بنت الكاريان والمشهـور الوسيـم

البارت 10

🎵🌸بــنت الكريـــان والمشهـــور الوسيـــم🌸🎵

                🎵🌸صــــفقــــة زواج🌸🎵

💜🌸أحــــبـبــــت بـــســـاطــتـــك النــــــادرة🌸💜

بقلمـــــي وأناملــــي :🎶أميــمـــة مــاريبــوســــا🎶

الـبــــــــــــارت : 10
_كملات طريقها لدارهم وهيا كتنقر.....

خديجة حلات عليها لباب : سلام ابنتي
نهيلة بعصبية : وعليكم سلام
خديجة سدات لباب وتبعاتها : مالك ابنتي
نهيلة : مماليش
خديجة : وعلاش طالع ليك دم...
نهيلة : والو أماما
خديجة : اجي بركي تاكلي غادي يكون فيك جوع
نهيلة طلت فالصالون : فينوا بابا
خديحة : راه غير جاو عندوا شي صحابوا وخرجوه معاهم للقهوة
نهيلة : مزيان باش غير يبدل الجو شوية
خديحة : بركي انا نحط ليك الغدا وخا راه مبقا غدا دابا
نهيلة : وراه الخدمة اماما هيا لي عطلتني
خديجة : الله يسمح لينا منك
نهيلة قربت منها وباست ليها راسها : متقوليش هكا امامتي الحبيبة
خديجة شدتها من وجهها : عافا بنتي حيدي عليك هاد زمر ولي تخرجي عادي والى جا شي راجل قبلي بيه وتزوجي وديري دارك حتا نتي
نهيلة : أنا داري معاكم متبقايش تقولي ليا نتزوج وندير داري انا مغاداش نتزوج لما هزيتكم من هنا وبنسبة لهدشي لي فوجهي انا راضية بيه وباغاه وعاجبني نخرج هكا... واش انا بلا هدشي وكنتعرض لتحرش وبقا غير الى حيدتوا... عارفاني اماما بعض المرات كنتعطل برى ونتي عارفة زنقة كيف ديرة الى مكنتيش سبع ياكلوك ضبوعة... فخليني ندير لي كيسلكني اماما
خديجة بحسرة : الله يسهل عليك ابنتي وينقي طريقك من شوك
نهيلة : هانتي دابا فهمتيني اش خاصني.... انا براكة عليا غير هاد دعاوي
خديجة : كندعي معاك ديما
نهيلة : الله يخليك لينا... يله انا غادي ندخل نبدل هدشي ونتي حطي ليا ناكل
خديجة : مبقيتيش غادة تخرجي
نهيلة : لا صافي

_ دخلات نهيلة وغسلات حالتها وتوضات وبدلات حويجها وصلاة صلاوات لي تجمعوا عليها من بعد خرجت حدا ماماها وبركت....

نهيلة بدات كتاكل : ماما بغيت نهضر معاك
خديجة : الله يسمعنا خبار الخير... هضري انا كنسمعك
نهيلة : لقيت خدمة حسن من هاذي لي فيها أنا وحتا الفلوس كتار
خديجة : الى كانت محترمة وحلال الله يسر ليك
نهيلة : ولكن راه كينة فمدينة خرى
خديجة حطت تليكوموند : اشمن خدمة هادي لي غادة تخليك تمشي لمدينة خرى...؟!
نهيلة : غادة نمشي نقابل واحد المرى شارفة لولادها مغادا ندير والو منغير نعطيها دوا ونبدل ليها ونوكلها... يعني غادي غير نقابلها سيمانة كلها والأحد نجي عندكم نشوفكم
خديجة : منعرف ليك اختي شوفي معا باك الى بغا الله يتاويكم بالخير