كفاك ظلماً

البارت ١٧(الجزء٢)

كفاك ظلماً

#البارت السـابع عشـر

روح ٠٠٠

..........

- لا تبرر رغباتك لأحد ، ولا تحاول أن تصحح فكرتهم عنك.، لأن لا أحد مر بتفاصيل قصتك.

- وودي آلن 📚.

..........

ماعرف الأنسان شلون اله نفس ياذي غيره وينغص عليه حياته..
اني زمن عادي من تحقر وياي لأن من الأساس اني متجاهلتهه وميته قهر مني

بس نورهان كانت صديقتها شلون كدرت تسوي هيج شنو من ضمير عدها؟ 
ولو هي اخت فرقد شنو اترجى منها مثلا !!

طلع محمد وهو مبتسم من شاف نورهان راحت ابتسامته وكانما شاف ملك الموت جاي حتى يقبض روحه  !

ابعد زمن بأيده ويريد يتكلم ويبرر بس حقارته مناعته ولسانه بايعه وميكدر يحجي .  .

ضربته نورهان بصدره وهي تكول
_ حقير اني حبيتك فضلتك على أهلي وانتحرت حتى اصير الك وتالي تخوني

_ بس سمعيني

_شنو اسمع شنوو، خدامة صرت لاهلك وتالي تخوني ويا منو؟ ويا هاي ال*

_ لا تمسلتين دخلي خلي افهمج ترى مخاينج زمن زوجتي ..

حجاها عباله هي تهدأ بس هي تخبلت اكثر وصارت تصرخ وعمر صافن حتى ميرمش لحد ما اني تدخلت وحجيت

_ عار زباله شلون الك نفس وهيج تخدع اختي وتسوي نفسك شريف وانت أسقط خلق الله نوب متزوج منو عاب هذوق ياريت لو شريفة لو حلوه..

زمن  _ أحلى منج لتحاولين متكدرين تطلعيني صفر

روح  _ ترحيلي فدوه  يا قذره على الأقل اني بشر مو چلبه مثلج تركضين ورا الزلم
اقصد ورا العارات امثالج

محمد _أنتي  انجبي ولي

حجاها ودفعني هنا عمر تدخل ولزم ايده وضل يضرب بيها على الحايط ، حضنت نورهان وجسمي كله يرجف

زمن تفشر وتضرب بعمر  !  الحقيرة شكد شفت انذال مثلهه مشفت

لزمتهه من شعرهه من فوك الشال ودفعتها للشقة هي اطول مني واضخم مني تقربت رفعت رجلي ودفرتهه وكعتهه سرعان ما طامت مثل الحيه ضربتني على صدري

وكعت وشفت ملابس الحقير ذابهن بالكاع وبيهن حزام طبكته ونزلت بيهه ضرب بس هي مثل الزمال متحس

سمعت صوت صرخه وعمر صرخ باسم اختي شمرت الحزام ورحت افتح الباب محسيت الا ومزهريه نضربت براسي..

هي منكسرت بس نضربت بقوه حسيت اسفل راسي ورقبتي بعد ما كدر امشي

التفتت عليهه الحقيره شمرت المزهريه وتقربت تريد تضربني لكن الباب نفتح وعمر سحبني ولزم راسي وكال
_شبيج؟؟