حتي القصايد في عيونك احتارت

33

سطام دق الباب: ادخل ياغرامي بسرعه تعبت من الوقفه براء ينتضروني الرجال
غرام تعطرت وقفت تاخذ الروج وتعدله؛ ادخل
دخل سطام ووقف يناضرها وهي معطيته ضهرها وتحط الروج

غرام ابتسمت : سطام تكفى بعد العشاء ننزل الرياض
سطام كان واصل اقصى درجات الحب لهاذي الانسانه : ابشري لاتقولين تكفي بس بعطيك بيت شعر كتبته لك من زمان
غرام ابتسمت ؛ قول
سطام ذاب اكثر: لاتبتسمي !! وربي مقدر استحمل الجمال هاذا
ضحكت غرام : وربي خلاص بس قول قصيدتك
سطام قال وهو يناضرها بحب:
إني احبك قاصداً متعمداً
سلمت قلباً هام في عينيك
عمري فداك خذيه لاتترددي
انتي الحياه وحلوها بيديك}
ابتسمت غرام : والله انك كل هلى واخر هلى لو تروح يسطامي انت اضيع
سطام حضنها : انتي غرامي وحبي كله لك انتي وحدك ماابي اي بنت حواء بعدك انتي كل دنيتي وحياتي وشوقي وحبي كله لك وحدك ياغرامي انتي
غرام ابتسمت بحب لهاذا الشخص: يالله عاد مشاعر اخر الليل طلعت الحين بروح للبنات تأخرت
سطام نزل راسه وهو يضحك : روحي وربي لو تجلسين دقيقه تصير علوم ماتعجبتس
غرام ناضرته بعدم فهم : وش سويت ؟
سطام فهم انها ماتعرف الامور هاذي : اقصد يعني بعدين اعلمتس روحي عندهم
غرام : يالله اجل اشوفك بعد العرس

دخلت سلمى : بسرعه يملاذ القهوه البيت امتلاء ضيوف
دخلوالبنات المطبخ ماعاد تهاني وملاك
حلا : وش رايكن في فستاني؟؟
ملاذ : يهبلللل مره انيق عليك انتي وشيم ، حلا وشيم لابسين فساتين منفوشه احمر وشكله مره بيرفكت،
شوق لابسه فستان ازرق ماسك من الصدر ومفتوح الضهر ومكسر وطالع يهبل عليها : بنات بسرعه ندخل نسلم علي الحريم وربي جدتي تذبحنا
ملاذ رفعت يدينها : مالي دخل لاتناضرون تدخل او وحده سلمى
سلمى شهقت : طيري بس معصى ثم معصى ثم معصى
حلا وشيم : بندخل احنا وانتم ورنا
وقفو البنات عند باب الحوش (كانو فارشين الزوالي في حوش الجد الكبير والحريم من كثرهم ماكفى لهم الحوش )
دفعو ملاذ ودخلت وهي تتحسب عليهم ودخلو بعدها
ملاذ مااستغربت هاذا الشيي لئنها مقتنجعه ميه ب المليون انها جميله وتلفت واكثر حريم يبونها لعيالهم وميتين عليها واكثر من واحد خطبها بس رفضته لئنها تبي بيرها ماتبي غيره

ساحه الديره سلمان واقف والجد وابو طلق وابو تركي والعيال وراهم يسلمون علي الرجال ويرحبو فيهم
ساجي ( شاب من شباب الديره ) : ياشيخ الفرقه وصلت
سلمان اشر : الله يحيهم
اصطفو صفين الرجال كلهم وبهاج واقف ب بشته وسهم ب بشته
احمد اخذ السيف : اناا اخو بهاج صدز
نواف اخذ السيف الثاني: انااا اخو سهم
نواف كان يعرض ب السيف بيده اليسار ويالله رافع السيف
اما احمد وتركي كانو يرقصون ويعرضون ب السيف
بهاج ناضر سلمان : ماودك ياشيخ ترقص في عرسي
سلمان ناضره وابتسم : ابشر ياابوفهد اعرض لك ، نزل بشته واخذ السيف من نواف وبداء يعرض هو وتركي