في غياهب القدر

الفصل التاسع والعشرون

انبهار.

إلى تلميذة

-مازلتِ في فَنِّ المَحبَّةِ طفلةً
بيني وبينكِ أبحُرٌ وجبالُ

لم تستطيعي بَعْدُ أنْ تَتَفهَّمي
أنَّ الرِّجَالَ جميعَهُمْ أطفالُ

إنِّي لأرفُضُ أن أكونَ مُهَرِّجًا..
قَزَمًا على كَلِمَاتِهِ يَحتَالُ

فإذا وقَفتُ أمامَ حُسنِكِ صَامِتًا
فالصَّمتُ في حَرَمِ الجَمَالِ جَمَالُ

كَلِماتُنا في الحُبِّ تَقتُلُ حُبَّنَا
إنَّ الحُرُوفَ تَمُوتُ حِينَ تُقَالُ..

(نزار قباني)

❈-❈-❈

برفقة زوجته الجديدة ولجا إلى شقته ثم افسح لها الطريق كي تلج هي الأخرى
رمقته بخجل ثم دخلت بخطوات مرتبكة لاحظها هو فابتسم بمشاكسة واغلق الباب من خلفها ثم استدار لها هاتفا بمر٠: جرالك إيه يا حاجة صباح انت مكسوفة مني ولا إيه ده أنا حتى زي جوزك برده.
ابتسمت على استحياء مغمغمة بخفوت وصل إلى مسامعه: أنا مش مكسوفة ولا حاجة قل لي الأوضة بتاعتي فين عشان عايزة...
قاطعها بسرعة: قصدك الأوضة بتاعتنا بلاش تغلطي في الضماير من أولها يا ست انتي أنا بقول لك أهو.
ابتسمت بارتفاع ورمقته بعدم تصديق فذلك الرجل يتصرف وكأنه في العشرينيات من عمره وليس رجلا شارف على الستين كيف له أن يكون بكل هذه الحيوية؟
من يستمع إلى حديثه ويتعرف على شخصيته يظنه شابا صغيرا فحقا كما  يقال ليس العمر سوى حبر على ورق وإنما العمر حقيقي يكمن في القلب والعقل معا.
ابتسم بخبث عندما أبصر ابتسامتها التي زادتها إشراقا ودنا منها على حين غرة يهمس امام وجهها: طيب بما ان الشمس والقمر ما ينفعش يطلعوا مع بعض تعالي بقى عشان افرجك على اوضتنا انا متأكد انها هتعجبك قوي وكمان اشتريت لك اوضة نوم من دمياط اه والله العظيم وصيت لك عليها مخصوص.
اطرقت رأسها ارضا ولم تعقب.
فبسط يده اسفل ذقنها ورفعه لتواجه عينيها خاصته هاتفا بجدية: اسمعيني كويس يا ست صباح انا بوعدك انك هتعيشي احلى ايام حياتك معايا هنا عايز اقول لك ان انا اخترتك مش عشان انت ست حلوة وبس لا كمان عشان انت ست جدعة وشريفة وبميت راجل زي ما بيقولوا وبنتك هاشيلها في عيني رغم اني ما كنتش حابب انها تبات عند اختك وولادها النهردة بس اختك هي اللي اصرت بقى عموما بكرة اجيبها بنفسي
ودلوقتي بقى ما فيش وقت للكلام ورانا حاجات كتير عايزين نعملها.
رمقاته بحدة ثم هرولت من امامه وهي تغمغم بكلمات غير مفهومة تاركة اياه يبتسم في سعادة ويهتف بمرح: طيب استنيني عشان اوريكي الاوضة.