كفاك ظلماً

بارت 29

#كفاك ظلماً
#البارت التاسع والعشرون
#طيف عامر

#تطمئنك بحنانها الدائم ، هي نفسها التي يسكنها خوف قديم ..💔..

روح ....

استقبال مهيب متوقعت هيج عائلتة راح يهتمون كلت أكيد متعودين عمر يسافر هواي بس اني اول مره وجايه من رحلة علاج اكيد راح يكون اسقبال عادي..

ليش عادي؟؟ لان عمو مو هلكد يحبني هو الله يحفظه يكره النسوان وميحب الغرباء يعني سوي يتحسس بسبب المرحومه مرته ام عمر...

صار شوي يكره النسوان ولو مو شوي هواي واني كلش اخاف منه احسه من احجي ومن امشي يضل يركز بيه يخاف لا اطلع مثلها واغدر ابنه...

وهو هم حقه اذا خالي كل شويه وجاي يتهدد مثل الطلي وامي تريدني ما اغلط علي بس ماكدر الزم نفسي منه ..

. دخلت واني احس بهيبه وفخر الهم وخصوصا من شفت مجموعه نسويه باستقبالنه خلف الباب...

اني ام وامومتي جانت سائده وحاكمتني من شفت ابني واني. بتعدت عنه اشهر وقبلهه اخذه مني حيل شتاقيتله ركضت وسحبته يدون ما انتبه منو كان حاملـه..

دائماً تتفسر تصرفاتي حسب ما هم يعجبهم وحسب ما هم شافوا وسمعوه
هالمره النسوان كلهن كامن يتبسبسن..

واني والله من تذكرت رأسا رحت لخالتي وباوستهه وحضنتني عمه علياء وزينه ودارين على صفحه حضنتهن ثنينهن واني اصيح ولجن ابني خنكتنه...

ابتعدن عني واني امشي ودموعي تنزل الى ان التفتت عليه رفل وكالت.. روح عينج تخوف روحي نامي لا يصير بيج شي...

بالفعل نمت بغرفه خالة هناء فرشت بالگاع ونومت ايمن الوكح الي كلهه تشبهه بيه..

بس هالوكح من حضنته ونومته ما قبل وماقبل بيه اني جنت تعبانه دزيته لعلياء وتمددت..

حسيت على ادين ناعمه تمسح على وجهي حضنته واني ابجي حبيبي يعمري مشتاقتلك ادمي ..

حضني هو باديه الناعمات واني اغمض حيل بلكي يخف الوجع...

هو عبالك يحس ويعرف.. كال اووا

هزيت راسي.. اي حبيبي اووا خلي انام وانت تعال يمي...

خطيه نام بصفي واني نمت وسحبته لحضني ونمت بطمأنان...

فزيت على صوت عمي يريد ملابس وخالتي تحضرله وهو يكوللهه مو هذا شبيج هناء!!

هي جاوبته بحده... تعبتني شتريد كلشي اطلعه ميعجبك..

هو عصب من نبرت صوتها صاح عليهه.. انجبي وطلعي ملابس بيها خير..

شلت البطانيه شويه باوعتلهم هي شمرت القميص بلگاع ونترت بوجهه.. بدال متحجي وتهين بيه تعال انت طبع ملابسك مو خدامه اني...