كفاك ظلماً

البارت الثامن

البارت الثامن

.....

قوارير نحن ، قلوبنا رقيقة لا تحمل الأذى ..! 🤍

.....

البارت طويل وعيوني قفلن مبيه حيل اصحح.. اعذروني گايز

.....
روح..

من شفت وجوهن محسيت براحه ماعرف ليش
المره اتذكر شايفتهه بس وين
تذكرت شفتهه اول متزوجت جانت عزيمه وهي حاضره بس ماعرف منو بالضبط

رحت لبيت عمه علياء واني خايفه لا يطلعن سحارات لو جايات يسون شي هي والحيه ساره

طلعتلي لازمه ادم شكوو
كتلهاا الي صار باوعتلي  بشك وكالت.. ولج منو غير افهم شنو مواصفاتها

كتلها.. ماعرف ماانتبهت بس وجهه مابيه ذره رحمه وانسانيه مبينه خبيثه

هي لبست عبايتهه ورحنا جانت واكفه المره بالطرمه تسولف ويا ساره شافتنا گطعت السوالف وباوعت الي وكالت.. يمه منج يالمشوهه شبسرعه رحتي صحتيهه

علياء.. شتردين منهه زين صاحتلي اريد اعرف الناس التدخل بيت اخوي شرايده ليش جيتي

جهينه... هيج تحجين ويا امج صدك متستحين وماعندج اخلاق تالي عمري انهان من بنتي، امده البطن الشالتج
لو مخلفه جلب ولا جايبتج

علياء.. شتردين ليش جيتي دورين مشاكل ترى معايزين

جهينه.. اجيت اشوف ساره لو حتى هي تريدون تحرموني منهه مثل ما حرمتوا ابني من ابنه

علياء.. كولي الصراحه جيتي تسوين مشكله موو يمه،،

جهينه.. أنت صدك متستحين طبعاً اذا عايشه يم أحمد شلون تكون اخلاقج

علياء.. استغفر الله روحي منا يمه لايجي ويشوفج

هي وكفت مقابيلنه اني  وخاله باوعتلي وكالت.. يا سبحان الله عبالج منال نفس الخلقه وهم عايبه مثلهه
الحمد الله تلوكين لابنهه نفس القذاره ثنينكم

اني باوعتلها بحقد ردت اجاوبها بس سكتت اريد اشوف رد علياء عليهه اذا مردت عود ذاك الوكت اني امد لساني

علياء.. عيب عليج أنت مره جبيره استحي وبطلي سوالفج ارد اعرف بشنو اذاج هو ولده ليش هلكد حاقده ترى الدنيا متسوى

جهينه.. اكرهه واكره امه ولده ومرته وكلشي يخصه نسيتي شلون كتل اخوج نستي ولج لا نوب عايشه يمه

علياء.. اي عايشه وياه ومرتاحه اخويه واحبه ميخصج روحي منا فدوه

جانت تحجي بتوسل علمود تطلع وهي لاطشه نوب جلبت بيه تصيحلي منال تشبهين منال ومثلهه اني ساكته كوه

دخل عمر باوعلهه وكال.. هاي شجابج

هي جاوبته بقرف... هلا بـ ابن منال