ثانوية الحب ⛄الاستاذ والمزنزنة 2☃️مكتملة☃️

الجزء 147 ☃️

💛ثانوية الحب💛
🍒الجزء 147🍒
⛄ منال برنيش⛄
كنزة:اويلييي هدا راه باينة مبقاش جااي
منير:مدام مزال معيطو لكم اذن رااه مكاين والو
ياسين:الا كان ناوي المعقول راه غيجي
دريس:هكلام الحق صافي متعاود غير الصلاة على النبي
كنزة:تشوشت والله نبقاو نوجدو البنت تعرف فاللخر ميجيش فين غنوليو
ياسين:نرجس مغتعرف غير جيو انا غنقولها لها صاافي غتهناي
آدم:الا مجاوش نضربو الدجاج حنا مالنا منستاهلوش
ياسين شدو من قرفادتو:زيد زيد
خديجة جرات كنزة:صافي اصاحبتي موقع والو ياسين عندو الحق الا كان باغيها نيت فراه غايجي مالو صافي غدابز مع خوها يدير بناقص راه غتزوج بيها هي ماشي بآدم
كنزة:اودي زيدي زيدي
كاميليا:وحليي اصاحبتي تماالك
نرجس:صافي اكاميليا قلبي عليا عفاااك بغيت نبقى بوحدييب صااافييي
كاميليا تنهدات:صافي لبغيتييي
مشات نزلات وهي بقات فبيتها كانت تتصوني ليه والو مكجاوبش سيفطات ليه ميسااج تتعتاذر فيه على لوقع وسيفطاتو جاها لوسواس انه ميبقاش يهضر معاه متقدرش واخا غير سوء تفاهم خاصها تشوفو وتعتاذر منو مهم غير ميتقلقش عاودات صوناات ليه هنا بلعات ريقها:احم الو استاذ لباس
عماد:وي نرجس
نرجس:إحم استاذ بغيت نهضر معاك بخصوص قبيلة
عماد:صافي انرجس نسيت انا قبيلة
نرجس:سمحلينا ااستاذ
عماد:من بعد انرجس ممساليش دابا بسلامة
نرجس تنهدات:بسلامة
قطع شافت فطيلي ورماتو وناضت تتبدل فحوايجها لبسات بيجامتها وتكات فناموسيتها محساتش حتى دموعها نزلو هضر معاها نااقص بزاف رجع كيف كان معاها وهي مدايرة والو متقدرش تستحمل هادشي ان ينخلها تاني وينخل حبها بقات تتبكي حتى داتها عينيها
اسماء:هادي جاتك فنة
عماد تشوف فالمراية:صافي
اسماء:مدابز مع خوها فالعشية غادي يخطبها واليديها غيجريو علينا هههههه
عماد كقاد الكرافاط:واخا يجريو عليا مهم نمشي
أسماء:ايوا سعداتها بيك
عماد قرب عندها وباس لها راسها:دعي معايا الوليدة
اسماء:الله يسهل عليك ياربي والا كان فيها الخير مرحبا بيها نحطوها فوق راسنا
عماد:امين
اسماء:انا غنمشي نوجد راسي انا وباااك
عماد:واخا
مشات وهو ضار ككمل القميجة للبسها يلوحها ويعاود يلبس وحدة اخرى مضارب غا مع جنابو خخخخ واخا داكشي لوقع وفكر ان واليديها يقدرو ميبغيوش ولكن يمشي يجرب حظو يشوف الزهر واش ايوقف معااه واخا فاش عيطات دوا معاها هكاك ولكن عارف راسو ايفاجأها وعارفها اتفرح مين تعرف وتشوفو
داز الوقت
ياسين دخل للكوزينة:صافي كلشي وااجد
كنزة:سالينا انا غنطلع لبس
خرجات من الكوزينة وطلعات لبيتها كانت فيه خديجة وفدوى وكاميليا كلبسو اكيد القفطان المغربي الاصيل لحاضر فجميع مناسبتنا التقليدية الزوينة وهو رمز المرأة المغربية واخا غير غيطلاقاو العائلات ولكن ضروري ميلبسو ويتقاادو
فدوى:انمشي لطواليط
