حتي القصايد في عيونك احتارت

48

شوق وعروب في غرفه
عروب لبست بيجامه نوم وشوق لبست قميص روز وناثره شعرها
عروب بصدمه: دفشه ويععع بدويه
شوق : اسمعي ورب المصحف تراك نايمه جنبي ان شفتك تتكلمين ذبحتس
عروب شمقت ونامت علي طرف السرير
شوق ضربتها ب الوساده وطلعت براء تتمشي في الحوش بعد ماسلمى طنشتها ونامت
نايف واقف يدخن ومن شافها انصدم هي شوق الي يحبها من سنين بس كيف صارت احلا اكثر
شوق تمشي وفي يدها كوب شاهي ومنجد طفشانه وتتحلطم
نايف وااقف يطالعها ومبتسم
نواف طلع وشافها واقفه وناضر نايف يناضرها مشي بدون تفكير وغيره وسحبه مع رقبته وبداء يضربه
شوق غطت شعرها ب الشيله وبصدمه ركضت لهم : هيهه وش فيكمم
نواف ضربه ونايف علساس قدام شوق رجال بداء يتاضرب هو ونواف
شوق جت من وراء نايف ورشته ب الشاهي وهو بعد بصدمه
نواف مسك الضحكه
شوق بهواش: كسرته الله يكسرك يسلوقي
نايف بصدمه: وانتي تتهاوشين دايم معاه وتكرهينه ليه تدافعين عنه !!
شوق كشرت: انا ولد عمي علي الغريب علشان كذا غيب عن وجهي
نايف انقهر وناضر نواف: والله ل اخذها من قلبك والله
شوق : انقلع بس
نواف ضحك: اسمع كلام شوق وانقلع يلااا دحددر منااا بس
شوق بعد ماراح نايف ناضرت نواف وبتصريف جات بتتكلم
نواف ضحك: عايدي خل نكابر زياده الين الله يفرجها ، مشي
شوق ضحكت ودخلت البيت وشافت عروب نايمه ورفستها ونامت مكانها

ملاذ ك العاده مثل ماعرفنها تحب الليل والرسم نزلت ل الحوش الخلفي تقريباً مهجور وجلست هي وشاهي واوراقها ترسم وتكتب قصايد
سلمان كان بيجب حطب من الحوش الخلفي ويشب النار وحصل ملاذ جالسه ومشي لها: وش تسوين لحالتس
ملاذ ناضرته : ولاشي ارسم ك العاده
سلمان : زعلانه ؟
ملاذ فهمته : لا
سلمان : منجد ملاذ تعرفيني لاعصبت مااعرف احد قدامي وانتي ذاك اليوم عصبتيني وضلمتيني مع ورعه
ملاذ : هه يعني نسايم ورعه ؟؟ ،، سلمان مايهم نسيت الموضوع
سلمان : خطبتس من جدي وبكلم بهاج وجيت اخذ رايك موافقه؟
ملاذ ناضرته وقالت :
              نـتـزاعـل الــبـارحـه و الــيوم نـتـراضـى
                    الــشـوق فــينا يـنـسـينا مـواجـعنا

                   حـنـا اتـفـقـنا عن الـزلات نتغاضى
                       مهما ابتعدنا مشاعرنا ترجعنا

ابيك حب ما إمتلك قلب انسان
وابيك قلب مانبض غير فيني

وابيك شعر غامض دون عنوان
محد قراه إلا رموشي وعيني
سلمان ابتسم وناضرها ومشي وناضرها
ملاذ قرت الجواب من عيونه وكملت رسمتها

حلا وشيم في نفس الغرفه جالسين يسولفون
شيم: شرايتس نروح البقاله
حلا صغرت عيونها: حقت الهندي ذيك بعيده مرهه
شيم وقفت ولبست عبايتها ولبست كاب : عايدي يبنت قومي وماراح نتغطي مافي احد غير الهندي
حلا لبست عبايتها ونفس كاب شيم ولبست كمام : والهندي محرم ؟
شيم بطفش: اي خلصيني بس
نزلو الثنتين بشويش وتسحبو براء البيت
شيم انتبهت ل طلق جالس وعنود علي الجدار وطلق يطالعها وهي تهوجس في جهه ثانيه : غربان الحب شوفيهم
حلا حزنت: تصدقين من يوم وصلنا وعنود مادخلت البيت ولا حرمه شافتها وتتجنب الحريم والكل حتي احنا بس مو مره
شيم : منجد بس يلا امشي نطلع البقاله بسرعه قبل لايجي اخوتس نواف يفعص ابو الجو
مشت حلا وشيم
شيم طلعت جوال
حلا شهقت : ياويلتتتسس وربي لو يعرفون يدفنونك
شيم : اقول انطمي تراه معاي له ٦ سنين ولحد دراء
حلا شهقت زياده: فااااااااررس خطيبتس
شيم خبت الجوال وراء ضهرها وابتسمت بتوتر
حلا همست: التوتر عندك كيف خطيبتس الي ماعمرتس شفتيه والخوف انه شاف الجوال
شيم : انطمي انا مو جايبه حتي طرحه اغطي وجهي انتي شعرتس وجهتس مغطيتهم ف انطمي لئني ببكي
فارس ماعرفهم ومشي عندهم : عفواً مافي في الحي الي مزرعتنا انتم من وين جاين
حلا بخبث: اي هاذي شيم شيم شيم وانا عمتها سلمى
فارس الي كان يناضر الارض ويكلمهم من قالت شيم رفع راسه يطالعها وتنح
شيم ابتسمت ويدينها وراء ضهرها ومتوتره
حلا تسحبت ونحاشت للبقاله
شيم دعت عليها
فارس بنحراج : انا فارس انتي شيم صح
شيم كانت مبتسمه: اي انا شيم
فارس : ليه ماطلعتي في النضره الشرعيه
شيم : مدري جدي قال لوووء
فارس هز راسه وكان متنح فيها وهو يتكلم : ليه مو متحجبه
شيم بخوف من نضراته: معرف

