العيال جالسين حول النار يسولفون
بهاج ناضر سلمان : طلعت شاعر ياملعون
سلمان ابتسم : وش رايك بس
نواف : احسك مو شيخ !
سلمان : لاعاد تحس
نواف : والله اتكلم جد لو اني شيخ ماكلمتكم
سهم : حضك يعرفلك
طلق : سلمان قول قصيده
سلمان :
شخصين جنّب عنهم وابعد خطاك
لو ماتخاوي في العمر غير ضلك
الي تسوي به جميل ويجفاك
واللي يسوي بك جميل ويذلك
طلق رد عليه :
الــحاجــه الــي دونــهـا مــنـت ناس
لـو هـي دواء عــيـنـي تـنـازلــت عنها
رد سهم :
اللـيـالـي فـانـيه والـعـوافـي مـاتـدوم
والــوجـيـه الـضـاحـكه ضـيـقـها بصـدورهـا
لاابـتـداء ليل الحزن وانـفـرا جـيـب الـنـجـوم
اسـتـضاقـت واسـتبـاحـت جـمـيـع امـورها
والقـنـاعـه كنـز والـنـاس مـعـطـى ومـحروم
والـحـظـوظ احـيـان بـالـوقـت تـلـعـب دورهـا
سكتو العيال بعدها يناضرون النار بهذوء
عند ام طلق : كيف تزوج هاذا ومتي وكيف ومن اهلها
ابوطلق قال لها السالفه كامله
شوق : امانه يبه يعني خلاص ذي زوجته ؟ مو مسوين عرس
ابوطلق : انتي ماهمتس الي الاالعرس
ام طلق : ياويلي عنها البنت صغيره مسكينه
ابوطلق : علشان كذا حاولو تسايرونها وتحنون عليها مالها علاقه بسواة ابوها وجدها
طلعت غرام ب البجامه
سطام كان منسدح يفكر ويهوجس ومن انتبه لها غطئ وجهه ب البطانيه وسواء نفسه نايم
غرام وقفت قدام التسريحه تحاول تفك البنس من شعرها
سطام يطالع فيها بهدوء ويراقب كل حركاتها
خلصت ومسحت المكياج ورفعة شعرها كعكه ومشت للسرير ووقفت تناضر سطام بهدوء
سطام استغرب وماتحرك
غرام نامت علي طرف السرير وسحبت اللحاف سطام سحبه غرام سحبته اكثر سطام سحب اللحاف بس هاذي المره غرام كانت متمسكه فيه وانسحبت معاه
سطام انصدم : انتي ريشه؟
غرام بعدت بنحراج
سطام : كم وزنك ؟
غرام :٣٨
سطام جلس بسرعه : ايش!!! ٣٨
عند البنات >>>
جالسين في الغرفه يسولفون
سلمى : بترجعون بيتكم ؟ شوق الحيوان راحت
شيم : انتي تحبينها وكل شوي متهاوشات !!
حلا: يعمري تعرفين عباره من الحب ماقتل ؟
شيم : ايي
حلا: تطبق عليهم مستحيل يحضنون بعض او يمدحون لبس بعض
ملاك : حلا اول مره تقولين شي صحيح
سلمى: اقول اسكتن بس شرايكن ندوج في الديره؟
ملاذ وقفت : تم يالله عطوني عبايتي
أنت تقرأ
حتي القصايد في عيونك احتارت
Poetryاتمني ان ينال اعجابكم الكاتبه : هيام العتيبي ✍🏻 حسابي تيك : sst511ii اي تعليق سلبي ينحذف دع لك اثر في الكومنت 🤎🤎