خرجات هازة طرف من قفطانها فيديها نازلة وهي طلاقا معااه وقفات مقدراتش تزيد كان لابس فوقية كحلة تقليدية(متنعرفش نوصف اللباس التقليدي خخ غصبرو معايا) بقات تتشوف فيه معمرها شافتو لابس التقليدي ولكن جاه زوين حتى سهات فيه فاتها ولكن قبل مايغبر خلا لها كلام خلااها تبتاسم:جيتي زوينة ولكن نقصي من العكر
ضارت لقاتو مشى بتاسمات كتر ونزلات سمعات الصونيط دلباب مشات طلات حسابلها الناس وصلو ولكن كانت أميرة حلات ليها الباب
أميرة:لباس
فدوى:حمدالله
أميرة:فين بابا؟
فدوى سدات الباب:فالصالون
مشات وهي تتشوف فيها كلها مطلية ماكيااج مكترة بزااف ولابسة حتى قفطاان معري من الكتاف جاية من عند ماماها حيت كانت عندها موجدة مين علموها دخلات لصالون سلمات عليهم وجلساات
ماشي بزاف دالوقت باش سمعو الصونيط ديال الباب ديال برا عرفو انهم هماا ياسين وقف حدا الدروج كقاد الكول ديال الفوقية وتعيط جاية بالزربة هازة طرف من قفطانها وتتقاد شعرها ونازلة:هانا هانا جاو الحمدلله
ياسين:راه نرجس هاديك بالسيف مايجيو
ضحكات وشدات فيه على حساب الطالون وخرجو هما لخاص يستقبلوهم
ياسين:الجردة ترونات خاص نجيب ليقادها حسين مبقاتش عاجباني خدمتو
كنزة:من بعد نفكو هادشي
وقفو قدامو الباب كنزة شافت فيه:مقادة
ياسين:مزيانة بحال نت العروسة
بتاسمات على لقال لها كعجبها الحال فاش كمدح جمالها خخخ العنب بلغتنا خخخخ حل الباب وهو مبتاسم
حسن:السلام عليكم
ياسين صافحو:وعليكم السلام مرحبا مرحبا تفضلو
دخلو كنزة سلمات على اسماء تترحب بيها كانت تاهي مقادة ومسكسفة ولماكيااج تقول جاية للعرس
كنزة:مرحبا تفضلي
أسماء:الله يبارك فيك
ياسين:سي عماد مرحبا بك
عماد:الله يبارك فيك اسي ياسين
حسن:كيف داير اسيدي كلشي مزيان الصحيحة
ياسين:كلشي بيخير ونتوما كيف دايرين
داخلين وكهضرو وكسولو فبعضياتهم كأول لقاء ليهم دخلو ريحة الند كانت عاطية وموسيقى اندلسية خفيفة اجواء مغربية بكل مافيها دخلو للصالون تتسالمو وتتعارفو بيناتهم جلسو
ياسين:مرحبا بيكم
حسن:الله يكبر بيك اسي ياسين
كنزة:الدار داركم
أسماء:ربي خليك اختي
عاد جاي آدم شاد فدريس غير شاف فعماد وهو يطلع حجبانو وصغر عينيه كضرب ليه لمعاني زعما عماد وهو يضور وجهو
دريس:السلام عليكم
ناض حسن واسماء سلمو عليه وجلس وسطهم هو ومنير وياسين وحسن كهضرو
كنزة:سمحيلي نمشي غير لكوزينة
اسماء:خودي راحتك
مشات كنزة الكوزينة تشوف اتاي كانت خديجة تما
خديجة:امدرا كيف دايرين
كنزة:وغير من الشوفة ناس كلاص باقين معرفناهم دابا كدايرين
خديجة:صافي اتاي وااجد دابااا
كنزة:هاويليييي نرجس فين هي مفيقناااهاااش
خديجة:جري امسخوطة جرييي
خرجات كنزة وهي تبان لها كاميليا ناازلة مبغاتش تخلي الناس بغات تكلفها هي:شووفي غطلعي تفيقي ختك وعطيها واحد القفطان فبيتي غتلقايه ونزلي انا نطلع نهضر معاها نت غير فيقيها
كاميليا رجعات طلعات:واخااا
طلعاات وكنزة رجعات عند الناس وتبعاتها خديجة ليلاه دخلات سلمات وجلسو مجموعين الصالون عااامر يلاه
يلاه غدق فالبيت وهي تسمع تيليفونها تصوني فبيتها مشات ليه دخلات وهي طلقاه هو بتاسمات وجاوباتو:الو
محمد:الو كدايرة لباس
