My Five Element Lack You (MMtranslation)[Drop]

-2/Two-

တကယ်တော့ ဒီခန္ဓာကိုယ်ကို သူ‌ကူးပြောင်းပြီးနောက် ပျောက်ဆုံးမှုအနည်းငယ် ရှိတယ် ။ ယနေ့အချိန်ထိ ဒီကမ္ဘာက သူသေဆုံးခဲ့တဲ့နေရာနဲ့ တူညီလားဆိုတာတော့ အတည်မပြုနိုင်ပေ ။ သူရင်းနှီးတဲ့ ရန်ဇစ်ရုံးရဲ့နံမည်ကို လင်းကျူရွှေဆီက ကြားလိုက်တဲ့အချိန်မှသာ အမှန်တကယ် အသက်ပြန်ရှင်လာတာမှန်း သဘောပေါက် လက်ခံနိုင်ခဲ့တယ် ။ ကျိုးကျားယွီ အတွေးများစွာနဲ့ ဆိုဖာပေါ်မှာ ထိုင်နေမိတယ် ။

သူ့‌ခေါင်းအတွင်းက ကျီပါးကပြောတယ် ။

" မင်းဘာတွေ တွေးနေတာလဲ ။ "

" ငါ့ရဲ့ ခန္ဓာကိုယ်အစစ်က သေသွားပြီလား သိချင်လို့ပါ ။ "

" သေသွားပြီလေ ၊ အဲ့ဒါအမှန်ပဲ ။ မဟုတ်ရင် မင်းဝိညာဉ် ကို ငါဘယ်လိုလုပ် ခေါ်နိုင်မှာလဲ။ "

ကျိုးကျားယွီက ခါးခါးသီးသီးရယ်ပစ်လိုက်ပြီး သက်ပြင်းချကာ -

" အမှန်ပဲကို...... "

ကံကောင်းလို့ ၊ နဂိုတည်းက သူ့ဘေးမှာ လူနည်းနည်းပဲ ရှိလို့သာပေါ့ ။ သူ့မိဘတွေက သူငယ်ငယ်တည်းက ဆုံးပါးသွားခဲ့ပြီး အဲ့ကတည်းက ညွှန်ကြားရေးမှူးနဲ့အတူ မိဘမဲ့ဂေဟာမှာ ကြီးပြင်းလာခဲ့တာ ။ လွန်ခဲ့တဲ့ နှစ်အနည်းငယ်လောက်ကပဲ ညွှန်ကြားရေးမှုးက နေမကောင်းဖြစ်ပြီး ကွယ်လွန်သွားတယ် ။ ကျန်ရှိနေတဲ့တွယ်တာမှုတစ်ခုပါ ပြတ်တောက်သွားပြီပဲ လို့ တွေးပြီးယူဆလိုက်တယ် ။ သူ လုံးလုံး တစ်ယောက်တည်းဖြစ်သွားတယ် ။ အဆိုးဆုံး အပိုင်းက သူကား accident မှာ သေဆုံးသွားတော့ ဈာပနပွဲကို ကူညီစီစဉ်ပေးဖို့ သူတောင်မသိတဲ့ တစ်စုံတစ်ယောက်ကို အလုပ်ပိုစေခဲ့သေးတယ် ။

" ကြိုးစားပါ။ လင်းကျုရွှေ အသက်အန္တရာယ် ကင်းတာနဲ့ မင်းလုပ်ချင်တာလုပ်ဖို့ ဘယ်သူမှမတားတော့ဘူး ။ "

ကျိုးကျားယွီက သူဒါပဲလုပ်နိုင်ပုံရတယ်လို့ တွေးမိတယ် ။

ဘာကြောင့်ဆို ဒီနေ့အတွင်းမှာပဲ ရှန်ရိချောင်နဲ့ရှန်အာ့ပိုင်တို့က တုန်လှုပ်မှု ပြင်းပြင်းထန်ထန်ခံစားလိုက်ရတာကြောင့် နှစ်ယောက်လုံး စိတ်ပင်ပန်းနွမ်းနယ်နေကြတယ် ။