حتي القصايد في عيونك احتارت

21

غرام جلست
ملاك بحنيه : غرام وش فيتس متنكده وتبكين سطام قال لتس شي؟
غرام بخوف نطت : لالالالالا والله ماقال لي شي ولا سواء اي شي
ملاذ: طيب اهدي تراء سطام طيب وحنون والله ماله حس واسلوبه حيوي وينحب
غرام سكتت
تهاني : غرامي ياحياتي اهديئ تراء سطام طيب وحبوب وربي ماعمره خطاء علي اخواته مستحيل يغلط عليتس
غرام بدموع : مابتفهموني
ملاك : بنفهمك ياغرام انتي مثل اختنا!! واكثر
ملاذ : اكيد اختنا وتراء بكره بنروح نكشت عند الحلال وبتكونين معنا وبنستانس كثير ونحب بعض اكثر وانتي اهديئ
غرام ابتسمت مجامله : تمام
ملاك: تنزلين معنا تحت ؟
غرام: لا بنام

بعد مرور يوم
الجد : بسرعه تقسمو علي السيارات
ملاذ كانت متلثمه هي وملاك والباقين منقبات
ملاذ : نروح ايات سياره ياجد ؟
سهم : سيارتي مليانه عفش توسع ٢
نواف : انا برضو توسع ٣
احمد وتركي : احنا بنروح مع بعض
شيم بقهر ماقدرت تسكت : وجع احمد
احمد نسيي شيم وتو تذكرها واكيد زعلت منه: انا وتركي وشيم
نواف : انا وخالاتي وجدتي الرائعه
الجده : يحبيلس يوليدي
بهاج : خواتي والي بتجي تجي
سلمان جاء بسيارته : سيارتي ياجد ملينانه عفش توسعني انا وانت وعماني
ابو طلق : شيم وحلا وتركي واحمد في سياره وبهاج وملاذ وشوق مع بهاج وملاك تهاني مع سهم بقيي احد ؟
سطام : خير انا نسيتوني مو علشاني تزوجت سحبتو علي؟
ابو طلق : انت ومرتك فسيارتكم ارتحت
سطام : اي حسيت بأنتماء
بهاج كشر: ملاذ
ملاذ : عيوني
بهاج : ماني عيونك جيبي ملاك معنا
ملاذ وسعت عيونها : بهاج!!! خير
شوق ابتسمت : ابشر ياولد العم
بهاج : كفو
شوق : كفوك ونطت سياره سهم

سهم : خير وش فيتس انتي مع بهاج ؟
شوق : ملاذ تبي ملاك جالسه تبكي
سهم : طيب انتم لحالكم معي؟
شوق : ياانسان ياذكي طلق خله يجي معنا وانتهينا

ملاك ركضت وركبت سياره بهاج وشافت ملاذ قدام : ملاذ فيتس شي تبكين انتي؟
ملاذ بقهر من بهاج سوت نفسها تبكي : اييي
ملاك فتحت الباب الي قدام لئن ملاذ جالسه قدام : ملاذ وش فيتس
ملاذي فيتس شي ليه تبكين
بهاج كان يطالعها بهايمم وصل اقصي درجات الهيام والحب
ملاذ نزلت : تعالي نجلس سواء وراء ماابي اجلس قدام مع الحيوان بهاج
ملاك مانتبهت له ومن قالت ملاذ اسمه ناضرته وتلاقت عيونهم مع بعض وتذكرت اخر موقف وتوترت وركبت مع ملاذ وراء

