Unicode
"တောက်စ်!"
ရုတ်တရက် အဂ္ဂထိပ်တင် ဆောင်းသစ္စာကိုဖက်ထားရာမှလွှတ်လိုက်ပြီး၊ကားပေါ်ကနေချက်ချင်းဆိုသလိုဆင်းသွားလေ၏။ဆောင်းသစ္စာလည်းဘုမသိဘမသိဖြင့်သာ၊သူပါကားပေါ်ကဆင်းလာတော့။
"ဘုန်းတေဇ..."
"ဆရာတို့ပါလား၊ကျွန်တော်တမင်ရည်ရွယ်ပြီးတိုက်လိုက်တာမဟုတ်ပါဘူး၊မတော်တဆဖြစ်သွားတာပါ"
ဘုန်းတေဇ ခေါင်းလေးငုံ့ရင်းပြောလာတော့၊အဂ္ဂထိပ်တင် မျက်လုံးစိမ်းကြီးတွေဖြင့်ကြည့်လာ၍။
"မတော်တဆ ဟုတ်လား၊အဲ့တာဆို မင်းဒီနားမှာပဲရပ်နေ၊ငါ့ကားနဲ့မင်းကိုဝင်တိုက်မယ်၊ပြီးရင်မတော်တဆဆိုပြီးပြောမယ်လေ!"
နဖူးမှာလည်းသွေတွေကျဆင်းလျှက်သာ၊ဒေါကြီးမောကြီးဖြင့် ရန်တွေ့နေသူကြောင့်၊ဆောင်းသစ္စာ မျက်နှာငယ်လေးနှင့်သာ။
"ဦးရယ်...တော်ပါတော့၊သူလည်းတမင်လုပ်တာမှမဟုတ်တာ"
"ငါ့နဖူးပဲပေါက်သွားလို့မင်းသက်သာသွားတယ်မှတ်၊ငါ့ယောကျာ်းသာတစ်ခုခုဖြစ်လို့ကတော့ မင်းအလောင်းတောင်ပြန်ရှာမရပဲဖြစ်သွားမယ်၊နားလည်လား!"
စိတ်ဆိုးဒေါသထွက်နေတဲ့သူ့လူကြီးကြောင့်၊ဆောင်းသစ္စာရဲ့မျက်နှာမှာလည်းဒင်္ဂါးစေ့လောက်သာရှိတော့၏။
"ဟုတ်ကဲ့...ကျွန်တော်တောင်းပန်ပါတယ်ဗျ၊နောက်ဆိုကျွန်တော်ကားမောင်းဆင်ခြင်ပါ့မယ်"
တစ်ဖက်ကတရိုတသေပြန်ပြောလာတဲ့ ဘုန်းတေဇကြောင့်၊ဆောင်းသစ္စာခမျာပိုပြီးအားနာနေရှာသည်။သူ့အချစ်တော်ကြီးကလက်သီးလက်မောင်းတန်း၍၊သတ်မဲ့ဖြတ်မဲ့ပုံစံဖြစ်နေသော်လည်း၊ဘုန်းတေဇ ကတော့ ဘာတစ်ခုမှရန်မူခြင်းမရှိသည့်အပြင်၊သေချာကိုတောင်းပန်နေသေးတာလေ။
"ဦးရယ်...လာပါ၊ဦး နဖူးကိုလည်းဆေးထည့်ပေးရအုံးမယ်၊သူလည်းတောင်းပန်နေပြီပဲ၊စိတ်လျော့လိုက်ပါတော့နော်"
"အေး၊မင်းဘာမှမဖြစ်လို့အဲ့ကောင်ကိုလျော့ပေးလိုက်တာမှတ်၊လာ...သွားကြမယ်"
"ဟုတ်...ဘုန်းတေဇ သွားပြီနော်"
"ဟုတ်ကဲ့ဆရာ..."
YOU ARE READING
Always For You...💗(အမြဲတမ်းမင်းအတွက်...💗)[S-2]{Ongoing}
Romanceငယ်သူကိုမှချစ်မိတော့၊အရာရာကိုအလျော့ပေးရမယ့်သူကငါကိုယ်တိုင်ပဲပေါ့...။ ငယ္သူကိုမွခ်စ္မိေတာ့၊အရာရာကိုအေလ်ာ့ေပးရမယ့္သူကငါကိုယ္တိုင္ပဲေပါ့...။ (Uni+Zawgyi) Warning⚠️ Start Date_1.1.2023
![Always For You...💗(အမြဲတမ်းမင်းအတွက်...💗)[S-2]{Ongoing}](https://img.wattpad.com/cover/324910888-64-k525156.jpg)