والله ما اسامح بعد
الاذاني يوم بلا سبب
مشكول گلبه بذمه
وشبيها اذا صرنه غرب؟
نصفع الطيبه البالگلب
نتمصلح وما نسأل
واليغلط بحقنه بعد
نغلط بحقه ونزعل
*********************************
فاتنه ـ لا اطلع اطلع سبحت ونشفت شعري سشورته برمت اطرافه حتى يصعد شوي واصل كلش قريب لركبتي وكلش متعب
كم مره ردت اقصره وما يقبل ميشته بس صار يجنن
لبست فستان حوامل جوا الركبه ربع ردن مشينه تعبت هواي نئوله خلي نگعد فدوه
نائل ـ تعالي قريب النافوره احسن
فاتنه ـ اي يله وصلنه للنافوره گعدنه على طرف السور مالتهه مديت ايدي بالمي بارد وحلو صرت امشي ايدي وابتسم واني ارسم بالمي اشكال
نائل ـ هااا شسوين
فاتنه ـ ارسم بالمي
نائل ـ شنو رسمتي
فاتنه ـ هيج اشكال مو شي مهم
نائل ـ تحبين الرسم
فاتنه ـ اي قبل جنت كلش احب الرسم
نائل ـ وهسه
فاتنه ـ مو كلش يعني هيج حسب الخبالات
نائل ـ ليش
فاتنه ـ ما اعرف مجرد هوايه لا اكثر ولا اقل
نائل ـ تحبين رسم العيون
فاتنه ـ شلون عرفت سألته باستغراب
نائل ـ هيج مجرد شعور لا اكثر
فاتنه ـ اي احبهن بس ما مضبوط كلش
نائل ـ اي استمري لما تضبطيهن
فاتنه ـ لا ما مفكره بيهه اريد اكمل دراسه احسن رفعت ايدي نشفتهه ما اعرف شنو اريد بالضبط شنو المجال اللي راح ادرسه بس اريد شي هيج يرفع الراس احس انو اني مهمه مو شي عابر
نائل ـ حلو كتفكير بس خلي هدف محدد تمشين عليه اذا ما حددتي الهدف صدگي تخسرين طاقه فكريه عاليه استثمري فكرج حتى توصلين لنتيجه ماشي
فاتنه ـ ان شاء الله يله نرجع صارت الدنيا نص ليل
نائل ـ يله تحسين بوجع او شي ثاني
فاتنه ـ لا ابد بس اريد ارجع للبيت نعسانه
نائل ـ يله امشي
فاتنه ـ مشينه لازم ايدي وايده الثانية بجيب البنطلون وسترته لامه جسمه لو شعره الكلاسيكي منطيه جماليه حلوه وصلنه للسياره رجعنه للبيت
YOU ARE READING
ادمنت حدة عينيه
Humorما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
