حتي القصايد في عيونك احتارت

٢

بيت الجد سعد >>

الجده ساره: والله اليوم قهوتنا غير يقولون سلمان جاء
ام طلق : يعني العيال اكيد جو معاه
شوق بطفش: جده متي يجون حريم اعمامي من الظهر وانا اهوجس لحالي
الجده ساره: والله انك صادزه تأخرو روحي ازهميهم (ناديهم ) وتعالي
شوق وقفت بفرح وراحت لبست عبايتها وتلثمت ب الطرحه وطلعت متوجه لبيت عمها حاتم ابوسلمان يبعد عنهم بيتين فقط

دقت الباب والجرس وراء بعض

سلمان بأنزعاج : من ذا الي بدق الجرس تسذاء
نواف وقف : بروح اشوف دقايق

فتح نواف الباب وناظر لشوق وعرفها من لثمتها وعيونها مسك الضحكه : هاا شتبين
شوق ناضرته :اقول تكلم زين لو اني جيت بيتك ليلتها قول شتبين هاذا بيت عمي ابعد منا ابي البنات
نواف بستفزاز: انقلعي بس البنات نايمين
شوق صرخت : ملاااااااااك
نواف نط من صراخها ودخل البيت : ملااك تعالي المجنونه بنت عمى تبيك
ملاك وقفت : المجنون انت يااخي العزيز
سلمان وقف: يالله قومو اوصلكم بيت جدي
سهم رفع حواجبه : دقيقه نسيت ويحده ماسلمت عليها
سلمان بستغراب : مين
نواف ضحك من فهم سهم : مارلينا
مارلينا شغاله : نعم نهواف ، شهقت ، سولمااان انت في تعال بيت متي
سلمان ضحك : اوهه مارلينا كيف انتا كويس ؟
مارلينا : سولمااان انا كويس انتا كويس
سلمان ضحك : اي كويس ، يالله امشو بنروح لجدتي
خديجه طلعت من الغرفه وهي لابسه عبايتها : يالله خلصت
حلا التفت لها
نواف مسك الضحكه ويناظر حلا
حلا ناظرته وانفجرو الاثنين ضحك
خديجه بستغزاز: عمىى يع مقرفين مراااا شذاء التخلف
دخلت شوق وملاك
شوق بقهر : مرااا اجل اقول دحدري منا بس جدتي تبيك مدري وش شايفه فيك ، التفتت، اوه هلا ولد العم كيفك
سلمان صد : بخير الحمدالله يالله مشينا
ملاك: دقايق نلبس ونلحقكم
خديجه : لايعمري مو منتضرتكم
شوق ماقدرت تمسك اعصابها : طيري بس لاااجيك وااعلمك كيف تنتضرينا
خديجه صدت ومشت تجلس بقهر
نواف ضحك وطلع مع سهم وسلمان

شوق رمت العبايه : اهههخ يبنات وش ذا حرر مرااا
حلا ضحكت : توك تضحكين علي مرااا الحين تقولينها ؟
ملاك طلعت فستان ابيض فيه ورود بدون اكمام : بلبس ذاء
حلا شهقت : بدون اكمام ؟ خليه في مناسبه كبيره
شوق ضحكت : حلا تكفين اسكتي اليوم كل اهل الديره عندنا يعني مناسبه كبيره ومره
ملاك رجعت الثوب وطلعت ثوب اسود برضو بدون اكمام : خلاص ذا
شوق : واوووو يهبل ابي فساتن من عندكم مافيه ارجع البيت واجيب واجي
ملاك مشت للغرفه الثانيه تبدل: طبي وتخيري الدرج درجك
حلا : بروح البس ، اي صح ماعلمنا ملاذ وشيم وتهاني
ملاك بفهاوه : نسيتتتتتت تكفين روحي قولي لهم والبس مع شيم
حلا : طيب عطيني عبايتك وطرحتك ، وطلعت متوجهه لبيت ابو بهاج

