💍❤️هروب ليلة الزفاف❤️💍
بقلم✍️ أسماء الزروالي⭐🌙
الفقرة 12🌹
من بعد ماغربات الشمس تفرقو وكل واحد دخل لدارو.
هبة بقات غادا جاية تتفكر و تتفكر في شي حل .... والو الحل الوحيد قدامها هي تصلح القنطرة وتهرب من هنا وخا ماغاديش تسخى بامي رحمة وادم وحتى بلال.... لكن الله غالب ماعندها مادير تقاد امورها وترجع تشوفهم.
في نفس لوقت اللي هي مزال تتفكر فيه دخل بلال.
شافها واقفة وباين عليها التوثر وكانت مولفا هي اللي تتلقي عليه السلام وتتبدا لكلام اليوم فمها ماقدر اخرج حتى كلمة وعينها ماقدروش اجيو في وجه بلال.
بلال دخل داز من حداها غادي جيهت الكوزينة هو يوقف ورجع جوج خطوات لور حتى وقف قدامها شاف مباشرة في وجها تيحللو حيث ماموالفش ليه هاذ السكات ..... الشي اللي زاد وثرها بدا تيتسناها تهضر والو وجها ولا غير حمر وفمها حتى تيبغي اتحل وترجع تسدو .... بلال غير هاد الثلات ايام اللي جلسات معاه حفظها اصلا هبة اللي على قلبها على لسانها وسواء كانت فرحانة ولا حزينة كلشي تيبان على وجها ... دايرا بحال لكتاب المفتوح ماتتعرفش تخبي.
تسناها ماهضراتش وهو اسولها : شنو واقع مالكي ؟ شي حاجة مقلقاك وباغا تقوليها.؟
تتلعتم قالت : واش ماتلقيتيش بآدم هاد نهار ؟.
جاوبها : لا ...مالو شنو وقع ليه
مازال تتلعتم وتتلعب بصوابعها شوية تهرسهم
هبة بصوت مرتبك : لا ما وقع ليه والو لكن... (سكتات)
هو مازال محافض على هدوءو : كملي لكن شنو؟.
دارت عطاتو بالظهر باش تتحكم في صوتها واعصابه
خدات نفس عميق وقالت: ادم منين كان تيسرح تلقا مع شي رجل وسولو علية قال ليه السيدة اللي كانت معاها امك واش بنت الشيخ اللي هربات.
سكتات وهنا بلال بدا تيفقد اعصابو دورها عندو وقال : دوري عندي وكملي شنو وقع وعلاش خرجتي اصلا من الكوخ.
هي بداو دموعها تينزلو واش خوفا من بلال اللي بان فعلا مقلق ولا خوفا من ان عائلتها القاوها
قالت بحزن : راه ماكانش خاصني نخرج ولكن قلت في خاطري مستحيل اوصل شي حد هنا.
بلال : من نيتك راه كما وصلتي انتي ممكن اوصل غيرك ...واكيد عرفك ومشا ذابا اقولها ليهم .
هبة تتحاول تتحكم في خوفها وخا غلبوها دموعها ونزلو : لكن.... لكن ادم ما. اكدش ليه باللي انا هي بنت الشيخ قال ليه ....قال ليه .....(سكتات مرة ثانية من الحشمة )
بلال منين شاف دموعها حاول اتحكم في اعصابو ورجع برد صوتو و ارخف ملامح وجهو لكن من الداخل ماعالم بيه غير الله.
بلال بصوت هادئ : وخا قولي لية شنو قال ليه ادم.
لحمورية طلعات لحناكها وقالت وهي تتلعتم ومنزلة وجها للارض : قال ليه باللي انا ماشي بنت الشيخ ولكن ... ولكن انا مراتك.
سكت بلال وبقا تيفكر ورجع تكلم : محال واش اتيقو هاذ الهضرة واكيد غادي اجيو ابغيو اتأكدو من شكون انتي ... وغادي اسولو عليك. خاص ضروري نلقا شي حل من هنا لصباح.
حاولي تنعسي حتى لصباح ونتصرف.
سكتات ومشات تخشات في فراشها .... لكن قلبها كان مقبوض عليها .... وما عالم بخوفها وحالها غير الله سبحانه ..
KAMU SEDANG MEMBACA
هروب ليلة الزفاف💍مكتملة💍
Romansa💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
