ثانوية الحب ⛄الاستاذ والمزنزنة 2☃️مكتملة☃️

الجزء 130 ☃️

💛ثانوية الحب💛
🍒الجزء 130🍒
⛄ منال برنيش⛄
سكتات وبلعات ريقها وهي حابسة لبكية دوات بصوت نيت غالبة عليه نبرة البكاء منزلة راسها:كيف ديما كعتقني من المصايب ديما كنلقااه فجنبي ولكن دابا مشى عليا هئ هئ
هزات راسها للسقف وعينيها دامعين تتجمع النفس وجسدها كامل كتهز بالشهقات
فدوى شدات فيها:ياك قلتي قاليك راهم تحيدو صافي راه هو معااك
كاميليا حركات راسها بلا:مبقاش كيف كان مبقى كبغي حتى يشوف فوجهي تبدل ولا قااصح بزاف وهو لكنت فوقما كنعنقو كنحس بلي هو لكاااين عندي بلي راه كبغينيي وهو قالي مغنخليكش وهاهو دابا ضرب عليا
نرجس:كن كان هكاك راه كعما يهضر معااك كاااع ينسااك بحال مكايناش ولكن اكاميليا هو راه معاك اه مزال معاك واخا مكتهضروش مدام عاود جبد معاك موضوع التصاور وبلي راه تحيدو إذن فراك فبالو
كاميليا بتاسمات شوية ودموعها فعينيها:قالي سيري تنعسي تتباني لي مريضة هه
فدوى:شفتي هانتوما فالطوب دالمشاكيل مع ذلك هاز لك الهم وكفكر لك فمصلااحتك واخا مخاصمين معرفنا شنو داار باش طاح على احلام مهم حيدهم رااه باين وواضح اكاميليا مناسيكش
كاميليا:ولكن علاش مكدويش معايا مين تتقولو هادشي
نرجس:نت زعما جاوك التصاور عاديين ياك
كاميليا:درت ماكثر ومدارليش هاد الحالة
فدوى:الغيرة هاديك اكاميليا البلانات لعاودتي ليا كان لقاك خارجة فالليل لقاك ضاربة لمراون لقاك شادة كارو وخاصم عليك حيت كنت بوحدك ولا معاك الخانزة داحلام ولكن هادو راه تصاور راه شادك فيهم وااحد كقيص فيك راه ميرضااش ميبغيش
نرجس:قدما كنبغيو قدما نقدرو نكرهو اكاميليا الا شفنا لكنبغيو مع شي حد آخر اصعب حاجة هي الغيييرة
كاميليا شافت فيهم ودوات بالشوية ومقهورة:واش غادي يولي يكرهني
فدوى:راه قلت لك كن كرهك راه ميمشيش معرت شنو يدير باش يحيدهم كن رااه خلاك وزااد كن راك من اول بلان طلعتي ليه فمخو وسااسك
كاميليا رجعات شعرها اللور ويديها على راسها ووجها حزين:ندير اي حاجة غير باش ميبقاش هكا منبقى ندير حتى حاجة خايبة لتضرو من جيهتي غير نرجعو
نرجس:هضري معاه شرحي لييه بلي راه هداك شدك بالسيف عليك
كاميليا:مبغاش يسمع ليا مبغااش شحال من مرة حااولت ولكن والو عرفتو راه مبقاش هداك لتنعرف
فدوى:راه صعيييبة عليه اكاميليا دابا كن شفتيه هو مع شي وحدة بحال هاد لبوزيسيو لنت مع هاد خونا باش غتحسي
سكتات وهي تتفكر بصح صعييبة متقدرش تصبر محسااك هو تنهدات وسكات وهي مربعة يديها وجامعة رجليها عندها قربو عندها وعنقها بزوجات كصبرووها عارفينها تتعاني وبصح الحب صعيييب وبزااف وحتى هما لاحظو تصرفااتو معاها اهتمامو بيه وهادي اخيب حاجة يكون شي حد معاك تتحس بيه كسانك فجنبك ومهتم بيك نهار كمشي بلاصتو تتبقى قدااش بحال لوقع معاها خلا فراغ كبيير فقلبهااا
فدوى:كاميليا واش هو قال ليك شنو كحس من جيهتك ولا عرفتيها من تصرفاتو وافعالو معاك
هنا تفكرات نهار لقاها تتكمي وشنو دار وشنو قالها هداك الموقف ولمعمرو يتنسا ليهااا حيت نهار عتارف ليها فيه نهار لفرحاات فيه قدااش نهار عرفات ان حبها عندها ليه دوا ودواها هو حبيبها ولكن الفرحة مكملاتش لتتعيش دابا كسر ديك الفرحة وقطع قلبها عاودات لهم شنو قالها حيت هي فاش عاودات لهم لبلان قالت لهم غنلقاها تتجرب الكارو وخاصم عليها اعترافو خلاتو لنفسها معاوداتوش ولكن دابا قالتو لهم
نرجس:ضريف بزاااف والله
فدوى:رجولة هاد السيد والله حتى بزاااف مكاينش بحالو
تنهدات ودوزات يديها على شعرها مبقا عندها متقول
نرجس:كلشي غيتصلح انشاءالله مدام كبغيك مغيطولش هو براسو ميقدرش يبقى بعيد عليك
فدوى:اه انشاءالله كلشي غيقاد وغترجعو كيف كنتو وحنا معاك
عاودو رجعو عنقوها كواسيوها فهاد المحنة لصابتها حاسين بيها بزوجات حيت بزوجات كحبو وعارفين الجرح لقلب صعييب
سدات الباب وهي مبتاسمة دايزة وسمعات هضرتها واخا مقدراتش تسمع مزيان الباب كان مردود وسمعات كنزة طالعة ولكن فهمات من لسمعات انهم مخاصمين وهو لمقاطعها فرحااات بزااف وتزادت فيها نغزة دوزات نمرتو وهي مبتاسمة تتسناه شحال يجاوب وااالو كصوني شي ربع ساعة ولكن مكجاوبش هنا جمعات الضحكة وقطعات
أميرة تتمتم:غير صبر الا مكنتي ليا انا راه منتسماش عمرها تفرح بيك