• 𝐁𝐄𝐂𝐀𝐔𝐒𝐄 𝐎𝐅 𝐘𝐎𝐔... • | 𝐓𝐚𝐞𝐊𝐨𝐨𝐤 |ᶜᵒᵐᵖˡᵉᵗᵉ

|17|

පෙරලිලා හිටපු ඇදෙන නැගිටලා අරෙහෙ මෙහෙ දාපු රෙදි ඔක්කොම එකතු කරලා හේදෙන්න දාලා එයත් වොශ් එකක් දාන් එලියට ආවේ ගොඩාක් දවස් ගෙදර නොහිටිය හින්දා අස් කරන්න... ඔක්කොම වැකුම් කරලා අස් කරලා ඉවර වෙලා ඉස්සරහට ඇවිත් පොඩ්ඩක් ගරාජ් එකෙන් එලියට එන විදියට නවත්තලා තිබ්බ බයික් එක ඇතුලට දාලා ගරාජ් එකේ දොර වහලා දැම්මා..

ඇගට තෙහෙට්ටුවක් දැනුනත් අමුතු උද්‍යෝගයක් දැනුනු හින්දා ජන්කුක් ෆ්‍රිජ් එක ඇරලා බැලුවේ උයන්න මොනාද තියෙන්නේ කියලා.. වැඩිය මුකුත් තිබ්බේ නැත්තේ ජන්කුක් සාමාන්‍යෙන් උයන්නේ නැති හින්දා...

තමන්ගේ හිතේ අමුතු හැගීමට ජන්කුක් උත්තර හොයාගත්තේ උයන අතරින් පතර මගින් මග තමන්ගේ ඔලුවේ වටේ සැරිසැරුව ටේහ්‍යොන්ග්ට පින් සිද්ද වෙන්න... ඔලුව දෙපැත්තට වනලා තමන්ගේ ඔලුවෙන් ටේහ්‍යොන්ග්ව අයින් කරත් ඒ හැම වෙලාවකම ජන්කුක්ගේ තොල් වල ලාවට පුන්චි හිනාවක් ඇදිලා තිබ්බා...

උයලා ඉවර වෙලා ජන්කුක් එලියට එනකොට අහස හොදටම කලු කරලා වහින්න වැහි බින්දු දෙක තුන වැටි වැටි තිබ්බේ... ලා නිල් කලු පාටට තියන වලාකුලු අතරින් හුලග මැදින් වැටෙන වැහි බින්දු හරි ලස්සනයි... "ටික්" ගාලා තමන්ගේ නලලට වැටුන වැහි බින්දුවක් අතින් පිහදාන ගමන් ජන්කුක් ඔහේ ටික ටික වැඩි වෙන වැස්සා දිහා බලන් හිටියා... ඇගෙන් බාගයක්ම එලියේ හින්දා ඉස්සරහින් වැටෙන වැහි බින්දු ජන්කුක්වත් නාවගෙනම පහලට වැටුනා...

අන්තිමට ජන්කුක් ඇතුලට ආවෙ හොදටම තෙමිලා සීතලේ ගැහි ගැහි... ඉකමනට වොශ් දාගෙන ලොකූ ඇදුමක් ඇදගෙන ඉකමනට ඩව්ට් එක අස්සේ ගුලි උන ජන්කුක් ලී ජනෙල් රාමුව අතරින් එලියේ ලයිට් එලියෙන් පේන වැස්සා දිහා බලන් හිටියේ සීතලෙන් ගැහි ගැහි... කලුවර අතරින් ඇහුන එකම දේ උනේ තාලෙකට පොලවට වැටෙන වැහි බින්දු වල හඩ විතරයි... හැබැයි ජන්කුක්ගේ ලාවට පියවීගෙන ගිය ඇස් බයෙන් පිරෙව්වේ මහ හයියෙන් එලියකුත් එක්ක අකුනක් ගැහුවම.. ජන්කුක් අකුනු වලට ගොඩාක් බයයි... ඉස්සර චූටි කාලේ බය උනත් ගානක් නැති දේවල් දැන් ජන්කුක් තනියම හින්දා බයම දේවල් වෙලා... ඉස්සර අකුනු ගහනකොට ඔම්මා ගාව ගුලි උනාම ඒ ලස්සන තුරුලෙන් පිට කිසි දෙයක් ජන්කුක්ට ඇහුනේ නෑ.. ඒත් අද ජන්කුක්ට අකුනු ගහන සද්දෙ කන් හිරි වට්ටන අකමැති හඩක් වෙලා... ජන්කුක් තමන්ගේ කොට්ටෙන්ම කන් දෙක වහගත්තේ ඒ අකමැත්තටමයි...