه هيه وجدو شنو اللي صاير اول ما دخل للغرفه ركضت عليه
نائل شكو شصاير احجي بيبي جدو ابويه امي اخواتي اهلي كلهم اكو بيهم شي
گول عليك بداعة عزيز گلبك احجي روحي رايحه عليهم من اول ما دخلت بيتكم واني احس واحد من اهلي بيه شي احجي فدوه لا تسكت
اهز بيه وهو ساكت شوي ووگع علي يمه نائل نائل اگعد نائل اضرب بوجهه ماكو غسلتله ماكو
يا ربي ركضت جوا لابوه خالو الحگ نائل وگع ما اعرف شنو صار وياه
ابو نائل ـ يا ستار يا ربي شبيه
فاتنه ـ ما اعرف والله ما اعرف دخل وجهه احمر وعيونه حمر اول ما حجيت وياه وگع گوه جريته لطرف السرير
YOU ARE READING
ادمنت حدة عينيه
Humorما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
