ثانوية الحب ⛄الاستاذ والمزنزنة 2☃️مكتملة☃️

الجزء 96 ☃️

💛ثانوية الحب💛
🍒الجزء 96🍒
⛄ منال برنيش⛄
زعما قالها لباها وعتاذر منو قال راه غيدوي معاها ونيت بالنقطة راه ترجع عادي سااعة واالو هاد لقضية حيراتو هاد ااسيمانة ولا كفكر بزاااف فينما بجلس تجي فبالو وبهاد التعامل ديالها الجديد لفت انتباهو ليها مزيان واخا تتبقى غير تلميذة منها بزاااف كدوزو عندو كل نهاار ولكن قضيتها هي فشكل
داز الوقت
محمد:تتقراو غدا ياك؟
التلاميذ:لاااا
محمد بدا كفكر:قلت زعما تجيو غدا نديرو ساعة نكملو فيها هادشي
بدا شي كهضر مع شي وتتافقو وعاود ضارو عندو كان كثر من النص غادي يجي
محمد:مهم انا غنجي غدا لبغا يجي مرحبا
بنت:غتجي
كاميليا:معرفتش موحال
بنت:راه عندنا فرض
كاميليا تتجمع ادواتها:صافي تنشوف
هزات تيليفونها شعلاتو غير شافت الميساااجات وهي تتبتاسم دارت التيليفون فالساط هزات الساك وخرجات تتجري هز راسو شافها غادية زربانة ولات تتقول ليه بسلامة عاد تتزيد ولكن دابا حدرات راسها وزاادت
امين حال يديه:حوباااي
كاميليا عنقاتو:زين ديالي توحشتك
أمين:حتى انا غبرة هااادي
بقاو تتسالمو وتسولو فبعضيااتهم
امين:مزال مقلق منك نهار لانيف ديالي نت بالذات كنت بغيتك تبقاي
كاميليا:وراه غير كنت مريضة نعوضوها مرة اخرى انشاءالله
أمين:ايوا شي جديد شي boyfriend
وغمزها بدات تتضحك:كاين crush ماشي boyfriend
امين:ياااه شكون هدا سعداااتو هههههه
كاميليا:من بعد ونقولك ههههه عرفتي جا عندي داك خينة
أمين:حمزة لخانز
كاميليا:اااه جرييت عليه
امين:عرفتي شحال من مرة كان كقولي نهضر معاك ونقوليك بلي راه بغا يرجع معاك ولكن مكنت كنقوليك والو ميستاهلكش لخانز لااااخر
كاميليا:اودي صافي نسا عليا الزمر جيتي نت والحوبينو
أمين:اه جينا لافتتاح تاع واحد salon هنا حداكم قلت ضروري نجي نشوفك مال المدرسة خاوية
كاميليا:مكنقراوش فالعشية غير جابنا مول الماط حيت عندنا امتحان
أمين:اه ايوا مزيان يلاه حبيبة ديالي فرحان حيت شفتك والله نخليك دابا
كاميليا سلمات عليه بلابيز:حتى انا ابب خليك ليلي يلاه باي باي
ودعاتو ومشى وهي بغات ترجع المدرسة تقلب على نرجس جات معاها وهي داخلة وهي تعيط لها ضارت شافتها وقفات:علاش مجيتيش
أحلام جاية وتتاكل:مريضة اختي مفياش اويلي كسكسو ولماط
كاميليا:تانا مكان فيا ليجي ولكن راك عارفة الفرض وداكشي
أحلام:تانت مطالعاش مطالعاش هاكي
كاميليا:لا لا
احلام تتمد ليها:وتغير خودي اويلي الشيكي ولعياقة تواضعي معانا اصاحبتي ههههه
كاميليا:لا لا والله ما على شي حاجة شنو هادشي بعدا ممم كيكة دشكلاط عطيني غير شوية
أحلام مدات ليها الطاسة وتتحكر عليها باش تشدها كاملة:تغير خودي انا راه كلييت
كاميليا خداتها:شكرااا
أحلام:غتعجبك خديتها من واحد لباتيسري
كاميليا:شكرا ازين يلاه بسلااامة
أحلام:تهلاي