ادمنت حدة عينيه

بارت 46

بعدني شما عثر بيه الزمان اقوى

وبعدني شما عثرت بناس

اگول وجوهم تسوى

ويجرحوني وارد اشتاگ

وادري الصوج بيهم بس گلت فدوه

****************************

فاتنه ـ ارووووح والله اروح واخليك بحسرتي اخليك تشوفني گدامك وما تلوحني وتشوف دخلت گبل للغرفه حضنت مخدتي واصرخ بيهه

اريد اطلع اللي بداخلي حسيته من حضني دفعته ما وخر شگد ردت اوخره ماكو

التفتت عليه شفته ناگع بدمه خشمه ينزف حيل مددته نائل نائل افتح عينك فدوه نائل

نائل ـ خلي ابوي واخواني يجوني فتون گوه اجر الحجايه جر

فاتنه ـ اي هسه هسه جنت لابسه تراك ركضت لبيت عمو واثق ادك الباب بهستيريه نسيت شلون افتحه انفتح الباب زيد تعال فدوه لا يموت خشمه ينزف الحگلي زيد

زيد ـ شبيييه نائل

فاتنه ـ ما ادري ما ادري وين ابوك دخلت صحت عموووو الحك نائل فدوه اجاني يركض

واثق ـ شكو شبيه بويه

فاتنه ـ الحگه فدوه خشمه يجري دم بسرعه فدوه لا يموت لا يموووت

اخذوا نائل واني بقيت بالبيت ويه فضل اجت امي وبيبي وام نائل وعمه سماهر واني على بجيه وحده

ما اگدر احجي محد يفتهمني گلت مات والله مات ما اسامح نفسي ابد والله

اجت نبأ حضنتني وتبجي وياي ود وياهه وسباوي محد يفتهمني محد

گلت نبأ اتصلي شوفيهم فدوه گوه افتهمتني رد عليهه عمر وجهه انخطف لونه گلت مات مو مات كله مني كله مني مات ماااات

نبأ ـ لا اسم الله عمر يگول زين اهدي شوي

فاتنه ـ ما اهدأ ما اهدأ لميت رجلي وحضنت روحي لا تعوفني ميخالف قابله بعذابك قابله بعقابك بس لا تعوفني

وين يله اجه عمو يريدله ملابس وگفت يمه عمو شبيه فدوه احجيلي شبيه

واثق ـ ما بيه شي بابا ضغطه معلگ كلش وحتى من نازف خشمه ما ساعفه ضاربته جلطه

فاتنه ـ شهگت لا فدوه لا اخذني اله عمو فدوه اخذني اله

واثق ـ وين اخذج وين واحنه محتارين بيه طاك عنده وريد ما ادري شنو يردون يوگفون النزف وييييننن اخذج انتي مخبلههههه

فاتنه ـ يحجي ويصيح گتله اييييي مخبله لبست سريع يله اخذني وياك وهاي ملابسه امشينه

واثق ـ ما تروحين فتون

فاتنه ـ اروووح والله اروح مشيت گدامه وهو يستغفر طلعنه للمستشفى بقيت وياهم لما طلع الدكتور وگال سيطروا عليه وهسه زين