Checkmate, Mr. Great!

prologue.

INEZ.

That's not a maarte term for 'inis'. Or because I'm a hot-headed person. It's my name!

I'm Solea Finez Selencio. A graduating psychology student na malas sa lahat. At hindi favorite ng mundo.

"Ano girl may nahanap ka ng clinic?" naawang tanong ni Ingrid

"Wala pa nga eh," usal ko sa'king kaibigan bilang pagtugon sa kaniyang mukhang hindi maipinta. Kasalukuyan kaming kumakain ng pares sa karinderya sa labas ng unibersidad kung saan kami pumapasok.

"Paano 'yan?" problemadong tanong ni Ingrid "Aalis na kami ni Dwayne sa martes. Kung pwede lang kitang isingit sa listahan ginawa ko na, e."

Biglang sumama sa usapan naming ang aming lalaking kaibigan na si Dwayne. Isiningit niya ang kanyang mangkok at plato sa pagitan naming ni Ingrid. "May bad at good news ako sayo, kaibigan!" nakakawiling sabi ni Dwayne.

"Ano naman 'yon?" kunot noo ko siyang tinignan.

"Bad news o good news," tanong pa niya.

"Kahit ano! Sasabihin mo naman din!" iritang sabi ko.

"Bad news, alaws talaga ayaw talaga pumayag ng head master na isingit ka. Bakit kasi noong araw pa na'yon ka umabsent."

"Whatever! Eh, sa nilagnat ako." I rolled my eyes.

"Huwag ka masyadong magalit, Inez. Na-predict talaga siguro ng mga magulang mo 'yang ugali mo kaya ganyan pinangalan sa'yo. So ayun na nga, may good news naman ako para sa'yo." May inilabas siyang papel mula sa dala-dala niyang bag at ipinakita sa'kin ito.

Kinuha ko naman ang nakabalandarang papel at binasa ang mga nilalaman nito. Pangalan ng clinic, doctor, address at contact number.

'My Clinic is open for interns. But strictly no boyfriend allowed.'

Nagkatitigan kami ni Ingrid nang mabasa ang naka italic na mga kataga doon.

Kailangan ba talaga niya sabihin 'yun? As If naman may mag chuchukchakan sa clinic niya. But it's possible, I guess?

"Graduation o love life?" Tila host sa game show na tinatanong ako ni Ingrid. Sinamahan niya pa ng pagtutok sa'kin ng kutsara ko na animo'y mikropono.

"Hell yeah, Graduation!" pasigaw na sagot ko at kinuha ang kutsara ko

"Tama 'yan bestfriend graduation muna bago lovelife. Willing to wait naman ako eh," singit ni Dwayne at inilapit pa ang mukha saakin,

"Kwento mo sa fb friends mong parang all-girls school. Hayop ka!" sabi ko sabay irap.

✿ ✿ ✿

Pumarada na ang sinasakyan kong taxi sa harap ng isang mala-palasyo pero nakakatakot na mansyon. Napatingala ako sa laki, lawak at kakaiba nitong hitsura.

For a while, I thought I was a princess that was about to enter a castle. Whoever's living inside the palace-like mansion is surely a prince charming.

Naglakad ako patungo sa harap ng isang malaking gate na may karatulang nakapaskil:

The Doctor is in.

Tila dinala ako ng mga paa ko sa isang malaking pintuan. Nang biglang bumukas ang pintuan ay kinabahan ako. Nakakatakot kung titignan ang lugar.

"Clinic ba 'to?" tanong ko sa sarili. Baka mali lang ang napasukan ko. Nang akmang palabas na ako ng main door ay napasinghap ako nang makaramdam ng mainit na kamay na dumapo sa aking balikat.