الماسة المكسورة

الفصل الثالث (بين الحقيقة والخيال )

*~_*روايةالماسةالمكسورة💎💔
بقلمي_ليلةعادل✍️🌹*_~*

فرولاتي الحلوين أتمنى تفرحوني النهارده وألاقي تفاعل أحلى من اللي فات اموووواه💕💓🌹

{~''يمكن أن تكون بعض الأشياء حقيقية وخيالية في نفس الوقت ، يمكن أن تكون بعض الأكاذيب صحيحة، وقد يتم استعادة الإيمان المكسور''~}
                                        جوان هاريس✍️

                     الفصل الثالث❤️🤫

نبيلة بانتباه وهي تشير بعينيها نحو حور :
المهم مين الحلوة ماقولتليش؟

مصطفى بارتباك : دي حور، حور يا أمي اللي حكتلكم عليها .

نبيلة بتعجب : البنت اللي لقتها في الشارع وساعدتها !

ابتلع مصطفي ريقه بتوجس من رد فعل والدته وحاول التبرير وكسب تعاطفها :

مصطفى : أصلها مالهاش حد هنا وأنا جبتها البيت لأنها ..

قطع حديثهم صوت طرق على الباب، طرقات عنيفة وكأن الطارق يريد كسر الباب، نظرو لبعضهم بتعجب، أما حور فقد تملكها الخوف، بدأت بالتراجع للخلف بخطوات بطيئة ودموعها على وشك الهبوط وهي تنظر للباب بتوتر شديد .

نبيلة بقلق : ياستار يا رب، افتحوا بسرعة شوفو مين؟!

هرول مصطفي بخطوات سريعة نحو الباب وفتحه بقلق وفور فتح الباب بدأت تتحول ملامحه لتعجب شديد وعينيه على الطارق يتطلع بعدم تصديق !

مصطفى بنبرة وكأنه غير مصدق : ندى !

دخلت فتاة محجبة ومهندمة المظهر، يبدو أنها في العقد الثاني من عمرها، سارت للداخل بخطوات بطيئة، لكن ترسم على وجهها ابتسامة الثقه والأنتصار .

تبسمت ندى بتشفي وهي تنظر لمصطفى : ٠كُنت فاكر إنك هتفضل هربان مني أكتر من كده ؟

لكن لازال مصطفى متعجباً من حضورها ومعرفتها لمكانه، ولكنه تمالك نفسه وتحدث معها بجمود .

مصطفى بجمود : إيه اللي جابك هنا؟

ندى بثقة كاذبة : جيت عشان أعرفك إن مهما حاولت تستخبى وتهرب منى مش هتقدر ولا هتعرف.

رمقها مصطفي باشمئزاز، رفع أحد حاجبيه ورفع يده وأشار نحو الباب وقال .

مصطفى  بحدة شديدة : اطلعي بره .

لم تستطع ندى تزييف ضعفها ورسم الثقة والقوة أكثر من ذلك.. قالت بضعف .

ندى بضعف وتأثر : أطلع بره، !! لا مش هطلع يا مصطفى، أنا لازم أتكلم معاك، هتفضل لحد امتى هربان منى ومش عايز تسمعني، في إيه مالك أنت عمرك ما كنت كده !

تنهد مصطفى بزهق وصاح بها : في لازقه، في عدم كرامة عرفتي في أيه؟

ندى باستنكار : مافيش كرامة بين الواحدة وجوزها.