ثانوية الحب ⛄الاستاذ والمزنزنة 2☃️مكتملة☃️

الجزء 160 ☃️

💛ثانوية الحب💛
🍒الجزء 160🍒
⛄ منال برنيش⛄
دازو اياام طايرين
مجموعين فلبيت بتلاتة لبيسي قدامهم وتيليفونااتهم فيديهم جاالسين على اعصاابهم مابقى والو لاحو فكلشي بقات غير كازا لمخلينها هي اللخرة حيت كبييرة نرجس فيها البكية كاميليا سااهية تتخمم العام التاني هداا معرفاتش مصيييرها فدوى كانت مدوزة ابيل فيديو مع آدم تاهو تتسنا كلشي مخلووع
لتحت كانو مجمعيين كااملين كلشي كاين جالسين عماد تاهو شاد طيلي فيديو تتسنا بالو معاها ومع حتى التلامذ لداير معاهم غير يلووحو يعيطو ليه يطمنوه عليهم ياسين حتى هو لبيسي قدامو وجالس على اعصابو
همو بناتو و فدوى وكاااع لوليييداااات دالمدرسة بحكم هو المدير هاز الهم لكلشيي وعاد نسبة النجاح شحال اتكون فالمدرسة وهادشي متعلق بالسمعة كنزة يديها على خدهاا خايفة بزااف خديجة حتى هي منيير سي دريس تيدعي معااهم جو من التوتر والقلوب كضرب بالجهد 2:00دالليل وهما مزال تتسناو لحظات قبل من المصير الأخير عام ديال القراية وتتسناو النتيجة ماشي،غير هما تلاميذ المدينة الكاملة تتسناو الواليدين كدعيو ربي يفرحهم بولادهم الاساتذة حتى هما تتسناو نتيجة خدمتهم الصحافة تاهي على القرص مع غتلاح شي حاجة يبداو يضورو على بنادم يسولوه شدار وينقلو أجواء دالفرحة دالنجااح
كنزة:عللش زعما تعطلو هكا داك العام عيطو ليك من النيابة قبل كلشي قالولك خبار كاميليا
ياسين:وراه كازا هاد العام عامرة سمعتيه فاش عيط براسهم باقي مجاهم والو
كنزة تنهدات:مشاكيل غيبقاو يجرجو فينا تاني
عماد:مابقى والو انشاءالله خير
آدم:مزاال
فدوى:باااقي خايفة والله خاايفة
آدم:شوفي ميكون غير الخييير
جالسة تتخمم خايفة حتى هي واخا مكانتش الاول مسوقة لقراية ولكن داباا غير تتكون واحد الخلعة قدما كنت ممسوقش تتقاداو ليك دابا وعاد هي العام التاني شافت الابيل فيديو ديالو جاوباتهم وجها مخطوووف
محمد:كاميليا
غير،شافتو مقدراتش تصبر ناضت خرجات لبالكو تتبكي فنفس الوقت ميسمعهاش آدم لكانت تتهضر بدأت تتبكي وهي دايرة يديها على وجهاااا
محمد:كاميليا كاميليا شوفي فيا سمعيني
كاميليا تتبكي حيدات يديها على وجها:خااايفة والله هئ هئ الا منجحتش اندير شي مصيببة
محمد:سمعيني انا متأكد غتكون النتيجة نييت حيت شفتك كيفاش خدمتي وتقاتلي سكتي الله يهديك وصاافي عفاااك
كاميليا:خايفة والله شفتهم تعطلو
محمد:غير صبري راه ديما كازا هي اللخرة حيت كبييرة
نرجس قفزات تتقفقف:لبناااات هاهما سيفطوو ليي
فدوى نقززات:اويلي ادم قطع
قطعات علييه دغيا ودخلات حتى هي لقاااات ميساج وصلها فoutlook شافو فبعضياتهم:ندخلو دقة وحدة
نرجس تترعد:ناري قلبي ضرنيي
كاميليا:سيمو غنقطع بلاتي
قطعات ومشاات حدااهم جلسات حتى هي لقات ميسج معرفوش،شنو فيه فرحة ولا خيبة أمل كل وحدة قلبها كضرب
كاميليا:شوفو انا الاولى
نرجس:دغياا سربي
فدوى:سربييي
صباعها تترعدو بدات طالعة دغيا لميساج ووركااات وهي دخل غير،شافتها قلبهاااا طاااح الموت شداااتها فهاد اللحظة موس تخشا فقلبها فاش شافتnon admis(e)ضارت عندهم وهي صفرة:سقطت هئ هئ
