ثانوية الحب ⛄الاستاذ والمزنزنة 2☃️مكتملة☃️

الجزء 59 ☃️

💛ثانوية الحب💛
🍒الجزء 59🍒
⛄ منال برنيش⛄
أحلام:ساطا مااالك من الصباح ونت تتبكي مااالك
كاميليا عينيها فالارض:والو صافي اصاحبتي
أحلام:شافك مول الماط؟؟
كاميليا تنهدات:ااه
أحلام:ميمشيش يقول لباباك؟
كاميليا:معرفتش ضبر راسو
أنور نغزها ومد ليها وقالها تعطيه ليها خداتو وضارت عندها:كاميليا عندي شنو غادي يريحك ويخليك تنسااي
كاميليا شافت فيها:شنوو؟
احلام مداتو ليها نيشان يربحة يا ذبحة:شدي نساااي هاد الليلة لينا حنا بااش نخرجو ونتنفسو شديي رتااحي وديري لفرااسك حيت حيااتك هادي ونت حرة فيهاا
كاميليا تتشوف فدااكشي لمدات ليها وبكلاامها نيت جاتها على الكانة وطاحت ليها على الضبرة خداتو من عندها وتنهدات ورجعات تكات على لفوطوي وهما حاضينها باغينها غير امتى ديرو فمها هزات راسها تتقلب بعينيها مباانش ليها عاود شافت فداكشي لعطاتها تحنات هزات بريكة وناضت تماات غادية لحمام غير فاتتهم كل واحد ضرب فيد لاخر عالنين على انتصاارهم ضحية جديدة يجروها معاهم كيف تجرو هما لطريق البلية والهم الكحل وطريق الخسران
أحلام مدات ليه يديها:دابا شوية غتجي مبوقة عطيني علاش تافقنا
أنور ضرب يدو فجيبو وجبد ساشية صغيرة ومدها ليها:واخا باقي مضمنتهاش ولكن راه نترة وحدة تجيب لكااو
خداتها وهي كضحك وتتشوف غديك الساشية بالنسبة ليها راااه لحيااااة والطاااقة
غادية بشوية خطواتها تقال الجوان والبريكة فديها بغات غدخل لطواليط وتكميه يلاه غادي ضور مع الضورة وهي تجر كانت غتغوت ولكن تسد ليها فمها لصقها مع لحيط غير شافتو خرجات عينيها وبغات دفعوو
محمد:طلعتيي مسااااهلااش
دفعاااتو حتى حيد يديه على فمها تتهضر وتتلهت خلعها:اشبغيتي لاش تابعني حيد
بغات دفعو وتزيد وهو يشدها من يديها مورك عليها:اشكديري هنااا وبهاااد الحالة(طلع ونزل فيها)ومع دوك لكمامر لهاااد الدرجة راسك عندك رخيص
كاميليا تفركعااات عليه:ونت مااالك سوقك ندير لبغيييت وحياااتي هااادي وبعدووو منييي والناااس وبعدوووو منيييي شفتي قلب عليا غير نت وغنكون بيخير
محمد ضرب فلحيييط:كنت داير بوجه باااك وكنت تنقول باقة صغيرة معندهاش لعقل ولكن راااه انا لمكلخ على هااد لفعاايل علام الله شنو قايلة لداااركم باش جاية هناا
قرب ليها وهو حاااقد وهضر وعينيه فعينيها:وشكون عرف شكديري من ورا ضهرهم
بدات تتنفس بالجهد صدرها تطلع وينزل عصبها فهاد اللحظة ولعب ليها على اعصااابها هضرات وهي كلها معصبة وتترعد:مااااشي سوووقك هما مكحملونيييش دااااكشي علاش انا ضدد فيهم تندييير لبغيييييت ونت اصلاااااا اشدخلك فهاد الشي شنو مشى ليييييك باش تحااسبني بعد منيييي كنكرهك كنكررهكم كااااامليييين تفووووو
دارت يديها على راسها وبدات تتنكر وتغوت هو كعما داااها فيها مشى نيشان ليديها بغا ينتر لها داكشي لهااازة ولكن هي حيدااتها:بعد منييي
محمد زاد قرب:اري لهنا
كاميليا بدات تتطريطا عليه:ماشي سوقك هادشي ديالي
هنا شد ليها يديها ولواها ليها دارها لها ورا ضهرها حتى غوتااااات وطلقاات بخاطرها