كاميليا:حمدالله ونت
محمد:حمدالله فينك
كاميليا:غير فالدار عرفتي اسمحمد ختي نرجس غتزوج
محمد تنهد:عرفت قالها لي عماد
كاميليا:ها وامتى
محمد:نهار الحفلة
كاميليا:يااك مقلتيهاش ليا واخا انا لكان كنقولها لك
بقات تتهضر معاه ونساات ختها والناس وكلشي معاه تتنسا تراسها
حلات الباب تتفوه عينيها معمشين ومزال مغمضين كانت دايرة شفنجة بالنعاس ولات حدا وذنيها ومشعكة نازلة حفيانة وتتفوه تتسمع الهضرة والضحك مفهمات والو مشات نيشان للصالون اتوقفات عليهم هكاك كنزة معرفات باش تبلات طلشي ضار تشوف فيهااا تتحك فعينيها عاد صحصحات وعينيها مشاو نيشان ليه وهي تنطق بالغوات وفرحانة:استاااااااذ
مشات عندو نيشان تتسلم عليه فرحانة مين شافتو واخا مسولات لعلى شنو كدير فدارهم ولا اش جابو شافت فاسماء مبتاسمة:خااالتييي
سلمات عليها وشي كشوف فشي ياسين تنغز فكنزة دير شي حاجة جلسات حدااه وهي كضحك وحتى هو كعما تسوق لشنو لابسة وهو جاي يخطبها
عماد:كنت ناعسة
نرجس:اه يلاه فقت ههه مرحبا بك فدارنا
عماد مبتاسم لعفويتها وكيفاش تتهضر وتتضحك:الله يبارك فيك
نرجس:حتى نت غتبدا تجي عندي للدار على قبل السوايع بحال استاذ محمد ياااك
اميرة ضحكات حتى كان اتاي ايخرج لها من فمها دارت لهم بيديها سمحولي وهي كضحك بداو كشوفو فبعضياتهم وكنزة كضحك الضحكة الصفرة
حسن:ههههه احم سي ياسين تبانلي ندخلو فالموضوع نيشاان
كنزة:احم اه مرحبا غير هو بلاتي تلبس نرجس طلعي ابنتي حيدي البيجامة ولبسي داكشي لحاطة ليك
نرجس:ها لا لا غير خليني جالسة معاكم ههه
تتضحك ومزنكة ومفاهمة والو تتعامل عاادي غير مين شافتو تصمكاات
عماد كشوف فيها:غير خليها هكا ماشي مشكل
أسماء شافت فكنزة:مجات لا بماكياج لا بوالو البنيتة مشاءالله الله يخليها لك
كنزة:امين اختي ربي خليك
اسماء:والله يجعلها من نصيبنا بغيتها والله وحتى هو باااغيها
كنزة:والله يجيبنا فالصواب
حسن:احم سي يااسين انا غندخل نيشان فعلاش جينا المعقول هدا احم اسيدي حنا جينا ومجيتنا خير انشاءالله طالبين راغبين فيد البنية ديالك نرجس لولدي عماد على سنة الله ورسوله
شاف فيها مبتااسم هي كانت تتشوف فبابات عماد كلامو مدخلش لدماغها ولا مبغاش يدخل حيت تتقول واقلة مسمعاتش مزيان تصمكات خشات صبعها فوذنيها وبدات تتحك فيها:احم عاود اعمي اشنو قلتي عفااك
كنزة شدات فراسها ياسين مسح على وجهو وادم هاز واحد الفقاسة كغزز فيها كلا وفين خشى وجهو امال هاادي خخخخ دريس هنا دخل:احم ابنتي نرجس الاستاذ ديالك عماد جاي ليوم وجاب معاه واليديه طالب يدك لزواج
تصمكات الثلج تكب عليها بغات تقرص راسها لتكون تتحلم معندهاش لوقت لقرسة خاصها تستوعب شافت فيه كان حاضيها ومبتاسم حطات صبعها على صدرها وهو حرك راسو باه زعما راه نت زاادت غرقات فحوايجها:احم استاذ هادي راه انا نرجس هانت شوف راه نرجس انا واش متأكد
حط يدو على وجهو وهو كضحك رجعات اللور وهي تتبلع ريقها عاد طلعات معااها مركااااات وغرقاات فحواايجها وتزنكات ووذنيها بداو كسوطو حدها وقفات وحدرات راسها وخرجات طلعات تتجري
