كفاك ظلماً
البارت السابع عشر
،،،
،،، طيف عامر ،،،
،،،
ـــ رحت بس انا ماراضيلك تروح
ضعف موقف وگفتك ردت احسمه
حرت من وادعتني اتشاهد اشتاك
بحروف الموادع جانت ازمه
باديك الخاليات شماخذ وياك
بس هذا ببعدك ردت افهمه...
(عُـمر💔روح)
.
.
.
((السلام عليكم
اخواني اتمنى ما تضوجون او تعصبون من اذكر مشاهد ناس تحجي ع شيعه وبالعكس
اتمنى متكون طائفيه او تحملون بقلوبكم
بس هذا واقع الكلام الي ينكال
والي ناتج من حقد دفين
من سنوات ويخص القصة فقط ويخص كم شخصيه راح اذكرهه))
..
نورهان...
ندك الباب ودخل خالو كامل هو ساكن بالكوت وجاي علمود عشيره ماعرف شنو
امي طلعتله سلمت عليه وكعدت تسأل ونوب اجت رزلتنه ودخلنه سلمنه يله هدءت
كعدت يمه وهو كال... خالي بعدج درسين لو شني
اني دنكت وكتله اي خالي قبل فتره كملت إمتحانات
امي دخلت وهي تكله.. طلعت باربعه راح تمتحن دور ثاني
هو باوعلي وكال.. كل اخواتج شاطرت چا أنت عليمن طالعه
دنكت ومجاوبته رجع كمل
ـ هسه اختج الي تزوجت هذاك جانت اشطر وحده بالعايله بس من تزوجت مخلاها تكمل
امي جاوبته لا هو يقبل بس هي من حبلت منعهه لان مريضه تعرف انت
هز راسه ساكت ونوب رجع كال لماما.. هم تخابريها
أسراء.. اي اتصل عليها واسال كلش زينه هي ومرتاحة
كامل... ها خوش چاا
رفع راسه وكانما حسبه باله
بعدهه تغده واصر الا يروح
امي كالت.. سوده عليه يا يمه ضلت حسره بگلبي اشوفهه واسمع اخبارهه
شويه ودخلو الولد صادق وعادل باوع عادل لامي وكاللهاا.. كعدي امجد
هي هزت راسهه وصاحت عليه من يم الدرج بس ميسمع راحت فرح مرت صادق دكت الباب عليه
اجه يفرك بعيونه عادل كله.. غسل وتعال راح يجي عمي ويريدنه
هو مكال شي غسل وجهه ومرته حضرتله ريوك وكعدوا بالاستقبال
وامي تفرك بايدهه تكول خاف عركه صايره ومايكولون
شويه وندك الباب رحت افتح الباب وصاح عليه امجد
دخل عمو وراه روح ضلينه صافنين هو اشرلهه تدخل وسلم ودخل وسط استفهام كبير
دخلت هي كعدت بالاستقبال بدون متسلم علينه
روح
... اخذني عمو الطريق كله يسال عن عمو وعلى عمر وشغلهم ضليت اجاوبه باختصار
أنت تقرأ
كفاك ظلماً
Mystery / Thrillerكفاك ظلماً (الامرأة المتمردة) أكتب إليك فلا أحدٍ حولي سيفهم ما بداخلي.. أنا إمرأة بسيطة للكثير من الهموم تحتوي.. فرحي قليل حزني كثير شربت من الحياة ولم أرتوي من حولي لا يفهمني أحدثهم ولا أحد منهم يسمعني وكأن الحظ يعاندني والوجع يصاحبني.. وصدقًا أغ...