في الصباح >>>
العجايز قيمو البنات والبنات لبسو ونزلو
شوق صحت وشافت عروب فوقها ودفعتها : الله يلعنتس ماحلت النومه الي فوق راسي ورجلتس فوجهي مريضه
عروب صحت بألم: وانتي مغير ترفسيني طوال الليل مانموووت
شوق دخلت الحمام وتوضت وصلت ولبست بنطلون وتيشيرت ونزلت وشافت ملاذ لابسه فستان مخصر وجالسه مع العجايز وملاك متكشه ك العاده وتكلم بجوالها ( المتزوجه تاخذ جوال عندهم ))
شوق تدور سلمى وحصلتها نازله وهي لابسه جلابيه وسيعه وشعرها منكوش وطفشانه : يبنت اللبسي زين فيه حريم
سلمى : عساهم الماحي (الموت) وش دخلني بهم تراء مانمت شوي البس
سهى ضحكت ونزلت لابسه شورت وبدي : عجزت فيها
شوق شهقت: العجايزز لايشوفونتس بيدعون عليتس
سهى : مع نفسهن
نسايم نزلت حاطه روج احمر ومتكشه كنها رايحه عرس ومناكير وكشختها مبالغ فيها وريحه العطر قويييه تهبل
ملاذ ماشافتها ومشت عند البنات منحاشه من جلست العجايز
نسايم همست لملاذ: سلوميي اكيد بيطلع ويشوفني اممم انتي شوضعك بيشوفك بفسانك ذا قميص نوم وربي
ملاذ ناضرها : لو البس خيشه ولا اطلع اعرض نفسي لرجال
نسايم انقهرت: وقصايدك؟ له
ملاذ : حب وكلام ماجيت وطلعت قدامه وقلت شوفني واكره فلانه قلتهه!! سويته !! لا ف اهجدي احسن لتس لئنه بيشوفك بضاعه ولاترخصين نفسك لرجل
نسايم طنشتها وجلست
ملاذ استغفرت: عكرت جوي الله يشيلها من الارض
شيم نزلت هي وحلا: وين عنود؟؟
ملاذ: منجد وينها من امس مو فيه وين نامت ؟؟؟

نرجع لليل>>
طلق بنعاس: قومي ادخلي داخل وبروح ارقد
عنود ناضرته ل اول مره وحطت عينها بعينه
طلق سهى يتأملها
عنود اشرت ب يدها بمعني روح بجلس
طلق متنح ويتأمل
عنود لاحضت نضراته ومااهتمت
طلق رجع للواقع: وش بتجلسين هنا لحالتس وعيال الزق مسفر فيه شجاع واخوه وربي مايوفرون قومي
عنود طنشته
طلق شالها
عنود ناضرته بصدمه وحاولت تنزل بس وزنها وطولها سهل علي طلق انه يشيلها (( وزنها٣٣ طولها ١٥٤)) عنود تحاولل تدفعه بس طلق ضحك وشد عليها : علشان مره ثانيه تاكلين وتطولين احس اني شايل خلف وعلشان مره ثانيه ماتتجاهلين وتعاندين اشيلتس بين احضاني
عنود جرحته ب الشفره في رقبته
طلق رمها ومسك رقبته ب الم
عنود وقفت وركضت براء المزرعه وكانت مرهه سريعه لدرجه مو متخيلينها
طلق من رفع راسه شافها طلعت من البوابه وركض وراها خاصه انها بدون عبايه
عنود تركض اكثر وجروحها تنزف وملتهبه من زماااااننن والحين تحركتتت اكثر ف نزفت عليها وهي لها يومين مااكلت غير تمره وحده ونص كاسه مويه ومانامت طاحت مغمى عليها
شهق طلق وركض لها وحاول يصحيها ماقدر وشالها وتوجه للملحق الي وراء بيتهم فيه سرير صغير وحمام وكان منضف دخل ونزلها في السرير وراح يجيب من الدرج معقمات وشاش يعقم الجروح وب الفعل عقمها وخلاها تنام ونام هو في الكنب

ملاذ : بنات البنت لها يوم مو ماكله شي ولا احد شافها
سهى طلعت علساس تدورها ونست ان لبسها فضيحه
عمر ونواف واحمد يمشون ونواف واحمد سحبو عليه وراحو مع تركي وشافها وانصدم ونزل نضره للارض
سهى مشت عنده : اختك وين ؟
عمر : قبل اختي تغطي يحرمه مالتس تسذاء
سهى شهقت ودخلت البيت تركض
عمر ضحك واستوعب ان عنود مختفيه وركض يدورها

(انتهي )