ادمنت حدة عينيه

بارت 10

الينام وبيه وجع يتگلب هواي

بحيث تضوج من عنده المخده

وتجي الحسبات اشبه بالمراجيح

هايه التاخذه وذيج الترده

**********************************

فاتنه ـ ما صار شي عمه عادي لا تعتذرين فدوه وبعدين حتى لو صار هذا قدر عادي اني ما اريد مشاكل ما احب المشاكل

تربيت ببيت هدوء لان من بداية عمري صحتي على گدي ومن ابوي شاف امي حامل وتعبانه باختي اخذني جدو يمه رباني وكبرني

ما ردت انطي بسناء مهما يكون تبقى اخت وگلبهه محترگ على اخوهه حتى لو ما الي ذنب

بس عمه اكو عقل واحد يفرق بيه بين الصح والغلط بس مع الاسف سناء ما گدرت تفرق

ام نائل ـ اي والله يوم وانتي من ما انطيتي بيهه گدامهم لو شفتيهه شلون صارت والله تندمت بس ود ما سكتت

فاتنه ـ ود هادئه ما توقعت منهه تحجي رغم هيه شافتهه من لازمتني اشرتلهه تروح ما تبقى ما اريد تتأثر نفسيتهه وهيه بهذا العمر

اشوف بيهه اختي سباوي جريت حسره نزلت دمعتي عمه فدوه خلي ينطيني تلفونه بس اسمع صوتهم ما اريد شي ثاني

نائل ـ مو هسه بعدين

ام نائل ـ يوم بس شوي خلي يتطمن گلبهه يا حبيبي

نائل ـ لا وخزرتهه دنگت راسهه يوم من رخصتج تعالي وياي شوي اخذت امي وطلعنه برا

يوم ترا والله اطلع من البيت اذا سناء بقت واني حالف وتدرين بيه اذا حلفت بعد هاي هيه

ام نائل ـ بس نائل

نائل ـ يوم لا بس ولا شي اليوم حرگتهه بمرگه باجر شلون تگبب عليهه الطباخ فهميني

اني احجي عربي لو غير لغه غريبه عليكم گليلي جاي احجي من جبناهه لليوم احجي واگول يا بشر هيج وهيج غير يفتهمن

ام نائل ـ ترا المشاكل مو هيج تنحل اكو عقل هسه هيه لو شايفهه شلون تحجي والله عقلهه اكبر من عقلك

نائل ـ اعرف ما قبلت تنطي بيهه لان اذا گالت كلمه اول واحد يأذيهه مرتضى ترا لا عبالج ساكت من قبل كم يوم ضاربهه على ابو ملابسي وين

ام نائل ـ يمه من شوكت هيج مسوي

نائل ـ بيوم اللي انتي تصلين وگلتي ما ادري سهى شايفته واجتني تبجي عليهه تگلي راحت روحهه من قوة الضربه

ام نائل ـ والله ما ادري شلون يمد ايده الله لا ينطيه هو ابوك حجه وياهم كلهم بس وين اللي يسمع ويفتهم

نائل ـ يوم ترا لا عبالج محترگ گلبهم على نوار الله يرحمه جذابين وروح ابوج ما جانوا يگومونه بكتله ويگعدونه بكتله