لاحت طيليي ودارت يديها على وجها وبدات تتبكي وتشهق
فدوى صفارت:اويليييي
نرجس هزات طيلي وهي تتقلب ونسااات رااااسهاااا لا هي فدوى وهي ضور شحطاااتها
نرجس:الخرية هادي راه ديال داك العام
خرجات ودخلات لميساج ليلاه مسيفط كاميليا مع التلفة معارفة تافين تورك غير شاافتها نرجس وهي تغووووت:نجحاااااااات
دغيا نااضت مين سمعاتها تكانت اتبدا تمرمد فالارض لاحت ليها طيلي وهزات طيليفونها تشوف نتيجتها هي وفدوى سمعو الزغاااارييت لتحت وصلااتهم
فدوى نقزاااات:واااااع نجحت وااااه
نرجس غوتااات وهي تاااااتبكي:18.98
كااااميلياااا تتبكي مزال مدهوووشة:نجااااحت واالله حتى نجحت
نااضو تتناقزو وتعاانقو نزلو كجرييو كانت كنزة معااانقة هي وخديجة ودمووع الفرحة دخلات عليهم هي لكانت سابقااهم داخلة وتتبكي:نجحت هئ هئ
تلاحت على بااها نيشان عنقااااتو كاان فرحان وفعلااا فرحة زوينة فرحة النجاااح وعاد هي مسكينة عاودات العام فرحة مضووبلة خلاتهم فخورين بيهااا
عماد عنقها وباسها:مبروك احبيبة مبروووك
نرجس بعدات عليه تتمسح دموعها مشات عنقاات كنزة لفرحووووها فرحة الام مكاينش بحااالها
فدوى معنقة عماد كبارك ليها:مبروك تباركالله عليك
فدوى:شكرا شكرا ربي خليك
مشات عنقاات بااها فرحانين جو كل فرحة وكسمعو حتى برا الصداع النص فجيرانهم فاالباك الصداع والفرحة ولكلاكصون ديال الطوموبيلااات كلشي ناض فداك الليل فرحاان
كاميليا لكانت مدهوشة لبكية وفرحانة فنفس الوقت عنقات دريس جدها كبارك ليها وهي فرحانة وعنقات حتى عمااد كبارك ليهاااا كلشي فرحان بيهم ورجعات عنقات كنزة لفرحات بيها بزاااف:الله يرضي عليك احبيبة ديالي فرحتيني الله يرضي عليك
ياسين كهضر مع محمد:الله يبارك فيك ااستاذ
محمد:حمدالله والله حتى فرحنا معاهم
ياسين:شكراا لييك بزاااف والله معرفتش كيفاش غنرد ليك هاادشي
محمد:بلعكس انا لخاص نرد ليك غير شوية من داكشي لدرتي معاياااا ااستاذ
ياسين فرحان بزااف:الله يرضي عليييك
كنزة:قوليه يجي دابا منير عيط لدقايقية
ياسين:واخا واخااا
خديجة:حمدتك ياربي وشكرتك حمدالله كاع واليدات فرحو
كاميليا:يلااه نخرجووو
ناضو كاملين خرجوو برااا كلشي خارج فداك الليل قريب 3:00دالصباح طالعين فالطوموبيلات وككلاكصونيو هادشي دالناس لهااي صحاب الفيلات خخخ اما الأحياء الشعبية كاين غير الدقايقية والنشاط بداو كطلقو الفلامات فالسما والشارع عااامر كنزة تعيطو ليهاا يسولوها وعي فرحانة تتجاوبهم كلهم نجحو شوية بانت ليهم هوندا جاية تلقا لهم منير هو لمعيط لهم تاهما على لقرص كلشي فسبيب النشاط نزلو لابسين مقادين هامول الدربوكة هامول البندير مول النواقع كل وشنو هااز وكلهم مقلوبين بالنعاس غنزلو بداو كضربو وجاايين جيهتهم على كنزة وخديجة بداو على الشطيح نرجس شدات فعماد حتى هما ماشي من لعاكزين كاميليا وفدوى تاهما الشطيح والرديح وحتى كاع لكانو خارجين جاو عندهم بداو تتسالمو وتباركو لبعضياتهم وشي كصفق وشي كشطح كلشي تجمع حتى لكان راكب فالطوموبيل نزل الدنيا طرطقاات وكلشي كشطح وكغني مع الدقاايقية وشي كصور وشي كدير فيديو ويلوح فالسطوريات الدنيا كلها فرحة وكلشي مجموع ولاو حتى دوك الجيران لكلاص داخلين الوسط وكشطحو الهوايش طيحو كلشي ولفرحة مخلات حد واقف خخ الدقايقية مع شافو التيتيز خخح زادو فالريتم