أسماء:وينووو حشمااات ههه
خديجة:وعقل الصغر ههههه
كنزة:ههه انا جاية ههه مرحبا مرحبا بيكم
خرجات وهي غتندب الشووووهة واخا تفاهمو معاهم وبانو لهم ناس مزيانين بحالهم ولكن كنزة حشماااات طالعة هازة جلايلها وهي تبان الله المصونة جاية وتتفرنس هي سباب هاج الفضيحة وقفات عليها شداتها من شعرها هبطااتها:يالجيفة يالكارثة باش بلاني سيدي ربي غالهبيلة على ختها
كاميليا شادة لها فيديها:وااااع شعريي وباااابااااااا
كنزة تتشد لها فمها:سكتي يسكت ليك الحس يالمسخووطة ياك قلت لك فيقيها وعطيها تلبس القفطان مخلياها نازلة للناس بحال الخدااامة
كاميليا تفكاات منها:وراااه مبغااتش تحل ومشيت لطوالييط وهي خرجات انا مالي شنو درت
كنزة:داارليك هادشي فاش حادكة غفتخراج دلعينين سيري من بعد ونتفااهمو
مشات طلعات قصدات بيتها غير حلات عليها لقاتها تتبكي غير شافتها وهي تنقز
نرجس:ماماا مامااا متنحلمش يااااك هادشي بصح
كنزة تنهداات:اياااه ابنتي اه
نرجس:حتى هو كبغيني ياااك ههههه نااااري متخايليش شحال فرحااانة
كنزة:لبسي باش تنزلي
نرجس شدات فيها:متقولوش ليه لا عفاك اماما انا بغيتوووو
بقات تتشوف فيها شحااال وهي ترجع وعنقااتها عينيها غرغرو معرفاتش علاش واخا باقي مقالو والو ولكن هاد اللحظة بكاتها:يكون خير انشاءالله ابنتي انا غنجيب لك القفطان
خرجات وخلاتها غطير بالفرحة متخايلاتهاش مكانتش متوقعاااها نهائيا فرحات كثر وهي تتفكر انه كبادلها نفس الإحساس هاهو جا لدارهم كاع يطلب يديها فرحتها متتصورش شحال بكات عليه تتقول ماشي ديالي كانت فاقدة الامل من جيهتو خصوصا فالمعاملة ديالو اللولة ليها كان قبيح معاها كان كقمعها وتتخبي دموعها حتى تتعزل بوحدها عاد تطلق دموعها حيت صعيبة تكوني تتبغي شي حد وتتعامل معاك شوية خايب راه بزاف فقدات الامل وعفطات على قلبها مبقاتش بغات تزيد على حالتها حتى حسات بيه رطاب شوية فرحات فاش ولات معاملتو زوينة وأكبر فرحة هي هادي انه قصد دارهم وجااا فرحتها متقدرش تعبر عليها بالهضرة جات كنزة عطاتها القفطان وطلعو عندها فدوى وكاميليا يعاونوها
فدوى عنقاتها:مبروك احبيبة ديالي ربي كبير
نرجس:ربي خليك احبي
ضارت تعنق ختها هي لكانت تتعاود ليها ديما عليه وتسكتها لكانت تتبكي كلشي كانت عارفااه
كاميليا عنقاتها:شفتي قلتها ليك
نرجس:بصح ربي كبييير
كاميليا:حمدلله يلاه نهبطو
نرجس:لعقباليك
شافت فيها كاميليا وبتاسمات سبقاتها وهي بقات وااقفة بهضرة ختها محساتش راسها حتى سهاات مكرهاتش تكون بلاصة ختها مكرهاتش تسمعو كقول لباها انه طالب يديها محسداتش ختها ولكن حتى هي بغات تعيش هاد اللحظة معااه اللحظة لتتمناها كل بنت مع حبيبها فاقت على صوت نرجس وفدوى كعيطو لها تنزل تنهدات وتبعااتهم
دخلو وهي مبتاسمة دابا عااد بانت ولكن هاد المرة بصفة اخرى بصفة الخجل حشمات معرفاتش كيف طاحت عليها ولكن فالاول مكانتش عارفة علاش جاو اما دابا غير