كل عام وانتم بالف خير
مقتطفات من يوميات ابطالنا
حبايبي لا تنسون تعلقون على كل فقره وتصوتون للبارت
*******************************
فاتنه ـ صارت الاربعين مالت عمو ابو رغد نائل قرر يروح هو وزيد وعمر عمو واثق طلع قبل اسبوع واخذ وياه عمه سماهر وراح للغربيه ياخذ عمه ام ماهر ويطلع للجنوب
ايهاب يبقى وماهر وعامر يطلعون وياهم وياخذون
ود ورغد واحنه نبقى كلنااني ما اگدر اسافر اتعب كلش وگلبي جاي يتعب بس ما احسسهم بشي
نائل ينتبه علي بس اطمنه بحركاتي وضحكتي لو احضنه من ظهره واخلي وجهي برگبته واحسسه اني بخير وماكو اي شي مو تمام
نائل ـ فتون وضعهه مو مطمئن ابد ابد بس هيه تغطي علي بتصرفاتهه وضحكتهه اكثر من مره احاول اخذهه اسويلهه فحوصات وهيه معانده تگول ما بيه شي
اني اعرف كلش زين گلبهه جاي يتعب العلاج يخلص بسرعه لان تاخذ منه هواي انتبهت اكثر من مره تنسى البخاخ فوگ الميز ومو بالجراره مضموم يعني جاي تستعمل البخاخ
اشتريت كامرا صغيره وركبتهه بالغرفه حتى متنتبه الهه وبنفس الوقت اراقبهه لان علاجهه وكلشي يخص مرضهه موجود بالغرفه
گاعد بالدوام ومجاهد يمي فتحت التلفون شفتهه دخلت للغرفه تفرك بگلبهه وتشهگ نزلت رجلي بسرعه وركزت بالشاشه شفتهه تمددت وتسحب من البخاخ لما ارتاحت حسيت بضربه قويه على كتفي شفته مجاهد گلت
شبيك الارعن
مجاهد ـ شكو مجنگل عيونك بالتلفون خلينه نشوف وياك بله شتشوف
نائل ـ مو يمك خليني مركز
ـ هجم راسك كون ابو صماخ خلي مركز بيمن بله مركز
ـ تعال يمي وشوف
ـ جاي جاي بله نشوف تاليهه وياك ابو هبطه
ـ گعد يمي وشاف فتون
ـ هاي شنو تصوير لفتون منين اجاك
ـ اني مركب كامرا بالغرفه واراقبهه من اجي للدوام لو اروح للصيدليه مجاهد فتون جاي تتعب وراح ترجعنه لنقطة الصفر تشرب بالحبوب عبالك حلويات
وشوف هاي
رجعت التصوير شوي
شوف شلون مختنگه وتفرك بگلبهه
شافهه واتخبل
ـ هاي طايحة الحظ شوكت تبطل من هذا اسلوبهه
ـ اعصابك شوي اهدأ شوف شلون الناس انتبهت عليك شوف اني حجيت وحجيت لما مليت وهسه بعد 4 ايام اروح للجنوب ورانه نروح للاربعين يعني اخليهه وهذا وضعهه عليك الله هيه هاي هم حاله
ـ اليوم احجي ويه ابوي لازم يخليلهه حد ترا زودتهه هواي
ـ الحل الوحيد نجبرهه وناخذهه نسوي تحاليل وفحوصات
YOU ARE READING
ادمنت حدة عينيه
Humorما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