وفينااااهيا
كلشي نعت فكاميليا لمااتت بالضحك:هاااهيااا
والاستاااذة
كلشي ضار لنرجس لتزنكااات كلشي حمر فيهااا مع جات هي اللولة فكازاا:هاااهيااا
كاميليا غير شافتو نقزاات محساتش مشات عندووو عنقاااتو وهي فرحانة غتبكيي:شكراا شكراااا بزاااف
محمد:مبروك عليييك فرحتيني معااك
كاميليا بعدات علييك:الله يخليك ليا كلشي بفضلك
محمد:انا غير سبب خدمتك هاديك
بتاسمات ليه وجراتو دخلاتو معاها وسط الجووقة غير شافو ياسين طلاح عليه عنقووو كشكر فيه بزاااف وحتى كنزة عنقااتو كشكرووه حيت كانو فاقدين الامل فكاميليا ولكن مين شافو نقطتها فالماط ونجاحها كلشي كان بفضلو هو من بعد الله
خديجة:الله يرحم الوالدين الله يعطيك متمنيتي فخااطرك
منير:شكراا بزاف ااستاذ
كان حتى فرحان وكرد على شكرهم بكل توااضع انه مدار والو غير سبب
عماد:تبارك الله عليك ااستاذ
محمد:وحتى نت درتي جهدك معاهم
كان كلشي فرحااان كازا كاملة مقلوبة الفلامات فالسما والغنا والشطيبح ولمسكين محالفوش الحظ راه عندو امل فالاستدراكية بقاو على الفيجطة والحيحة ولا الشارع فين ساكنين بحال شي حي شعبي متقولش هادو لخارجين من الصحاب الفيلاات كلشي محيح حتى لمعندوش الباك نزل يشطح خخخ حتى صبح الحال وتفرتكات الجقلة كلا زاد بحالو والفرحة فكاع القلوب نشطو مزيان والدقايقية داو معاهم حصيصة لا من الخلاص لخلصوهم ياسين ومنير لا من الغرامة لجمعو وعلاش لا هما هنا مع الصحاب اللعاقة غير كخشيو يديهم لخرجات كعلقووها ليهم رزقهم خخخخ
كلشي دخل غمضو غير شوية وعاود ناضو لغيدير شي حفلة راه ناض يوجد ليهااا
كنزة حلات الباب:سلام؟
بنت:هادي دار نرجس الرايس
ياسين:ايااه
ولد دفع البنت ووقف:حنا من قناة الوطنية للاذاعة والتلفزة بغينا نهضرو معاها لكان ممكن
بنت2:او حنا من قناة 2m
ولد2:عفاك اسيدي انا وبنيابة على قناة chouf tv بغينا لحظة مع نرجس عفاكم
ياسين شاف فكنزة:وااخا واخا
كنزة حركات راسها باه وطلعات كانو متوقعينها يجيو عندهم ىاه الاولى فجيهة كازا السطات تتعتبر من الأوائل
نزلاتها مبوقة حتى عماد نااض بات معاهم كلهم خرجو كاميليا فدوى مين سمعو الدوزيم والرباط يبانو فالتلفاازة يفقصو العدياان خخخ
كانت واقفة تتشوف فيهم معرفات شكون تجاوب كلهم تكبو عليها عشرة من الميكرو حدا وجها ديال كل قنااة عماد واقف ومضور يدو على عنقها
عماد:بلاتي غير بشوية غير بشوية واحد واحد
ولد(2m):نرجس الرايس نت الحائزة على النقطة الاولى لجهة الدار البيضاء السطات والخامسة على الصعيد الوطني شنو احساسك
بنت (الاولى):وشكون عاونك وكان ليه الفضل فوصلوكم لهاد المرتبة
نرجس:احم اولا كنبغي نشكر ماما وباباا والزوج دياالي
بنت مخرجة عينيها:نت مزوجة
نرجس:احم اه هو فنفس الوقت الاستاذ ديالي كان ليه الفضل فنجاحي هو والعائلة ديالي والحمدلله بالخدمة والجد قدرت نحصل على هاد النقطة شكراا
صحافي:فين هو الزوج ديالك الاستاذ
نرجس شافت فعمااد:هاهو
بتاسمو لبعضياتهم وضارو ليه الصحافة كسولوه تاهو بدا عليهم انا فرحان وكداا دازو لياسين