حركو كلهم جهت الحلال اقصئ الديره

احمد يسوق وتركي جالس يسولف
وشيم تطالع تركي بكرهه وغيرهه
حلا بما انها تمون علي احمد: احمد احمد
احمد اساس كان فرحان ان حلا ركبت معاهم وتماسك ماقال عيوني ولا لبيه : هلا سمي
حلا: سم الله عدوك بس مر البقاله
احمد: ابشري
شيم ماقدرت تسكت وبصوت باكي : ابشري اجل وانا ساحب علي من امس رايح جاي مع بعض الناس الله يلعنهم واختك ساحب عليها
والله مااسمحك يااحمد والله مااسامحك طيب طيب هين هين
تركي بصدمه سكتت ولاتكلم
احمد وقف السيار ونزل يراضي حلا : حلاوي يااوخيتي ياحياتي وربي كله من تركي وانا ماعمري سحب عليتس
تركي التفت لهم : وش دخلني انا الحين
احمد: لاتناضر
تركي : سم

سطام وغرام :
سطام استغرب من هدوئها من امس لااكلت شي ولا تكلمت ولا حتي شربت ماء : غرام
غرام ناضرته بصمت
سطام : تبين نمر سوق الديره تشترين اي شي وبعدين نروح الرياض نشتري شرايتس ؟
غرام : الي تبيه عادي
سطام توجهه لسوق الديره ونزلت غرام واختارت جلابيه وفستان اختاره سطام وبجامه
غرام بتردد: سطام ماالبس كذا
سطام : هه علساس الفستان يوم العشاء مو عاريئ اكثر من ذاء
غرام سكتت وراحت السياره

سطام استوعب: الله يلعني وياخذني الحين زعلت انا يالله يالله خليتها تتكلم معاي

وصلو سلمان والجد وابو طلق وابو تركي
وسهم وطلق وتهاني وشوق
احمد وتركي وحلا وشيم
كل هذولي وصلو ونصبو الخيام
الجد : يسلمان بهاج والبنات ماجو ؟
سلمان علي احر من الجمر يمشي : ملاك معاهم ؟
سهم : اي

سياره بهاج >>>
ملاك وملاذ يسولفون
بهاج كان مندمج بسوالفهم : وصلنا يالله انزلو
ملاذ نزلت وملاك نزلت
سلمان ناضر ملاك واشر لها
ملاك مشت عنده : عيوني سلوم
سلمان مشي معها : انا قلت لك تروحين مع اخوتس ليه رحتي مع بهاج؟
ملاك : سلوم رحت معاه لئن ملاذ تبكي ورحت هديتها ماهان قلبي اتركها
سلمان تلخبط: طيب وليه تبكي ؟
ملاك: ماادري بروح اسئلها

في الليل >>>
العيال جالسين حول النار يسولفون
والبنات كذالك جالسين يسولفون حول النار والجده تقول لهم قصص من ايام زمان
ملاذ وغرام وملاك جالسين جنب بعض
حلا : قومووو يبنات ياجده خالاتي تعالو كلكم بنمشي سواء
وقفو الكل وراحو
غرام جلست تطالع في النار بهدوء
ملاذ: غرام تعالي معنا
غرام: لا مالي خلق اروح يملاذ روحو انتم
ملاذ مشت معاهم وراحت : شوق قولي ل اخوتس يروح ل غرام
شوق راحت عند مخيم الرجال : سطام
سطام وقف : هلا
شوق بهمس: شوف غرام لحالها بنروح نمشي، وركضت تلحقهم
سطام استغرب وراح لها : غرام
غرام سكتت

سطام : ليه جالسه قدام النار ؟
غرام بكت وقالت بهدوء:
صـرت اتـعـمـد جـلـسـتـي جـانـب الـنـار
عـشـان احـصـل عذر لـدمـوع عـيـنـي

واذا سـألـونـي وش بـلا دمـعـك انـهـار
قــلـت دخـان الـحـطـب مـبـتـلـيـنـي ،
نزلت راسها وبكت بصمت ك العاده ))

سطام ناضرها ووقف وجلس جنبها وحضنها بهدوء

غرام انصدمت وحاولت تبتعد عنه بس ماقدرت وجلست وانهارت تبكي
سطام ناضرها: غرام تبينا نمشي نروح اي مكان نغير جو وتغيرين نفسيتك ؟
غرام بهدوء : ابيكم كلكم تروحون عني مااحتاج احد حتي انت مااحتاجك
سطام وقف وراح بصمت