နှောင်ထုံးဖွဲ့ရာ ပြယ်လေသတည်း
""မိစူး ဘာလုပ်နေတာလဲ""
""မမ""
""ဘာလုပ်နေတာလဲလို့မေးနေတယ်လေ သခင်လေးအတွက်မနက်စာပြင်ထားတာဘာလို့အထဲကိုမယူသွားပဲအပြင်မှာပဲရပ်နေရတာလဲ""
""မဟုတ်ဘူး မမ..သခင်လေးကအခုထိအခန်းတံခါးမဖွင့်သေးဘူး""
ပုံမှန်ဆိုလျှင်ပွင့်စူးသည်ဖြူသခင်အဖို့မနက်တိုင်းတွင်မနက်စာယူလာပေးလေ့ရှိသည်။
""ဘယ်လိုဖြစ်တာလဲ ပုံမှန်ဆိုသခင်လေးကသူအိပ်ရင်အခန်းတံခါးလော့ခ်မချတက်ပါဘူး..""
""အဲ့တာပြောတာပေါ့မမ..သခင်လေးတစ်ခုခုဖြစ်နေတာတော့မဟုတ်လောက်ပါဘူးနော်""
""လျှောက်မပြောနဲ့ သခင်လေးကဒီစံအိမ်တော်ကြီးထဲဘာဖြစ်နိုင်မှာမို့လို့လဲ ဖယ်..""
ဒေါက် ဒေါက်...
""သခင်လေး အိပ်ယာနိုးပြီးလား..မနက်စာလာပို့တာပါ""
ဒေါက်..
""သခင်လေး""
ပွင့်ဖြူမှအခန်းတံခါးဖွင့်ကာခေါ်ပါသော်လဲအခန်းတွင်းထဲမှပြန်လည်တုံ့ပြန်ခြင်းရှိမနေ။
""ဘယ်လိုလုပ်မလဲ မမ""
ပွင့်စူးသည်ပြင်ဆင်ထားသည့်မနက်စာအားကိုင်ထားရာမှစိတ်ပူသကဲ့သို့ပြောလာသည်။ပွင့်ဖြူမှာမူကြံတွေးနေရသည်။
""ဘာဖြစ်တာလဲဗျ""
အခက်တွေ့နေဟန်ရသည့်ပွင့်ဖြူနှင့်ပွင့်စူးညီအမနှစ်ယောက်အားမြင်သော်စကားဆိုလာသူမှာအလင်းငယ်ဖြစ်သည်။သူသည်မနက်ခင်းအလုပ်များလုပ်ရာတွင်သန့်ရှင်းရေးလုပ်ရန်အဖို့ဖြူသခင်အခန်းရှိရာသို့ရောက်လာခြင်းဖြစ်သည်။
""ရှင့်ကိုတွေ့တာနဲ့အတော်ပဲ..အခန်းတံခါးဖွင့်ဖို့တစ်ချက်လောက် ဘဏ္ဍာမှူးဆီမှာအခန်းသော့သွားတောင်းပေးပါလား""
""ဘာဖြစ်လို့လဲဗျ သခင်လေးတစ်ခုခုဖြစ်လို့လား""
ပွင့်ဖြူဆိုလာသည်ကိုအလင်းငယ်မှစိုးရိမ်ထိတ်လန့်ဟန်ဖြင့်အမေးထုတ်လာသည်။အမှန်ဆိုရလျှင်မည်သည့်ကိစ္စတို့ဖြစ်နေသည်အားလည်းပွင့်ဖြူသေချာနားမလည်သေး။
YOU ARE READING
နှောင်ထုံးဖွဲ့ရာ ပြယ်လေသတည်း
Romanceဖြူသခင်ဆိုသည့်ကောင်လေးငယ်သည် ××ခုနှစ်၊ဒီဇင်ဘာလ၄ရက်နေ့တွင်သေဆုံးခဲ့ရသည်။သူသေဆုံးချိန်ကသူ့အနားတွင်ထိုသူရှိမနေခဲ့။ ထိုသူမှအိမ်တော်သို့ပြန်ရောက်လာချိန်တွင် ဖြူသခင်၏သေဆုံးနေသည့်ကိုယ်ခန္ဓာမှာရေခဲတိုက်ထဲ သို့သိမ်းဆည်းထားနှင့်ပြီးဖြစ်သည်။ owncreation...နှင်...