صحافية:بحكم انك بابات نرجس ومدير الثانوية التأهيلية شنو احساسكم بنجاحها وبنجاح كل هاد التلاميذ
ياسين:انا جد فخوور بيهم كااملين كاب فرحان لبنتي وكمدير فرحان لجميع التلاميذ والحمدلله كانت نتائج رائعة فرحاتنا وفرحات جميع الاباء نتمناو الاجيال الصاعدة يبقاو فهاد المستوى
بقاو كهضرو معاهم هضرو مع كنزة بما انها هي الام سولوها على احساسها وفرحتها هضرو مع خديجة منير كلشيي دازو علييه
فدوى معرفات متقول قدام الكاميرة:وحمدالله حنا فرحاانين وشكرا والله ينصر سيدنا وعاش الملك
كاميليا كان كهضر معاها لجاي من 2m وهي جالس تفنطز عليهم بالفرونسي والحالة وهي جايبة غا 12فرحانة براسها خخخخ
كاميليا بفرنسية:احم كنبغي نشكر بزاااف بزااف الاستاذ ديالي دالماط محمد الشرقااوي لعاوني بزاااف بزاف وكنقوليه شكرا او الحمدلله فرحانين حيت نجحنا خههه
نرجس:شكرا لكم وشكرا لكاع الاساتذة ديالنا لوقفو معانا وعاونونا وشكرا لعائلتي كرجع لهم الفضل هما والاساتذة ديالي ومبروك على كلشي
بقاو معاهم كهضرو والكاميرات وواحد الحالة حتى زادو بحاالهم وهما رجعو دخلووو يلاه غيفطروو
عماد:دابا بقينا دابا نبانو حتى العام الجااي
كنزة:ولااهيلا ههههه
خديجة:وناري شوف طيفي شحال لصقة
منير:هاديك هي حرفتهم خخخخ
دريس:دير دير الأخبار
كنزة:باقي الحال ابااا يلاه 12:00
ياسين داخل وكقطع التيليفون وقالهم الخبر شي لخلا كلشي يفرح بنرجس جاتها دعوة من وزير التعليم مع العشرة الاوائل باش يحضرو لتكريم خاص بيهم
عماد:امزاازي اول مرة يديرها مزيانة فحياتو
فدوى:غير توقفي حداه جمعي معاه بشي تمرميقة على دوك القرارات الزينين ديالو
خلات كلشي كضحك وهما جالسين كفطرو
كاميليا:مااما وباابا الزردة
ياسين:الزردة مع لعرس انشاءالله
كنزة:اياااه حيدتيها لي من فميي
عماد:ميزيانة
كاميليا:ايوا لباس بعدا لمنكرتونيش
ياسين:ونت بعدا غير مين سلكتي راه لباس
فدوى:نكدب عليكم مكنتش متوقعة 14 والله
خديجة:حمدالله مجاتش بالساهل
ياسين:ربي عطى لكل واحد على قد مجهودو
كاميليا:عرفتي اماما شي بنات كعما كنا متوقعينهم مساكن ينجحو ونجحو
كنزة:حمدالله فرحة الباك زويينة بزااف
عماد شاف فكاميليا:الباك غير زهر
خديجة:والله ماكدبتي
ياسين:ايوا حمدالله نسبة النجاح كانت مزياانة
كاميليا:بابا فوقاش نشدو الكارطونة
ياسين:وغير سربي ونوضي راه دابا
دغيا ناضت طارت وتبعاتها فدوى ونرجس لبسو حوايجهم ونزلو زادو هما وعماد وياسين كنزة وخديجة بقاو واخا حفلة تاع تكريم صافي ممشاوش مهم نجحو اصلا ممساليينش كوجدو العرس من بعد تلتيام
وصلو المدرسة الدنيا عااامرة غطرطق بالناجحين حفلة ديال التكريم دغيا داروها مع الليسي ديالهم عندهم الأولى فالدار البيضاء دغيا ياسين هو وجمعية الاباء والاساتذة قادو ليها مع جاية الصحافة وحتى امزازي عاد خلي الحفل ديال غدا فالربااط جامعين فيه غير الأوائل ومنهم نرجس
