ادمنت حدة عينيه

بارت 39

احبك لمن تعاند

واحبك حتى من تزعل

عمي الله ولحد رايدك تقبل

******************************

فاتنه ـ طلعنه اني ودكتوره سمر شرحتلهم وضع عمه ولازم عمليه شفتهم نائل وابوه مصدومين وجههم ما يتفسر والدكتوره تقنع بيهم على العمليه

شوي ورجعت گالت حضرولي الطبله الهه بسرعه وجهزولهه دم للاحتياط شفت جايين ورانه ماهر وعامر وزيد وعمر ومجاهد وبيبي وامي وام نائل

عمو واثق رجعهم لان ما يصير الناس باقيه بالبيت وبس ايهاب يمهم بقينه اني وعمو واثق ونائل وعمه ام ماهر ومجاهد

واثق ـ ليش الا عمليه لييشش

فاتنه ـ عمو اهدأ فدوه لصحتهه وصحت الاطفال ما بيهه حيل الولاده تنتهي والله

خلي نائل يروح يكمل الاجراءات ويسوولهه العمليه بسرعه لان بعدهه بالربط لهسه يعني حتى لو ولاده طبيعيه لازم يرفعون الربط ولازم تتبنج جاي تفهمني

واثق ـ صعبه العمليه فتون شلون لو ما اتحملت

فاتنه ـ لا تتحمل بعون الله هسه يله سوي الطبله بسرعه

نائل ـ يعني تخليهه تموت احسن

واثق ـ شلووووون انته شجاي تحجي شنو تموت

فاتنه ـ اهدأ عمو فدوه منا مستشفى ما قصده شي نائل صدگني ونائل يحجي ومدنك

نائل ـ لا قصدي كلش واضح الدكتوره جاي تگلك ما تصيرلهه الولاده الطبيعيه وانته معاند شيسموهه هاي گلي فهمني اني ما افتهم فهمني بله

رفعت راسي اذا انته ما رايدهه اني رايدهه ومشتريهه رايح اسويلهه الطبله حتى يحولوهه بسرعه

واثق ـ لك ابن الكلب شنوووو ماااا رايدهه شتخربط انته بگد زري جاي تعلمنيييي شسويييي

فاتنه ـ صرت اهدي بعمو اللي صار نار ونائل كلماته استفزازيه گبل عمو رفع ايده يريد يضرب نائل وگفت گدامه لا عمو لا بداعتي لا

الله يخليك لخاطر عمه لا تتعاركون انتم اثنينكم تحبوهه واثنينكم يهمكم امرهه خلينه نمشي بكلام الدكتوره هيه اعرف والله

لو ما بيهه مصلحة عمه ما جان راح تگول هيج عمه كلش تعبانه وانتم جاي تتعاركون هنا صدك عود انطوني المستمسكات بسرعه يله

لا انته ولا انته تسوون شي اني اسوي كلشي اخذتهن من عمو ومجاهد يمشي وياي يعرف شنو لازم نسوي

صرنه نروح من مكان لمكان لما خلصت كلشي وصلت يم عمو گلت وقع هنا اذا صدك تهمك حياتهه

واثق ـ ماشي جيبي

فاتنه ـ وقع واخذت كلشي ودخلت يمهه شفتهه منتهيه من الوجع وتكابر على نفسهه سلمت كلشي من تقارير وكلشي للدكتوره