« ហឹស៎! »ជីមីនដើរមកហុចដបស្រាមួយដបឲទៅជុងហ្គុកដែលកំពុងអង្គុយលើដំបូលផ្ទះមើលមេឃមើលផ្កាយដែលរះសច្ចាត ។
« អរគុណ »ជុងហ្គុកទទួលដបស្រាយកមកអកក្អឹកៗហាក់ដូចជាទឹកធម្មតាយ៉ាងអញ្ចឹង ។
« មិចក៏សុខៗសម្រេចចិត្តឈប់ភ្លាមៗបែបនេះ? ការងារគឺពិបាករកណាស់ណា »ជីមីនលាន់មាត់
« ហឹស៎! រឿងដល់ដំណាក់កាលនោះហើយខ្ញុំមិនធ្វើថោកសុំទោសដើម្បីតែការងារគ្មានតម្លៃមួយនោះទេ »ជុងហ្គុកនិយាយបណ្ដើរលើកស្រាអកបណ្ដើរ ។
« មកពីខ្ញុំដែលធ្វើឲលោកទៅជាបែបនេះ! ខ្ញុំគឺជាផ្កាយនាំគ្រោះឲលោកពិតមែនលោកត្រូវបាត់បង់ការងារដល់ទៅពីរកន្លែងព្រោះតែខ្ញុំ »ជីមីននិយាយទាំងមានអារម្មណ៍ថាខុស ។
« ហឹស៎! តែខ្ញុំថាអត់ទេ...»លឺជុងហ្គុកឆ្លើយដូច្នេះធ្វើឲជីមីនរហ័សងាកទៅសម្លឹងមុខគេភ្លឹកៗ ។
« មិចក៏ថាអត់? »ជីមីនសួរទាំងការចង់ដឹងពីចម្លើយច្បាស់លាស់របស់រាងក្រាស់ ។
« ហឹស៎! មិនដឹងទេ »ជុងហ្គុកញាក់ស្មាហើយសើចដើមកបន្ដិចហើយរួចផឹកបន្ដធ្វើឲជីមីនដែលចាំចម្លើយខក ។
កន្លងផុតទៅកន្លះម៉ោងជុងហ្គុកលើកអកស្រាជិតពីរយួរទៅហើយខណះពេលនេះនាយក៏រាងធីងធោងដូចគ្នា ។
« ខ្ញុំថាលោកស្រវឹងហើយ! ចូលទៅក្នុងផ្ទះសម្រាកទៅ »ជីមីនលាន់មាត់ក្រោយឃើញសភាពជុងហ្គុកចំណែកជីមីនគេមិនសូវស្រវឹងទេព្រោះផឹកកំដររាងក្រាស់តិចៗប៉ុណ្ណោះ ។
« ជីមីន! » សុខជុងហ្គុកក៏លាន់ហៅឈ្មោះជីមីនទាំងសម្លេងងុលៗបែបមនុស្សស្រវឹង ។
« ហឹស៎? »ជីមីន
« មុននេះខ្ញុំឆ្លើយថាមិនដឹងប៉ុន្ដែពេលនេះខ្ញុំដឹងចម្លើយហើយ! »សុខនាយក៏រំលឹករឿងដែលនិយាយគ្នាមុននេះ ។
« អញ្ចឹងប្រាប់ខ្ញុំផងបានទេ? »ជីមីន
« និយាយដោយស្មោះត្រង់ចុះតាំងពីមានវត្តមានរបស់ជីមីនចូលមកខ្ញុំចាប់ផ្ដើមមានអារម្មណ៍ថាពិភពដែលខ្ញុំរស់នៅគឺលែងសោះកក្រោះឬឯកាទៀតហើយ....ជីមីនប្រៀបដូចជាពន្លឺមួយដែលបំភ្លឺដល់ខ្ញុំដែលកំពុងស្ថិតក្នុងភាពងងឹតយ៉ាងអញ្ចឹងខ្ញុំមិនដឹងទេព្រោះរាល់ពេលដែលខ្ញុំនៅជិតជីមីនធ្វើឲខ្ញុំមានអារម្មណ៍រំភើបលាយភាពរីករាយតើមកពីខ្ញុំចាប់ផ្ដើមស្រលាញ់ជីមីនហើយមែនទេ? »ត្បិតតែជុងហ្គុកស្រវឹងប៉ុន្ដែសម្ដីរបស់នាយនិយាយមកហាក់ចេញចិត្តពីចិត្តពិតៗហើយក៏ធ្វើឲជីមីនចាប់ផ្ដើមរលីងរលោងចង់យំដូចគ្នាព្រោះតែរំភើបពេកនិងពាក្យសម្ដីមិញនេះ ។
YOU ARE READING
Hold me tight if you can
Romanceស្នេហាដែលខុសវណ្ណះនិងខុសធម្មជាតិពិតជាពិបាកខ្លាំងណាស់ក៏ប៉ុន្ដែដោយសារតែអំណាចស្នេហ៍រវាងមនុស្សពីរនាក់វាពិតជាធំធេងជំនះរាល់រនាំងឧបសគ្គដែលមានចំពោះពួកគេ