دخلو ودنيا مطرطقة بالواليدين والصحافة تتصور هالدوزيم هالاولى هالمغربية شوف طيفي قنوات اليوتيوب كلشي كاين تقال برااكة دخلو لقاعة لكانت عامرة وكلشي كصور وياسين كهضر وكبارك فرحان بالتلامد والمدرسة 75% نسبة النجاح سي حاجة لفوق وااعرة جا امزازي ومعاه دوك الطباقة صحاب الكوستيمات خخخ لديما معاه دخل وبدا تاهو تعطي الكلمة والكاميرات خداامين بارك لهم وداز لنرجس لواقفة حداه كهضر معاها ويبارك ليها وعطاها الشهادة ديالها شهادة البكالوريا ديالها تحت التصفيقات والتصوير وكلشي تلاح كاين لقنوات لدايرة المباشر شكرهم امزازي على خدمتهم وبارك لهم نجاحهم وزاد بحالو رجع ياسين كعطي الكلمة وكهضر وبدا كفرق الشواهد على الناجحين تحت تصفيق واليديهم لفرحانين شكر حتى الاساتذة على مجهودهم وبدورهم خداو الكلمة باركو لهم وباركو لواليديهم وكلشي فرحان بقاو شحال حتى سالاو وبداو الاساتذة تسلمو على بعضياتهم غيخرجو كونجي صافي التلامذ كسلمو على بعضياتهم وتتوادعو عام على قدو هما مجموعين دابا سالاا وكل واحد غيشوف طريقو كانت حتى دموع الوداع حيت كاين لمن الصغر وهما كقراو مجموعين دابا ايتفارقو وكاين غير لمن سانكيام ولا غير عام وواخا ولفو بعضياتهم عام ماشي ساهل عام ديال الضحك والنشاط والخروج فالسوايع المتقوبة والطلعة عام ديال الخدمة والجد الخدمة بمجموعات شي كخدم مع شي وفالاخير حمدلله تختمات بالنجااح وكل واحد غيشق طريقو لبناء مستقبلو واخا غيبقاو يطلاقاو ولكن مكاينش بحال ايام الليسي احلى ايام الدرااسة لتتبقى راسخة اجمل فترة فالحياة هي الثانوية مكاينش بحاالها كاميليا تتعنق فالبنات وتسلم على الدراري كلهم تتودعهم وحتى هما حيت بصح واخا يلاه جات تفاهمات مع كلشي وداز عام زويين وكدلك نرجس لكبارك لها كلشي وفدوى تاهي تتوادع مع لبنااات لطول تلت سنين قرات معاهم وتعرفات عليهم وبداو التلامذ كسلمو على الاساتذة لتاهما ميمكنش ينساوهم عام ونت معااهم الواليدين تسلمو على الاساتذة وتدعيو معاهم ويشكروهم على مجهودهم الامهات مجوقين على محمد كشكروه حيت بصح خدم مع ولادهم مزياان وفاابور شحال شكروه شحال دعاو معاه فعلا قلال الاساتذة بحالو كخدمو من نيتهم عماد حتى مجوقين عليه التلاميذ وواليديهم واخا كان قبيح فيهم ولكن قباحتو نافعة وغير على مصلاااحتوو ياسين حتى هو كودعوه الوالدين وكشكروه على حسن معاملتو معاهم ومع ولادهم لكانو من مسؤوليتو جو كلو ودااع وفرحة ودموع شي لحاجة لبزااف بداو الناس كنساحبو بشوية بشوية حتى مابقى حد وسالا كلشي وسالا العاام
ياسين:سيادنا الله يعاون العام الجاي انشاءالله تبرعو ليا دابا مع راسكم ىهههه
كاع الاساتذة ضحكو وبداو تتوادعو بعضياتهم وكملو آخر الاجراءات ديال هاد العام وبداو حتى هما كمشيو حتى مابقى حد ياسين هو العساس كضورو ويسدو الاقساام حيت صاف سالاو واخا باقي الكاطريام والسادس ولكن الليسي ديالهم مغيدوز فيها حد حيت صافي المدارس لتختارو كافيين لعدد التلاميذ لغيدوزو مشى ياسين لقاعة فين كانت الحفل لقا العيالات لميناج قربو يساليو الجميع توادع معاهم وعطاهم شي بركة وهما كدعيو معاه وكباركو ليه نجاح بنااتو وزاد
ياسين:وسد مزيان اسي سعيد
سعيد العساس:متخافش اسي ياسين
