ثانوية الحب ⛄الاستاذ والمزنزنة 2☃️مكتملة☃️

الجزء 83 ☃️

💛ثانوية الحب💛
🍒الجزء 83🍒
⛄ منال برنيش⛄
محمد:انا معنديش مشكل العالام يسمعنا نديرو فضيحة بحال ديال ديك النهار كلشي يسمع حتى باك نيت يعرف شنو كاين
كاميليا:دابا مفهمتش فين بغيتي توصل
محمد نفاعل وشدها من دراعها وكرز عليها:بغيتك ديري عقلك راك غير كتروني مفاهمة تلعبة معارفاش بنادم كيف داااير راه ماشي كيف تتعامل معااك معرفتيهش شنو مخبي فقلبو من جيهتك وعرفي مع شكون تتمشي وتاتجي
كاميليا:قصحتيني
زاد جرها لعندو وهي تتشوف فجنابها ليكون جاي شي حد عضات على شنايفها وغمضات عينيها قسحها:شوفي انا هضرت معاك كاميليا راه كنقسم بالله وديري شي بلاان بحال لفات ولا نشوفك مع هاد خيتي حتى غتشوفيني مني لمعمرك شفتيييه ديري عقلك
حلات عينيها بالشوية تلاقاو مع عينيه كان مخنزر صدرها كانت تتهز حيت حمر فيها وهي متكدبش على راسها من نهار الدقة الجهنمية لبداتها معاه ومبقاتش ضاسرة عليه كيف الاول مقدراتش تجاوب معاه دابا ولات عارفاه شنو يقدر يدير يمشي يدير لها شي شوهة هنا تيولي طالع باها مالها عليها فين غيوليو
محمد:تفاهمنا
حركات راسها باه هو ويطلقها شدات فيديها ودخلات غير فاتو تنهد ومسح على شعرو مكبغيش يوقع هكا مكبغييش يخسر معااها كحاول معاها بالعقل ولكن هي راسها ياابس من هادشي كامل باغي غير مصلحتها وصافي دخل شاف فيها لقاها مزال جالسة حداها وقف ويديه فجيابو وهضر:الرايس اجي هنا
هضر مع لولد لكان جالس فديك الطاولة:واخا تمشي لهيه الله يحفضك
الولد ضار لقاها طاولة التالت فالصف لاخر هز قشو ونااض جمعات حوايجها وهي تتنطر ولكن ممبيناش ليه مبغاتوش يتحل عليها تاني ناضت ومشات كانت الطاولة التانية مقابلة مع لبيرو والسبورة نيشان جلسات معاجبهاش الحال شافت فيه لقاتو كشوف فيها عاقد حواجبو نزلات عينيها الحصة كاملة وهي ساكتة مهضراتش مع لحداها كاااااع قراية متبعة مع سييمو شوية بدات تتكمع غمضات عينيها وهي جالسة
محمد:كاميليا
كاميليا قفزات وبدات تتقيس فشعرها حساب ليها خوا عليها الما تاني بحال اخر مرة ساعة لقاتو باقي فالسبورة دارت له بيديها اشارة زعما السموحات صافي وعاود جلسات وهي حاضيااه وتتحاول متنعسش ركزات معاه تتشوف فيه متتسمعش كااع شنو كقول تتشوف فيه غير هو كيفاش كهضر ويتحرك متتفتفش فهضرتو كااع اي حاجة كقولها واثق منها اي سؤال تعطى ليه كجاوب عليه بالتفصيل حتى يفهم مولاه حاضياه فاش كهز حجبانو مين كسولو شي حد فاش كدير يدير على شعرو وكرجعو اللور اي حاجة سهااات فيه مزيااان محساتش براسها وبكاع شحال دلوقت وهي حاضيااه محساتش حتى فاقت نغزاتها لحداها باش تكتب ضارت فجأة لمحات بنت خالها تتشوف فيها ولكن غير جاو عينيهم فبعضياتهم فدوى ضورات وجها ولكن كاميليا لا تنهدات شحال مهضرو كانو متتفارقوش