سلمان دخل مجلس الديره الي يضم شيخهم ابو سلمان

دخل بهيبته المجلس : السلام عليكم يااهل ديره السعد
وقفو الرجال يسلمون علي سلمان
سلمان ونواف وسهم اتجهوو لصدر المجلس
سلمان جلس يمين ابوه وسهم يسار ابوه ونواف جلس جنب الجد
واحد من الرجال : ياشيخ الشيخه بعدك بتسلمها من
ابو سلمان التفت له : الشيخه بتروح ل سلمان
سلمان رفع يده معارض؛ الله يحفضك ياشيخ ويطول بعمرك مراح اخذ الشيخه وابوي عايش عاسي مااخذتها وراسك يشم الهواء
الجد : اليوم يااهل ديره السعد افرشو الزوالي وثبتو اللمبات وجهزو سيوفكم بنرقص ونفرح بجيه سلمان
سلمان : مثل ماقال جدي حياكم الله من صغيركم لكبيركم

انصرفو الرجال كلهم وبقي في المجلس طلق وبهاج وسلمام والجد وسهم ونواف وابوسلمان وابوطلق

ابوسلمان حذف سلمان ب الفنجال وانكسر علي جبهته وبصراخ وغضب: تكسر كلمتي قدام الرياجيل ياولد ال****
فز طلق وبهاج لسلمان يشوفون الدم الي سال من جبينه والجرح
سلمان رفع راسه ببرود وجمود ومسح الدم الي تسبب فيه كسر الفنجال : محشوم يبه ماقلت اي شي غلط ولا اخطيت بكلامي واعيد وازيد في هاذا الكلام مااخذ الشيخه وانت حيي ، وقف ببرود : يلا ياجد بروح ل جدتي اسلم عليها ، مشي بجموده وهيبه وطلع من المجلس وجبينه ينزف دم لامسحه ولا غطاه

العيال لحقوه بصمت يمشون معاه
طلق بخوف: سلوم جرحك ينزف
سلمان : عادي خله ينزف مايعور
سهم بهدوء: مابيفرق معه انجرح ولا لا لاتشيلون هم
بهاج بقهر : نايف الكلب وينه سئلت جدي عنه يقول مايصلي الجماعه في المسجد وربي دشر ومره
نواف ضحك : تلاقيه في سطوح بيتكم مع اخوه
بهاج عقد حواجبه بعدم فهم : ايش؟
نواف ضحك: اقصد مع توؤمه شيم معاملها ولد وكأنها اخوه مو اخته
بهاج : ودي اقول كلامك خطاء بس للاسف كلامك صح
طلق : كيف اصارحكم اني مامريت اهلي ولا سلمت عليهم
بهاج : زيي
سلمان : تلقونهم متجمعين عند جدتي يالله ندخل ،، سلمان تنحنح : ياااهل البيت درب درب

طلق ضحك: وش درب درب يقولون كذا : ياولد
سهم بهدوء : لا يقولون في احد
نواف : لالالا يقولون كذ وصرخ: طريققق
بهاج : برضو لا يقولون وبصراخ : عايدي ندخل
الجده ساره بأنزعاج : جعلكم الي ماني بقايله ادخلو مافي احد
ام طلق : هلا والله بعيالي(ملاحضه ام طلق اخت ام سلمان وام بهاج)
سلمان سلم علي راس خالته : هلافيك ياخاله بشريني كيفك
ام طلق : بخير دامك بخير
سلمان توجهه لجدته : هلا هلا والله بجدتي ياجنتي كيفك بشريني عنك
الجده ساره : بخير ياوليدي دامك بخير
العيال كلهم سلمو عليهم وجلسو
ام طلق قربت الصحون لسلمان وصبت لهم قهوه : تقهوو يعيال
طلق بغيره : يمه !!!
ام طلق : هاه
طلق : عيالك هم ولا انا ولدك الوحيد!!!
ام طلق : الثنين

حلا لبست عبايتها وطلعت تمشي لبيت بهاج
فتحو الباب احمد وشيم بس ماشافو حلا جالسين يتدافعون من اول يفتح الباب
حلا تخصرت وناضرتهم : ياهوه انت وهي علامكم ؟ وخرو بدخل
احمد تنحنح : اه اسف ايتها الفتاه المزعجه
شيم : صحيح، حلاااااااا
حلا: شيمممم ، حضنو بعض الثنتين
احمد : لاوالله
شيم سحبت حلا : تعالي سلمي علي امي وتهاني وملاذ
احمد بقهر: سحبتي علي ياحيوانه ، وطلع من البيت