عنقو وتوادع معاه ياسين ضار للمرة الاخيرة هاد العام شاف فالساحة وهو كضور عينيه فالمدرسة تنهد عوتاني عاام سالا فمسارو المهني فمجال التعليم 33عام ديال الخدمة بين التعليم والادارة شي حاجة لمفتاخر بيها بزاف بتاسم وضاار خرج وسد وراه العساس لباب غير يساليو العيالات الجميع ويخرجو حتى هما ركب فطوموبيلتو وزااد
فبلاصة أخرى
معنقاااه مبغاتش طلق منووو فرحانة بزااف تتعبر ليه على شكرها وفرحها بنجااحها لعاونها فييه بزاف وكان ليه فضل كبيير متقدرش توصف شكرها لييه حتى هو كان معنقها من خصرها ومعنقها ورجيلاتها طالعين على الارض خخخ
كاميليا:شكرا شكرااا بزاااف واخا منعرف شنو ندير مغنقدرش نرد ليك غير شوية
محمد باسها فعنقها:متقوليش هكاااا مدرت واالو
كاميليا زادت كرزات علييه:كنبغيك كنبغيك بزااف
محمد تنهد:وحتى انااا
بعدات عليه شوية وهي فرحانة وعويناتها تبريو غطيير:هادي اول مرحلة بغيتك تكون معايا فيهم كاملين ليصونص لمااستر كلشيي بغيتك تكون حدايا ومعايااا
شدات فيه وهو بقى غير كشوف تصمك وهي ابتسامتة مالية وجها كااامل بلع ريقو وبتاسم بزز منو:انشاءالله
كاميليا شدات فيه بحال تتأكد عليه:معمرك مغتخليني ياااك
محمد بقا غير كشوف فيها تتزيد عليه كثر واخا هي مسكينة تتهضر من قلبها ولكن تتزيد تبين ليه قدااش متعلقة بيييه كتر وكتررر
كاميليا حطات يديها على وجهو:سمحمد ماالك
مجاوبهاش ورجها عندوو عنقها وكرز عليها وهي هنا زادت بتاسمات غمضات عينيها وهي خاشية وجها فكتفوو وكارزة عليه بحال غيهرب عليهاا
داز الوقت
دخلو بزوجات هي وفدوى لمتافقة معاها باش طلاقا معااه وقالو لياسين غادين مع شي كليكة يحتافلو اخر مرة بجماعتهم من بعد حفلة التكريم دخلو لصالون وجلسو يشربو اتاي نيت كانت الاخبار تاع العشية بادية بداو كضحكو وهما كشوفو فراسهم مدوزينهم دوزو الاول فكل جيهة وهما بانو مع نرجس فاش بينو جهة الدار البيضاء سطات ماتو بالضحك على راسهم مزيان اما فحفلة تكريم بانت غير نرجس مع امزازي مهم الاخبار كاملة وهما كهضرو غير على لبااك
فدوى تتشوف فطيلي:ويلي شوفي سطوريات دالعشران
بدات تتشوف معاها كانو لايحين فيديواتهم نيت مع الدوزيم شي كيبارك شي كقول عليهم الشهرة شي شاد فيهم مهم قربالة خخخخ
كاميليا:يلاه نطلعووو لبييت
مشاو طلعو بزوجات وهما خاشيين وجوهم فتيليفوناتهم
فدوى:ناري شادين فنرجس فladies talk ههه
كاميليا:انشوف هههههه
فدوى وراتها كانو لايحين تصاورها هي وعماد مسكرينينهم شي كيقول راجلها استاذ باها مدير بالسيف تنجح شي الوحيدة لضامنة راسها ناجحة خخخ شي فين نلقاو بحال هاد الاساتذة شاديين فيها مزيااان مع حتى اللقطة لقالت فيها راجلي وعطاوه يهضر معاهم تاهي منتاشرة فالكروبات خخخخ هدا هو الشعب اي حاجة يشدوها يخرجو منها الزيت
كاميليا:ويلييي هههههه خاصها تقرا القرآن على هادشي بانلي السيمانة الجاية اترجع عندنا
فدوى:خخخخ ناري على بلااان ناري على شعب
بقاو جالسين فدوى عيط لها حوبينو ديالها ناضت لبالكو تهضر معاااه
فدوى:وفوقااااش اتجي اويلييي تعطلتي بزااااف
آدم:غدا غدا ضروري نحضر لعرس لخوادرية ونشوفك حتى نت ازين ديالي
فدوى:مممم ايوا دابا مزيان قولي فوقاش اتجي غدا نجي عندك المطار
آدم:لاا تتعرفوني انا غير حتى تنوقف عليييكم
فدوى:ياااااك واخاااا
بقات فدوى تتهضر معاه وكاميليا حطات طيلي وناضت يلاه خرجات وهي طلاقا معاااها قدام الباب شافت فيها سدات الباب وتمات غادية مهضراتش معااهاا كاااع شدات فيها شي لخلا كاميليا ضور بشوية عندها
اميرة:لباس
كاميليا:حمدالله ونت
اميرة:حمدالله مبرووك النجاااح فرحت ليك بزااف والله
كاميليا بتاسمات شوية:شكراا
محساتش حتى لقاتها معنقاااهااا كاميليا خرجات عينيهااا هادي مالها تاني عنقاتها غير الصواب ولكن لفراسها فرااسها مبقاتش تيق فيها تتقلب كيف الزمان
اميرة بعدات عليها شوية:سمحيليااا بزاااف سمحييليي معرفتش شنو وقع ليي داك النهار معرفتش شنو نقول ليك ولكن بصح سمحيلييي بزاااف اختي
كاميليا بقات غير تتشوف فيها وفعينيها بالضبط بغات غير تقرا شي حاجة فيهم تعرف علاااش ناااوية حيت بصح مبقات فاهمة والوووو معاهااا بتاسمات شوية لها وحركات راسها بااه:موقع والو صاافي
اميرة شدات فيها:بصح؟
كاميليا:أميرة صافي عفاااك مبقيتش نتفكر شي حاجة داازت
اميرة بتاسماات:صااافي نساو لفااات ونرجعو كيف الأول
حركات راسها كاميليا بااه وهي غير تتشوف حيت فعلا تقاداو لها معااها ولكن واخا تقول ليها اه واخدة الحذر منها مبقات ثيق فيهاا
أميرة:نزلو
كاميليا:يلاااه
نزلو بزوجات وهي قدامها تتشوف فيها ودغيااا جمعاات الضحكة وخنزرااات تدير هادشي فوق قلبها متتحملهاش وتتجاملها بزز وهادشي داخل فتخطيطاتها وعلاش ناوية نازلة وتتشوف فيها كيف معلابالهاش وتتفكر فهضرة ماماها
سارة:تصالحي معاها بيني لها وجه زوين كولي لها دماغها ورجعي معاها كيف كنتوو وحتى هو هضري معااه تبتيه بالهضرة ومتبقايش تجبدي معاها هاد الموضوع ولا هو تبيني ليه شي حاجة كيف شفتي خرجتي نيابك هما تاحدو وتفااهمو مزيان مصورتي والو مشات عاودات ليه كلشي اما الا بينتي الوجه الزوين ودخلتي سوق راسك حتى لادرتي شي خطوة وشبكتيها بيناتهم مغيطيحش بيهم على البال راه نت مغيكونوش دايرين منك اطونسيو وهادي فرصة كبير تقدر تشبكها بيناتهم
بتاسمات دغيا ودخلو للصالون كان كلشي مجموع كهضرو فداكشي دالعرس
كنزة:فرقنا ليزانفيطاسيو على كلشي انا متأكدة هادي حيدناها
ياسين:طريطور عطيتهم لبقى من الفلوس
خديجة:ااه النكافة حتى هي قالت لينا نرجس خلصوهااا فكلشي
كنزة:اذن بقى لينا غير لوطيل نشوفوه فين وصل
ياسين:ايوا صافي مزياان
دريس:الله يدوز كلشي على خير
كلشي:اميييين يارب
كنزة شافت فاميرة:اميرة وغبرة هادي هههه
أميرة:مبغيتش تاني الكونجي يمشي غير هكاك فكازا
ياسين شاف فيها:كيف دايرة شفشاون
اميرة بلعات ريقها:هاا زوينة بزااف
خديجة:انشوفو التصاااور
هنا ضربها الضو بدأت تتفتف هاد زوج سيمانات كاملة من نعار تخاصمات مع كاميليا ديك المرة خرجات غبرات مين عيط لها ياسين قالت ليه انا فشفشاون وهي راه غير كانت عند سارة كبلانيو بزوجات بتاسمات بالسيف عليهاا ونطقات:احم متصورناش فطيليفوني فكاميرة دصاحبتي تنتسناها نييت تسيفطهم لي
كنزة:ايوا مزياان مهم فوجتو شوية تاحنا غيسالي العرس ونزيدوو
كاميليا نقزاات:فييين
كنزة:شوفي بااك
ياسين:خلي حتى يدوز العرس ونتافقو فين ونسافرو مجموعين انشاءالله
منير:مزياانة
فدوى:ياااس
كاميليا:دغياا سالاا العام
كنزة:العمر لدايز
فدوى:داز زويين
كاميليا ابتسامات:بزاااف مكنتش متوقعااه يدوز هكا
ياسين:ايوا حمدالله
بقاو جاالسين مجموعين كهضرو وتتفرجوو تعشاو كل واحد نااض لبييتو
نهار جدييد
فدوى:وتاارييح
آدم ضربها بمخدة وهي تاني ماشي من العاكزين ونااضو بالمخاد مدابزين فالصالون كلو ردوه سفااه على علاااه اتا دخلات كنزة وهما يحبسوو
فدوى:طااتي هو لبدااا
آدم:الوليدة تتعرفيني سكووتي ومتنتحركش
كنزة:يااك واااخا تتشوفوني تنجري وزايديني بالرويينة
فدوى:انا نجمع دابااا اخااالتي
خرجات كنزة راجعة للكوزينة فدوى دغيا جمعات الصالون وآدم بلعاني كطيح لها شي مخدة كخليها كلها تتقلاا نزلات اميرة جلسات معاهم شوية وهي تنزل تتجري دخلات هزات تيليكوموند ودارت الاخبار
آدم:حيد علينا هاد الحمووضة
كاميليا:سكت نرجس غتباان مع امزازي
آدم:امزازي تاهو بنادم انا غندير باك ليبر على قبلو وغنضرب لمونسيو غير باش يجي يتصور معايا و نقمعو
فدوى:ياااه على ماااركة هو غمسالي لييك
كاميليا عينيها على التلفازة بغاتو غفوقاش يبااان:وسكتووووو
غير بداو كهضرو على لباااك وهي توكد وحضات التلفاازة بغات غير فوقاش يبان حيت مشى معاهم للرباط للتكريم بداو كهضرو سي دريس تاهو الروح ديال الاخبار نازل على قبلها بداو كبينو الاولى على الصعيد الوطني وكانت من جيهة طنجة وعاد بداو كبينو البقية العشرة الاوائل كلهم بانو ومنهم نرجس هضرو معاهم كااملين عطاو كلمتهم لهي تعبير على فرحهم بنجاحهم وشكر لواليديهم والأساتذة ديااالهم بداو
آدم تنعت ليهم كان عماد واقف هو ونرجس:تورق ليك نرجس بانت بحالا فيها شبر
فدوى ضحكها:ياخويا مخليتي حتى حد
آدم:هاهو عماااد تاشو تاهو بحال شي عصى ديال الغولف طووييل ونرجس حدااه قصيورة بحال التينيسة
دريس:الله يهدي الشباب
فدوى:ياخويا فيك النميمة ديال العيالااات
كاميليا تتشوف فتلفازة لتقابلات معاها ولصقات فيها:آدم هنيناااا والله حتى غايجي عمااد غنقولها لييه
فدوى:اه تانا شاهدة من الصباح وهو كقشر فيه
آدم كشوف فالتلفازة:هاهو سيمو عشيري
فدوى:وعيب فيه حتى هو
آدم:لا لا عشيري هدااا
كانت تتشوف فيه سااهية محساتش حتى بتاسمات وهي تتشوف فيه كيفاش كهضر وكدوي عادي ممتوتر موالو كلامو كلو موزون حاضية فيه كلشي كتبو سميتو كاملة وقراتها كاملة بحال اول مرة تشوفو وزادو تحت منها(استاذ لمادة الرياضيات في السلك الثانوي التأهيلي)تنهدات مبتاسمة قلبها كفرفر وهي تتشوف فيه مسخاتش يحيدوه كن يبقى يبان غير هو تبدا تموت على الاخبار خخخ وماشي غير هي لكاانت سااهية فيه حتى لوراها نفس شي نفس الاحاسيس نفس الشعور تجاهه بزوجهم قلبهم ختار نفس الشخص شخص واحد ولكن لمختارة منهم حتى هي انسانة وحدة
كملات الاخبار كلشي تتفرج على امل يدوزوه تاني خخخخ عطاو الميكرو لعماد حتى هو ولكاع الاساتذة لجاو مه التلامذ خدا ياسين حتى هو بان تاني امزازي حتى هو كشكر التلامذ وتوزعات عليهم شهادات تقديرية والتصاور والكاميرات خدامين مهم دار معاهم امزازي الصواب وصافي خخخ
دازو الايام لبقات قبل العرس عادية روتينية كلها توجاد وسير واجي تحضيرات العرس وكيف تتكون جري من هنا وجري من لهييه حتى جا النهار المنتظر